Saturday, August 27, 2011

တောက်တဲ့နှင့် ကြက်တူရွေး ရှာဖွေသူ မြွေကိုက်သေဆုံး

ရခိုင်ပြည်နယ် မြောက်ပိုင်း မောင်တောမြို့နယ်တွင် တောက်တဲ့နှင့် ကြက်တူရွေး သားပေါက် ရှာဖွေသူ တဦးမှာ သြဂတ်စ်လ ၂၃ ရက်နေ့က မြွေကိုက်ခံရပြီး သေဆုံးသွားသည်ဟု သတင်းရရှိသည်။

သေဆုံးသွားသူမှာ မောင်တောမြို့နယ် မီးတိုက်ကျေးရွာမှ ဦးထွန်းဦး၏သား အသက် ၃၅နှစ်ရှိ ဦးမောင်ဒေါင်းချေဖစ်သည်။ သေဆုံးသွားသူနှင့်အတူ တောက်တဲ့ရှာဖွေရာတွင် ပါဝင်သူတဦးက သူသေဆုံးရခြင်းနှင့် ပတ်သက်ပြီး နိရဉ္စရာသို့ ယခုကဲ့သို့ပြောသည်။ 

“သူနဲ့အတူ ကျွန်တော်တို့ လူ ၃ယောက်ပါ။ တောက်တဲ့နဲ့ ကြက်တူရွေးတွေက သစ်ပင်ခေါင်းမှာနေတဲ့ သတ္တ၀ါတွေဆိုတော့ သစ်ခေါင်းတွေမှာ လိုက်ရှာရပါတယ်။ အဲဒီမှာ မောင်ဒေါင်းချေက သစ်ပင်ပေါ်တက်ပြီး သစ်ခေါင်းကို နှိပ်လိုက်တဲ့အခါမှာ သစ်ပင်ခေါင်းမှာရှိနေတဲ့ မြွေဟောက်က ကိုက်လိုက်တာ ဖြစ်ပါတယ်။ မြွေကိုက်တယ်လို့ သိလိုက်ရတာနဲ့ သစ်ပင်ပေါ်ကဆင်းပြီး ရွာကိုယူလာတဲ့အခါ ရွာကိုတောင် မရောက်ပါဘူး။ လမ်းမှာပဲ အသက်ဆုံးရှုံးသွားတာ ဖြစ်ပါတယ်။” 

ယခုအခါ နယ်စပ်ရှိ ကြက်တူရွေးသားပေါက်ဈေးနှင့် တောက်တဲ့ဈေးမှာ ယခင်နှစ်ကထက် ဈေးကောင်း ပေးပြီး ၀ယ်ယူနေကြသဖြင့် ကြက်တူရွေး သားပေါက်နှင့် တောက်တဲ့ ရှာဖွေသူ များပြားလာသည်ဟု သိရသည်။ 

“ လူတွေက အလုပ်အကိုင်ရှားတော့ ငွေရလွယ်တဲ့ တောက်တဲ့နဲ့ ကြက်တူးရွေး သားပေါက်တွေကို ရှာဖွေပြီး ရုန်းကန်နေကြရပါတယ်။ တောက်တဲ့ရော၊ ကြက်တူးရွေးသားပေါက်ရော သစ်ခေါင်းထဲမှာနေတာမို့ သစ်ခေါင်းတွေကို လက်နဲ့နှိုက်တဲ့အခါ အထူးသတိထားရပါတယ်။ သတိမထားရင် ခုလို ကိုမောင်ဒေါင်းချေလိုဘဲ မမျှော်လင့်ဘဲ မြွေနဲ့တိုးပြီး သေဆုံးရတတ်ပါတယ်” ဟု သူက ဆက်ပြောသည်။

ကြက်တူးရွေးနှင့် တောက်တဲ့မှာ ဈေးကောင်းကောင်းရနေပြီး လက်ရှိ တောက်တဲ့တကောင်၏ ဈေးကို ရောင်းဝယ်နေသူတဦးက ယခုလိုပြောပာသည်။

“တောက်တဲ့ကို ၀ယ်တဲ့အခါမှာ နှစ်မျိုးခွဲပြီးတော့ ၀ယ်ပါတယ်။ ၃၀ ကျပ်သားအရွယ်တကောင်ကို ဘင်္ဂလာမှာဆိုရင် တာကာငွေ ၅သိန်းထိပေးပြီးတော့၊ ၂၀ ကျပ်သားအရွယ်ဆိုရင် တာကာငွေ ၃သိန်းအထိ ပေးပြီးဝယ်ပါတယ်။ ကြက်တူရွေး သားပေါက်တွေကိုတော့ ရက်သားအလိုက် ၀ယ်ပါတယ်။” 

