ပြည်တွင်းလေကြောင်း ခရီးစဉ် အချို့တွင် လေယာဉ်လက်မှတ်ရရှိရန် ခက်ခဲသော်လည်း အမှန်တကယ် စီးနင်းချိန်၌ ခုံနေရာလွတ်များ ရှိနေသည်ကို ကြုံတွေ့ရကြောင်း ခရီးသွားများနှင့် ပုဂ္ဂလိကလေကြောင်း လိုင်းများထံမှ စုံစမ်းသိရှိရပါသည်။

မြန်မာ့လေကြောင်းလိုင်း တစ်ခုမှလွဲ၍ ပြည်တွင်းခရီးစဉ်များ ပြေးဆွဲနေသော ကျန်ပုဂ္ဂလိက လေကြောင်းလိုင်းများသည် လေယာဉ်လက်မှတ် ရောင်းချခြင်းအား သက်ဆိုင်ရာလေ ယာဉ်လက်မှတ် အရောင်း ကိုယ်စားလှယ်များမှ တစ်ဆင့်ရောင်းချမှု ပြုလုပ်လေ့ရှိရာ အချို့သောလက်မှတ် အရောင်း ကိုယ်စားလှယ်များကြောင့် နစ်နာမှုများ ကြုံတွေ့ရကြောင်း သိရသည်။

ပုဂ္ဂလိက ပြည်တွင်းလေကြောင်း လိုင်းများသည် လက်မှတ်အရောင်း ကိုယ်စားလှယ်မှ ကြိုတင်မှာကြားထားသည့် လက်မှတ်များအား မည်သည့် အချိန်နောက်ဆုံးထား အတည်ပြုပေး ရမည်ဟူသည့် သတ်မှတ်ချက် မရှိခြင်းကြောင့် ထွက်ခွာမည့်ရက်နီးကပ်မှ လက်မှတ်ဖျက်သိမ်းခြင်းများ ရှိကြောင်း၊ ထိုသို့ရက်နီးကပ်မှ လက်မှတ် cancel ပြုလုပ်ခြင်းမှာ ခရီးသည်တစ်ဦးအတွက် ဆိုပါက ပြဿနာမရှိ နိုင်သော်လည်း ခရီးသည်အဖွဲ့လိုက်ဆိုပါက နစ်နာမှုများရှိကြောင်း သိရသည်။

“လေကြောင်းလိုင်းတွေ ဘက်ကလည်း ဘယ်နှရက်အတွင်း confirm လုပ်ရမယ်လို့ အတိအကျမပြော ဘူး။ ဒီတော့ လေကြောင်းလိုင်းရော၊ အမှန်တကယ် ခရီးသွားချင်တဲ့ ခရီးသည်ရော နစ်နာမှုတွေ ရှိနိုင်ပါတယ်”ဟု ခရီးသွားရေးရာ ကျွမ်းကျင်သူတစ်ဦး က ဆိုသည်။

ပြည်တွင်းလေကြောင်းလိုင်းတစ်ခုမှ တာဝန်ရှိသူတစ်ဦးကလည်း “အဖွဲ့ ၂၄ ယောက်ပါတဲ့  group ကိုနီး မှ cancel လုပ်တယ်။ လေယာဉ်လက်မှတ် အခက်အခဲကြောင့် အဆင်ပြေမယ့် လေကြောင်းလိုင်းတွေကို လိုက်ပြီးချိတ်ထားနိုင်တယ် ဆိုတာ နားလည်ပါတယ်။ ဒါပေမယ့် တခြားလေကြောင်းလိုင်းနဲ့ အဆင်ပြေသွားပြီဆိုရင် ဒီဘက်ကို ပြန်အကြောင်းကြား သင့်တယ်။ နီးမှပြောတော့ တကယ် သွားချင်တဲ့ သူတွေလည်း မသွားရဘူး၊ လေကြောင်းလိုင်းတွေကလည်း လက်မှတ်ကုန်အောင် ပြန်ရောင်းဖို့ခက်လို့ နစ်နာပါတယ်” ဟုပြောပြခဲ့သည်။

“လက်မှတ်ခက်လို့ Go Show  ၀ယ် ပြီး လိုက်သွားတဲ့ ခရီးသည်တွေက ဒီကိစ္စတွေကို မသိတော့၊ ငါသွားဝယ်တော့ လေယာဉ် လက်မှတ်မရဘူး ပြောတယ်၊ တကယ်စီးတော့ ခုံနေရာလွတ်တွေ အများကြီးပဲဆိုပြီး စိတ်ဆိုးတတ်ကြပါတယ်။ တမင်သက်သက် မရောင်းတာလားဆိုပြီးတောင် ထင်ကြပါတယ်” ဟု Air Mandalay မှ တာဝန်ရှိသူက ထပ်မံပြောပြခဲ့သည်။

ထိုသို့ခရီးသည်နှင့် လေကြောင်းလိုင်းများဘက်မှ နစ်နာမှုများ ရှိသောကြောင့် ခရီးစဉ်တွင် လိုက်ပါမည်ဖြစ်ကြောင်းကို ၇၂ နာရီ(၃ရက်အတွင်း) confirm  လုပ်ရန်၊ ၇၂ နာရီအတွင်း ဖျက်သိမ်းကြောင်း အကြောင်းမကြားပါက နစ်နာမှုအတွက် အရေးယူသည့် စနစ်ကို Air Mandalay လေကြောင်းလိုင်းမှ စတင်ကျင့်သုံးလျက် ရှိကြောင်း သိရသည်။

“ဒီစနစ်ကို ခရီးသည်တစ်ဦးချင်းထက်၊ group လိုက်ပါမယ့် သူတွေအတွက် ကျင့်သုံးတာပါ” ဟု အဆိုပါတာဝန်ရှိသူက ဆက်လက် ပြောပြခဲ့သည်။

အဆိုပါ အရေးယူသည့် စနစ်တွင် ၇၂နာရီအတွင်း ခရီးစဉ်ဖျက်သိမ်းကြောင်းကို အကြောင်းမကြား ပါက ပြည်တွင်းခရီးသည် ဆိုပါက ငွေကျပ် ၁၀၀၀၀ နှင့် နိုင်ငံခြား ခရီးသည်ဆိုပါက အမေရိကန်ဒေါ်လာ ၁၀ ဒေါ်လာပေးဆောင် ရမည်ဖြစ်ကြောင်း သိရသည်။

Source : News Eleven

0 Comments:

Post a Comment



Post a Comment

Thank you for your comment on my blog, Anythig you can suggesting and discuss to me.

Creative Commons License