Monday, November 02, 2009

ကိုကိုးကျွန်းသို့ အပျော်စီးသင်္ဘောခရီးစဉ်စတင်

ရန်ကုန်မြို၏ အနောက်တောင်ဘက် မိုင်၂၆၀ အကွာ အင်္ဂလားပင်လယ်အော်အတွင်းရှိ ကိုကိုးကျွန်းသို့ မြန်မာ့ကြယ်ငါးပွင့်သင်္ဘော လုပ်ငန်းပိုင် သံလွင်သင်္ဘောဖြင့် အပျော်စီးသင်္ဘောခရီးစဉ်ကို စတင်ပြေးဆွဲသွားမှာ ဖြစ်ပါတယ်။ ကိုကိုးကျွန်းခရီးစဉ်ကိုတော့ နိုဝင်ဘာလ ၂၀ရက်နေ့မှာ စတင်ပြေးဆွဲသွားမှာဖြစ်ပြီး ရန်ကုန်မြို့ကနေ ညနေ၃နာရီမှာ စတင်ထွက်ခွာမယ်လို့ သိရပါတယ်။
အဝေးတနေရာမှ ကိုကိုးကျွန်းရှုခင်းတစ်ခု
ရန်ကုန်မှ စတင်ထွက်ခွာချိန်ကစပြီး သင်္ဘောပေါ်မှာ ကာရာအိုကေ၊ မျက်လှည့် စသည့် ဖျော်ဖြေမှုတွေပါဝင်ပြီး၊ ကိုကိုးကျွန်းကို ရောက်တဲ့အခါမှာတော့ လိပ်ဥတူးဖေါ်ခြင်း၊ အမြင့်ပေ ၁၉၅ပေရှိပြီး သက်တမ်း ၁၄၀ကျော် ရှိပြီဖြစ်တဲ့ မီးပြတိုက်နှင့် ဒုတိယကမ္ဘာစစ်အတွင်းက ကျွင်းကျန်ခဲ့တဲ့ ကတုတ်ကျွင်းတွေကို သွားရောက် လေ့လာမှာ ဖြစ်ပါတယ်။ ဒီခရီးစဉ်ဟာ ရန်ကုန်ကနေပြီး ကိုကိုးကျွန်းကို နိုဝင်ဘာလ ၂၀ရက်နေ့မှာ စတင်ထွက်ခွာမှာဖြစ်ပြီး ၂၃ရက်နေ့မှာ ပြန်လည်ရောက်ရှိမယ့် သုံးညအိပ် လေးရက် ခရီးစဉ်ပါ။

ထို့အပြင် ဘင်္ဂလားပင်လယ်အော်နှင့် ကိုကိုးကျွန်း အလှအပအား ခံစားနိုင်မည့်ခရီးစဉ်ကို ပုံမှန်အပျော်စီး ခရီးစဉ်အဖြစ် ပြေးဆွဲသွားဖို့ စီစဉ်နေပါတယ်။ ဒီကိုကိုးကျွန်း ခရီးစဉ်မှာတော့ ခရီးသည်ဦးရေ အယောက် ၄၀၀၀န်းကျင် လိုက်ပါနိုင်ပါတယ်။
ကိုကိုးကျွန်းအား Google Earth မှမြင်ရစဉ်

ကိုကိုးကျွန်း နောက်ခံသမိုင်းအကျဉ်း
ကိုကိုးကျွန်းစုသည် ၁၈ရာစုတွင် အရှေ့အိန္ဒိယကုမ္ပဏီ၏ တည်ရှိခဲ့သည်။ 1857 ခုနှစ်တွင် အိန္ဒိယ၌ ပုန်ကန်မှုဖြစ်ပွားခဲ့ပြီး နယ်ချဲ့ဗြိတိလျှတို့သည် အက်ဒမန်ကျွန်းတောင်ပိုင်းရှိ ပို့ဘလဲရားတွင် 1858 ခုနှစ်၌ အကျဉ်းထောင် ဆောက်လုပ်၍ ပုန်ကန်သူများကို ထိန်းသိမ်းထားရှိခဲ့ရာ စားနပ်ရိက္ခာ သိုလှောင်ရာ နေရာအဖြစ် ကိုကိုးကျွန်းကို အသုံးပြုခဲ့ပါသည်။ 1882 ခုနှစ်တွင်မှု ကိုကိုးကျွန်းမှာ မြန်မာ့ပိုင်နက် အစိတ်အပိုင်းတစ်ခု ဖြစ်လာခဲ့ပြီး ဒုတိယကမ္ဘာစစ်ကာလအတွင်း၌ ဂျပန်တို့သည် မဟာဗျူဟာအရ အရေးပါသော အက်ဒမန်ကျွန်းနှင့် နီကိုဘာကျွန်းတို့ကို သိမ်းပိုက်ခဲ့သည်။ 1948 ခုနှစ်တွင် မြန်မာနိုင်ငံ လွတ်လပ်ရေး ရရှိသောအခါ ကိုကိုးကျွန်းစုအား ဗြိတိလျှက လွှဲပြောင်းပေးအပ်ခဲ့သည်။ ကိုကိုးကျွန်းစုအား ပဲခူးတိုင်း ဟံသာဝတီခရိုင်အတွင်း ထားရှိခဲ့ပြီးနောက် 1999 ခုနှစ်တွင် ရန်ကုန်တိုင်းအတွင်းရှိ မြို့နယ်တစ်ခုအဖြစ် သက်မှတ်ခဲ့သည်။

Refer : Weekly Eleven

No comments:

Post a Comment

Thank you for your comment on my blog, Anythig you can suggesting and discuss to me.