မြန်မာအိမ်နီးချင်း ဘင်္ဂလာဒေခ်ျ့တွင် တောက်တဲ့ အရောင်းဝယ်သူ လုပ်သူများအား ဖမ်းဆီးနေပြီး လွန်ခဲ့သောလ နောက်ဆုံးအပတ်ကလည်း ခါကာဆိုရီခရိုင် ဒက်ခီနာလာမှ တောက်တဲ့ဝယ်ယူသူ တစ်ဦးကို တောက်တဲ့ နှစ်ကောင်နှင့်အတူ ရဲကဖမ်းဆီးခဲ့သည်။ 

ယခင်နှစ်က မောင်တောမြို့နယ်တွင် ကြက်တူရွေးသားပေါက် ၁၀ ရက် ၊ ၁၅ ရက်သား တကောင်ကို ကျပ်ငွေ ၁၀၀၀မှ ၁၅၀၀ ကျပ်အကြားတွင်ရှိပြီး ၂၀ ရက်သား အတောင်စုံ အပျံသင်ကြက်တူရွေး တကောင်ကို ၂၀၀၀ ကျပ်ဈေးရှိခဲ့သည်။ ယခုနှစ်တွင် ၁၀ ရက်၊ ၁၅ ရက်သား ကြက်တူးရွေး တကောင်ကို ကျပ်ငွေ ၅၅၀၀ ကျပ်နှင့် ၂၀ ရက်သား အတောင်စုံ အပျံသင် ကြက်တူရွေးတကောင်ကို ၇၅၀၀ ကျပ်ထိ ဈေးပေးပြီး ၀ယ်ယူနေသည်ဟု သိရသည်။

ဝယ်ယူရရှိသော တောက်တဲ့များကို တရုတ်နိုင်ငံနှင့် မလေးရှားနိုင်ငံများသို့တင်ပို့ကြပြီး ကြက်တူရွေး သားပေါက်များက ဘင်္ဂလာဒေ့ခ်ျတွင် အိမ်မွေးအဖြစ် အသုံးပြုသကဲ့သို့ ဘင်္ဂလာဒေ့ခ်ျမှတဆင့် နိုင်ငံခြားသို့ တင်ပို့ ရောင်းချနေကြသည်ဟု သတင်းရရှိသည်။ 

ယခုကဲ့သို့ တောက်တဲ့နှင့် ကြက်တူရွေးသားပေါက်များကို ဈေးကောင်းပေးပြီး ၀ယ်ယူနေသောကြောင့် မယူ တောင်တန်းအနီး ပတ်ဝန်းကျင်ရှိ ကျေးရွာများဖြစ်သော ဂေါ်ဒူလာ၊ ဗန္ဓုလ၊ တောင်ပြို၊ အောင်သဖြေ၊ မီးတိုက်၊ ခမောင်းဆိပ်ဒေသများတွင် စီးပွားဖြစ် ရှာဖွေနေကြသည်ဟု သိရသည်။ 

Source : Narinjara

Friday, August 26, 2011

ချင်းမိုင်ဟိုတယ်တစ်ခုပေါ်တွင် ကမ္ဘာလှည့်ခရီးသည် ၆ဦး ထူးဆန်းစွာ သေဆုံးခဲ့ရသည့်ဖြစ်ရပ် ခြေရာကောက်နိုင်ပြီ

ထိုင်းနိုင်ငံ ချင်းမိုင်မြို့ရှိ Downtown ဟိုတယ်တွင် ၂ဝ၁၁ ခုနှစ် ဖေဖော်ဝါရီ ၁၉ ရက်နေ့ တွင်တည်းခိုနေကြသော အသက် ၇ဝ နှစ်နီးပါးခန့်ရှိ ဗြိတိသျှ ဇနီးမောင်နှံ Eileen နှင့်  George Everitt တို့သည် အခန်းအတွင်း နှစ်ဦးလုံးတစ်ပြိုင်တည်း သေဆုံးနေကြကြောင်း  တွေ့ရှိရသည်။ အမေရိကန် ကမ္ဘာလှည့် အမျိုးသမီးငယ် Pandola အသက် ၃၃ နှစ်သည်လည်း ဇန်နဝါရီလအတွင်းက သေဆုံးသွားခဲ့ဖူးသည်။ ဟိုတယ်တွင်းရှိရေကူးကန်မှ ရေကူးပြီးပြန်လာချိန်တွင် သေဆုံးသွားခဲ့ခြင်း ဖြစ်သည်။ ထို့နောက် ဖေဖော်ဝါရီ ၂ ရက်န့တွင်လည်း နယူးဇီလန်နိုင်ငံသား Sarah Carter အသက် ၂၃ နှစ်သည် ထိုင်းဧည့်ကြိုတစ်ဦးတို့နှင့်အတူ ထူးဆန်းစွာ သေဆုံးသွားခဲ့ကြသည်။ ၂ဝ၁၁ ခုနှစ် နှစ်ဦးပိုင်း ဇန်နဝါရီ ၂၆ ရက်နေ့တွင် ကနေဒါနိုင်ငံသား ကမ္ဘာလှည့်ခရီးသည် Bill Mah သည် ထို Dwontown ဟိုတယ် ပေါ်တွင်ပင် ထူးဆန်းစွာ သေဆုံးခဲ့သောကြောင့် အထူးစုံစမ်းစစ်ဆေးရေး အဖွဲ့တစ်ခုဖွဲ့၍ လူ၆ ဦး သေဆုံးခဲ့ရခြင်းကို စစ်ဆေးခဲ့သည်။ ထိုဟိုတယ်ကိုလည်း ပိတ်ထားခဲ့ကြသည်။ ၅ လခန့်ကြာအထိ စစ်ဆေး ပြီးနောက် WHO ကမ္ဘာ့ကျန်းမာရေး အဖွဲ့ကြီး၏ အစီရင်ခံစာအရ ထိုင်းင်ငံရောဂါထိန်းချုပ်ရေးအဖွဲ့မှ အသိပေးထုတ်ပြန်ခဲ့သည်မှာ ၄င်းတို့သည် အမည်ဖော်မပြနိုင်သော အဆိပ်တစ်မျိုးကြောင့်   သေဆုံး သွားခဲ့ကြကြောင်း ဖော်ပြထားသည်။ နယူးဇီလန်နိုင်ငံတီဗီများမှ ဖော်ပြချက်မှာ ၄င်းအဆိပ်မှာ ကြမ်းပိုး သတ်ဆေး Chlorpyrifos ဖြစ်ကြောင်း ပါရှိသည်။ ၄င်းတို့တည်း ခိုနေသော အခန်းထဲတွင် ထိုပိုးသတ်ဆေး သုံးထားသည်ကို တွေ့ရှိရသည်ဟု ဆိုသည်။ ထို့ကြောင့် အစိုးရများအနေဖြင့် ဟိုတယ်များတွင် သုံးသည့် အင်းဆက်သတ်ဆေးများကို စနစ်တကျစစ်ဆေးမှု အထူးပင်လိုအပ်ကြောင်း အကြံပြုထားသည်။

Thursday, August 25, 2011

မဟာမဲခေါင်မြစ်ဝှမ်းဒေသ စုပေါင်းဗီဇာတစ်ခုစနစ် စတင်နိုင်ရန် သက်ဆိုင်ရာအစိုးရများအပေါ်တွင် မူတည်နေ

မဟာမဲခေါင် မြစ်ဝှမ်းဒေသ ခြောက်နိုင်ငံဖြစ်သည့် မြန်မာ၊ ထိုင်း၊ ကမ္ဘောဒီးယား၊ ဗီယက်နမ်၊ လာအိုနိုင်ငံတို့နှင့် တရုတ်နိုင်ငံတို့ ပူးပေါင်းကာ ဗီဇာတစ်ခုစနစ်ကျင့်သုံးရန် စီစဉ်နေရာ လာမည့်နိုဝင်ဘာလတွင် ပုဂံမြို့၌ကျင်းပမည့် မဟာမဲခေါင်မြစ်ဝှမ်း ခြောက်နိုင်ငံခရီးသွားလုပ်ငန်း အစည်းအဝေးနှင့်ပြပွဲတွင် သက်ဆိုင်ရာ အဖွဲ့ဝင်နိုင်ငံများမှ ဆွေးနွေးဖွယ်ရှိကြောင်း သိရှိရသည်။

"မဟာမဲခေါင် ခြောက်နိုင်ငံပေါင်း ဗီဇာတစ်ခုတည်းစနစ်က မဟာမဲခေါင် ခရီးသွားလုပ်ငန်းအဖွဲ့အစည်းရဲ့ လုပ်ဆောင်ဖို့ ရည်ရွယ်ထားတဲ့ လုပ်ငန်းစဉ်တွေထဲက တစ်ခုအပါအ၀င်ဖြစ်ပါတယ်။ ဒါက ရေရှည်လုပ်ငန်းစဉ် တစ်ခုလည်းဖြစ်ပါတယ်။ အခြေခံသဘောအားဖြင့်တော့ အဖွဲ့ဝင်နိုင်ငံတွေ၊  ဟိုတယ်နှင့်ခရီးသွားလာရေး ၀န်ကြီးဌာနတွေက အကောင်အထည်ဖော် ဆောင်ရွက်ချင်ကြပါတယ်။ ဒါပေမယ့် တကယ်စတင် အကောင်အထည်ဖော်ဖို့က အဖွဲ့ဝင်နိုင်ငံတွေက အစိုးရခေါင်းဆောင်ပိုင်းတွေရဲ့ ဆုံးဖြတ်ချက်အပေါ် မူတည်ပါတယ်"ဟု မဟာမဲခေါင်ဒေသ ခရီးသွားလုပ်ငန်း ပူးပေါင်းဆောင်ရွက်ရေးရုံးမှ တာဝန်ရှိသူတစ်ဦးက ပြောသည်။
ထိုင်းနိုင်ငံရှိ နာမည်ကျော်ကွေးမြစ်ကူးတံတားအနီးတွင် တွေ့ရ သည့် နိုင်ငံတကာခရီးသွားများ။

ဓာတ်ပုံ - လွင်မောင်မောင်


ပုဂံမြို့တွင်ကျင်းပမည့် မဲခေါင်ဒေသ ခရီးသွားလုပ်ငန်း အစည်းအဝေးနှင့် ပြပွဲတွင် ယင်းကိစ္စနှင့်ပတ်သက်ပြီး ဆွေးနွေးဖွယ်ရှိသော်လည်း အတိအကျ မပြောနိုင်သေးကြောင်း ၎င်းကပြောသည်။ "ပုဂံမြို့မှာလုပ်မယ့် အစည်းအဝေးနဲ့ ခရီးသွားပြပွဲကာလအတွင်း ဒီကိစ္စ ဆွေးနွေးဖြစ်မဖြစ်ကို အတိအကျ မပြောနိုင်သေးပါဘူး။ နိုဝင်ဘာလမှဆိုတော့ အစည်းအဝေးအစီအစဉ် အဆင်သင့် မဖြစ်သေးလို့ပါ" ဟု ၎င်းကဆိုသည်။ ထို့ပြင် လက်ရှိမဲခေါင်ဒေသ ခရီးသွားလုပ်ငန်းအခြေအနေမှာ နှစ်စဉ်တိုးတက်ကောင်းမွန်နေရာ ယခု ဗီဇာတစ်ခုစနစ် ပေါ်ပေါက်လာပါက ဒေသတွင်းခရီးသွားလုပ်ငန်းမှာ ယခုထက် ပိုမိုတိုးတက်လာမည်ဟု ၎င်းက ပြောသည်။ "ကျွန်မအမြင်ကတော့ ခရီးသွားဧည့်သည် အ၀င်များလာတာထက် ခရီးသွားလုပ်ငန်း ဖွံ့ဖြိုးတိုးတက်ဖို့အတွက် ဘယ်လိုမြှင့်တင်မလဲဆိုတာက ပိုပြီးအဓိကကျတယ်လို့ ထင်ပါတယ်။ နောက် ခရီးသည်တွေအဆင်ပြေမယ့် မူဝါဒပိုင်းတွေကလည်း ခရီးသွားလုပ်ငန်းအတွက် များစွာအကျိုးဖြစ်ပါတယ်။ အဓိကကတော့ ခရီးသွားလုပ်ငန်းက ဒေသတစ်ခုနဲ့ အဲဒီဒေသခံလူတွေရဲ့ စီးပွားရေးကို ဘယ်လို တစ်ဖက်တစ်လမ်းက အထောက် အကူပြုသလဲဆိုတာက ပိုအရေးကြီးပါတယ်" ဟု ၎င်းကပြောသည်။

ခရီးသွားလုပ်ငန်းသည် လူသားနှင့်စီးပွားရေး ဖွံ့ဖြိုးတိုးတက်ရေးအတွက် အလွန်ကောင်းမွန်သော စီးပွားရေးလုပ်ငန်း ဖြစ်သောကြောင့် အများအကျိုးပြု စီးပွားရေးလုပ်ငန်းအသွင်ဖြင့် ပြောင်းလဲ ဆောင်ရွက်ခြင်းဖြင့် ခရီးသွားလုပ်ငန်း ရေရှည်တည်တံ့စေနိုင်မည်ဖြစ်ကြောင်း ၎င်းက သုံးသပ်ပြောဆိုသည်။

ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာနမှ ပြုစုထားသော စာရင်းအရ ယခုနှစ် ပထမခြောက်လအတွင်း မြန်မာနိုင်ငံသို့ နိုင်ငံခြားခရီးသွားဧည့်သည် ၁၇၂,၂၄၄ ဦး ၀င်ရောက်ခဲ့ပြီး လွန်ခဲ့သောနှစ် ပထမခြောက်လအ၀င်နှင့် နှိုင်းယှဉ်ပါက ၂၂ ဒသမ ၈၃ ရာခိုင်နှုန်း အထိ မြင့်တက်သွားသည်။ ဧည့်သည်အများစုမှာ အာရှတိုက်နိုင်ငံများမှဖြစ်ပြီး အများဆုံးမှာ ထိုင်းမှ ၃၅,၄၅၉ ဦး၊ တရုတ်မှ ၁၇,၉၄၄ ဦးနှင့် တောင်ကိုရီးယားမှ ၁၁,၀၀၃ ဦးတို့ဖြစ်သည်။ ဥရောပတိုက်နိုင်ငံများမှ ၃၉,၇၃၄ ဦး ၀င်ရောက်လာခဲ့ရာ ခြောက်လအတွင်း စုစုပေါင်း ဧည့်သည်အ၀င်၏ ၂၂ ဒသမ ၃ ရာခိုင်နှုန်း မြင့်တက်သွားသည်။ အများစုမှာ ပြင်သစ်မှ ၉,၄၃၅ ဦးနှင့် ဒုတိယအများဆုံးမှာ ဂျာမနီမှ ၆,၁၁၉ ဦး ၀င်ရောက်ခဲ့သည်။ 

Source : Myanmar Times

Wednesday, August 24, 2011

MAI က Online Ticket စနစ်ဖြင့် ပထမဆုံးအကြိမ် လေယာဉ်လက်မှတ် စမ်းသပ်ရောင်းချ

အပြည်ပြည်ဆိုင်ရာ မြန်မာ့လေကြောင်းလိုင်း MAI သည် နိုင်ငံတကာ လေကြောင်းလိုင်းများတွင် ကျင့်သုံးနေသည့် အွန်လိုင်းမှတစ်ဆင့် လေယာဉ်လက်မှတ် ရောင်းချသည့် Online Ticket စနစ်ကို အများပြည်သူသို့ စမ်းသပ်ရောင်းချပေးခဲ့ကြောင်း ၁၇-၈-၂၀၁၁ ရက်က သိရသည်။ ထိုသို့ စမ်းသပ်ရောင်းချခြင်းကို ၁၅-၈-၂၀၁၁ ရက် တစ်ရက်တည်း ပြုလုပ်ခဲ့ခြင်းဖြစ်ပြီး ဈေးနှုန်းများကို လျှော့ချပေးထားကြောင်း သိရသည်။ တစ်ရက်တည်း စမ်းသပ်ဆောင်ရွက်ခဲ့တာပါ။ သွားဖို့လာဖို့ရှိပြီး သိလိုက်တဲ့သူတွေက ဝယ်ကြတယ်လို့ သိရတယ်ဟု Nice Fare မှ တာဝန်ရှိသူက ပြောကြားသည်။ 

MAI လေကြောင်းလိုင်းအနေဖြင့် ယခုကဲ့သို့ Online Ticket စနစ်ကို အများပြည်သူသို့ စမ်းသပ်ရောင်းချခြင်းကို ပထမဆုံးအကြိမ် ပြုလုပ်ခြင်းဖြစ်ပြီး ရန်ကုန်-ဘန်ကောက်အတွက် အမေရိကန်ဒေါ်လာ ၈၁ ဒေါ်လာ၊ ဘန်ကောက်-ရန်ကုန်အတွက် ၉၄ ဒေါ်လာ၊ ရန်ကုန်-ဘန်ကောက်-ရန်ကုန်နှင့် ဘန်ကောက်-ရန်ကုန်-ဘန်ကောက်အတွက် ဒေါ်လာ ၁၅၀၊ ရန်ကုန်-စင်ကာပူ-ရန်ကုန်အတွက် ၁၉၈ ဒေါ်လာ၊ စင်ကာပူ-ရန်ကုန်- စင်ကာပူအတွက် ၁၆၈ ဒေါ်လာ၊ ရန်ကုန်-ကွာလာလမ်ပူ-ရန်ကုန်အတွက် ၁၇၄ ဒေါ်လာ၊ ကွာလာလမ်ပူ-ရန်ကုန်-ကွာလာလမ်ပူအတွက် ၁၂၄ ဒေါ်လာ၊ ရန်ကုန်-ကွမ်ကျိုးအတွက် ၂၃၉ ဒေါ်လာစီ၊ ရန်ကုန်- စီယမ်ရိ-ရန်ကုန်အတွက် ဒေါ်လာ ၁၆၀၊ စီယမ်ရိ-ရန်ကုန်-စီယမ်ရိအတွက် ဒေါ်လာ ၁၃၀ လျှော့ချ၍ ရောင်းချပေးခဲ့ကြောင်း သိရသည်။

လက်ရှိ မြန်မာနိုင်ငံရှိ ဘဏ်များတွင် အကြွေးဝယ်ကတ်စနစ် မရှိသော်လည်း လေကြောင်းလိုင်း သတ်မှတ်သည့် အာဆီယံဒေသတွင်း နိုင်ငံများရှိ ဘဏ်များမှ အကြွေးဝယ်ကတ် ကိုင်ဆောင်ထားသူများ ရှိကြောင်း၊ MAI လေကြောင်းလိုင်း အနေဖြင့် Online Ticket စနစ်ဖြင့် ရောင်းချနိုင်ရေး ပြင်ဆင် ဆောင်ရွက်နေသည်မှာ ကြာမြင့်နေပြီဖြစ်ပြီး ယခုမှ စတင်စမ်းသပ်ခြင်းဖြစ်ကြောင်း၊ ထိုသို့ စမ်းသပ်မှုအရ အောင်မြင်မှုရရှိပါက ပြည်တွင်း၌ ရောင်းချရန် အဆင်မပြေနိုင်သေးသော်လည်း ပြည်ပတွင် ရောင်းချနိုင်မည်ဖြစ်ကြောင်း ၂၀၁၁ ခုနှစ် သြဂုတ်လ ၂၅ ရက်နေ့ထုတ် ပြည်မြန်မာ ဂျာနယ်တွင် ဖော်ပြထားပါသည်။

Source : Khit Lu Nge

ဧရာဝတီလင်းပိုင်တို့၏ နေထိုင်ကျက်စားမှုပုံစံများအား စောင့်ကြည့်လေ့လာခြင်း၊ ကာကွယ်ထိန်းသိမ်းခြင်း၊ အသိပညာပေးခြင်း လုပ်ငန်းစဉ်များ စက်တင်ဘာလမှစတင်၍ တစ်လလျှင် နှစ်ကြိမ်ဆောင်ရွက်မည်

ဧရာဝတီလင်းပိုင်တို့၏ နေထိုင်ကျက်စားမှုပုံစံများအား စောင့်ကြည့်လေ့လာခြင်း၊ ကာကွယ်ထိန်းသိမ်းခြင်း၊ ရပ်ရွာများအား အသိပညာပေးခြင်း လုပ်ငန်းစဉ်များကို စက်တင်ဘာလမှ စတင်၍ တစ်လလျှင် နှစ်ကြိမ်ခန့် ဆောင်ရွက်သွားမည်ဖြစ်ပြီး ယင်းလုပ်ငန်းစဉ်များကို ငါးလုပ်ငန်းဦးစီးဌာနနှင့် သားငှက်ထိန်းသိမ်းရေး အဖွဲ့(WCS)တို့ ပူးပေါင်းစီစဉ်ဆောင်ရွက်ခြင်းဖြစ်သည်ဟု သိရသည်။

ကျွန်တော်တို့ နှစ်စဉ် စက်တင်ဘာလကစပြီး ဇန်န၀ါရီလအထိကို ဧရာဝတီလင်းပိုင် ကွင်းဆင်း စောင့်ကြည့်တဲ့ လုပ်ငန်းစဉ် လုပ်ပါတယ်။  ဧရာဝတီလင်းပိုင် အရေအတွက် သတ်မှတ်တာ၊ တစ်ကောင်ချင်းကို စောင့်ကြည့် လေ့လာတာ၊ သူတို့ရဲ့ နေထိုင်ကျက်စားမှုပုံစံတွေ လေ့လာတာ၊ ဧရာဝတီမြစ်ရဲ့ အပြောင်းအလဲနဲ့အတူ သူတို့အပေါ်ဘာတွေ ထိခိုက်နိုင်လဲဆိုတာ လေ့လာတာ၊ အန္တရာယ်ဖြစ်နိုင်တဲ့ အခြေအနေတွေကို သုံးသပ်တာ၊ ဧရာဝတီလင်းပိုင် ထိန်းသိမ်းရေးနယ်မြေအတွင်းမှာ ရှိနေတဲ့ရွာတွေကို အသိပညာပေးတွေ လိုက်လံ ပြောပြတာတွေ အဓိကလုပ်ဖြစ်ပါတယ် ဟု သားငှက်ထိန်းသိမ်းရေး အဖွဲ့(WCS) မှ ဦးအောင်မျိုးချစ်က ရှင်းပြခဲ့သည်။

ထို့အပြင် ဧရာဝတီလင်းပိုင်များနှင့် ပတ်သက်၍ အသိပညာရရှိမှုအပိုင်းနှင့် ပတ်သက်ပြီး အခုဆို ဧရာဝတီလင်းပိုင်နဲ့ပတ်သက်လို့ တော်တော်လေးကို သိလာကြပြီလို့ ဆိုလို့ရပါတယ်။ ရေလုပ်သားတွေ အနေနဲ့ ဘယ်လိုအရာတွေက ဧရာဝတီလင်းပိုင်တွေကို အန္တရာယ်ဖြစ်စေနိုင်တယ်ဆိုတာ သိမြင်လာပြီး ဆင်ခြင်လာကြသလို ဧရာဝတီလင်းပိုင်တစ်ကောင် သေဆုံးတာမျိုးကအစ ကျွန်တော်တို့ကို အကြောင်းကြား ပေးတာမျိုးထိ ဆောင်ရွက်လာကြတာကို တွေ့ရပါတယ်။ ဒါကကောင်းတဲ့လက္ခဏာပါ ဟု ဆက်လက် သုံးသပ်ခဲ့သည်။

ဧရာဝတီလင်းပိုင် ထိန်းသိမ်းရေးနယ်မြေအား စစ်ကိုင်းတိုင်းနှင့် မန္တလေးတိုင်းအကြား၊ မင်းကွန်းနှင့် ကျောက်မြောင်းမြို့အကြား ၇၄ ကီလိုမီတာ အကွာအဝေးကို သတ်မှတ်ထားပြီး ယခင်နှစ် လေ့လာထားချက် အရ ဧရာဝတီလင်းပိုင် ၂၁ ကောင် နေထိုင်လျက်ရှိသည်ဟု သိရှိရသည်။  ဧရာဝတီလင်းပိုင်များသည် သြစတြေးလျတိုက် မြောက်ပိုင်း၊ နယူးဂီနီနှင့် အရှေ့ဘက်တွင် ဖိလစ်ပိုင်နိုင်ငံ၊ အနောက်ဘက်တွင် ဘင်္ဂလားပင်လယ်အော်၊ အိန္ဒိယ အရှေ့မြောက်ဒေသ၊ အင်ဒိုနီးရှား မဟာခမ်မြစ်၊ အိန္ဒိယနိုင်ငံ ဂင်္ဂါမြစ်၊ ဘင်္ဂလားဒေ့ရှ့်နိုင်ငံ ဗြဟ္မပုတ္တရမြစ်၊ လာအိုနိုင်ငံ၊ ကမ္ဘောဒီးယားနိုင်ငံ၊ ဗီယက်နမ်နိုင်ငံတို့ရှိ မဲခေါင်မြစ်ကြောင်း တစ်လျှောက်နှင့် မြန်မာနိုင်ငံ ဧရာဝတီမြစ်၊ ရခိုင်ကမ်းရိုးတန်း၊ ဧရာဝတီမြစ်ဝကျွန်းပေါ် ဒေသနှင့် မြိတ်ကျွန်းစုတို့တွင် တွေ့ရှိရသည်။ ဧရာဝတီလင်းပိုင်များနှင့် ရေလုပ်သားများ ပူးပေါင်းငါးဖမ်းသည့် အလေ့အထမှာမူ မြန်မာနိုင်ငံတွင်သာ တွေ့ရှိရခြင်းဖြစ်သည်။

Source : News-Eleven

Tuesday, August 23, 2011

နယ်စပ်ဝင်ပေါက်များမှ ကမ္ဘာလှည့်ခရီးသွားဧည့်သည် ဝင်ရောက်မှုဦးရေကျဆင်း

၂၀၁၀ ခုနှစ်မှ စ၍ မြန်မာနိုင်ငံသို့ ကမ္ဘာလှည့် ခရီးသည် ၀င်ရောက်မှု သည်အိမ်နီးချင်း အာဆီယံနိုင်ငံများနှင့် နှိုင်းယှဉ်လျှင် ကမ္ဘာ့လှည့် ခရီးသွားဦးရေ ကျဆင်းလာကြာင်း ခရီးသွားလုပ်ငန်း အသိုင်း အ၀ိုင်းက ပြောသည်။ 

အဓိက ထိုင်းဧည့်သည်တွေ လုံးဝကိုမ၀င်တော့ဘူး။ အဲဒီဘက်က ၀င်မယ်ဆိုရင် E.P (Entry Permit) နဲ့ ကျိုင်းတုံအထိပဲ သွားလို့ရတယ် ဟု ရွှေထီးကန် ဟိုတယ်ဇုန်မှတာဝန်ရှိသူ တစ်ဦးကပြောသည်။ မြန်မာနိုင်ငံ၏ ခရီးသွား ၀င်ရောက်မှုမှာ International Gateway မှ ၀င်ရောက်လာသူများထက် Border Gate (နယ်စပ်ဝင် ပေါက်) မှ ၀င်ရောက်သူက ပိုမိုများပြားကြောင်း၊ လေဆိပ်များမှ ၀င်ရောက်လာသူဦးရေမှာ ၂၀၁၀ ပြည့်နှစ် ဇန်န၀ါရီမှ ဇွန်လအတွင်း ဦးရေ ၇၉,၀၀၀ ကျော်၊ နယ်စပ်ဝင်ပေါက်မှ ၁,၀၁,၀၀၀ ကျော် ၀င်ရောက်ခဲ့ကြောင်း၊ ယခုနှစ် ၂၀၁၁ ခုနှစ် ငါးလတာကာလတွင် လေဆိပ်ဝင်ပေါက်မှ ၁,၉၀,၀၀၀ ကျော်၊ နယ်စပ်ဝင်ပေါက်မှ ၂,၀၀,၀၀၀ ကျော် ၀င်ရောက်ခဲ့ကြောင်း ဟိုတယ်နှင့်ခရီးသွားလာရေး ညွှန်ကြားမှုဦးစီးဌာနမှ တရားဝင် ထုတ်ပြန်ထားသည်။

ကျွန်တော်တို့ဆီမှာက ၀င်ပေါက်ထွက်ပေါက်က တော်တော်များတယ်။ အများစုက ရန်ကုန်က၀င်ပြီး နယ်စပ် ကပြန်ထွက်တယ်။ နယ်စပ်က၀င်ပြီး ရန်ကုန်ကပြန်ထွက်တာတွေ လည်းရှိတယ်။ တချို့ခရီးစဉ်တွေကျတော့ နိုင်ငံသုံးလေးခုပါတဲ့ ခရီးစဉ်တွေရှိတယ်။ ထိုင်း-မြန်မာ- ဗီယက်နမ် အဲဒီလိုမျိုး ခရီးစဉ်တွေပါတယ်။ အဲဒီမှာက နယ်စပ်ဝင်ပေါက်ကနေ ၀င်ရတဲ့ ခရီးစဉ်တွေပါလာရော။ အခု လတ်တလောက ၀င်လို့မရတော့ ခရီးစဉ်ကို မ၀ယ်တာတွေရှိတယ် ဟု ပြည်ပခရီးသွား လုပ်ငန်းကုမ္ပဏီတစ်ခုမှ တာဝန်ရှိသူတစ်ဦးကပြောသည်။

အခုလတ်တလောအခြေအနေအရတော့ သွားလို့မရတဲ့ နေရာတွေရှိတယ်။ သွားလာဖို့ အဆင်မပြေ နိုင်သေးဘူး။ သက်ဆိုင်ရာကခွင့်မပြုသေးတာဟု ဟိုတယ်နှင့်ခရီးသွား ၀န်ကြီးဌာနမှ ဒုတိယ၀န်ကြီး ဦးဌေးအောင်က ပြောသည်။ လတ်တလောအနေအထားအရ နယ်စပ်မြို့များ၌ ဖွင့်လှစ်ထားသော ဟိုတယ်များတွင် ယခင်နှစ်များထက်ခရီးသည် လာရောက်တည်းခိုမှု နည်းပါးလာကြောင်း အဆိုပါမြို့များတွင် ဟိုတယ်လုပ်ငန်း လုပ်ကိုင်သူများကပြောသည်။

“အခုကတော့ လာတဲ့ခရီးသည်က မရှိသလောက်ပဲ။ အရင်နှစ်တွေကတော့ လာသေးတယ်”ဟု ကျိုင်းတုံမြို့ရှိ princess  ဟိုတယ်မှ ဦးစိုးရွှေက ပြောပာသည်။ “မြစ်ကြီးနားခရီးစဉ်ကတော့ ဘယ်လိုမှရောင်းလို့မရတော့ဘူး။ ဟိုဘက်က အေးဂျင့်ကိုလည်း လှမ်းပြောထားရတယ်”ဟု Rendezvous International Travel ကုမ္ပဏီမှ မန်နေးဂျင်းဒါရိုက်တာ ဦးစိုးမြင့်ကပြောသည်။

၂၀၁၀ ပြည့်နှစ်မှစ၍ မြန်မာနိုင်ငံသို့ ခရီးသွားဧည့်သည် ၀င်ရောက်မှုမြင့်တက် လာခဲ့သော်လည်း အိမ်နီးချင်း အာဆီယံနိုင်ငံများနှင့် နှိုင်းယှဉ်ပါက နည်းပါးလျက်ရှိသည်ကို တွေ့ရသည်။ ယခုနှစ် ခရီးသွားရာသီတွင် မြန်မာနိုင်ငံသို့ လာရောက်သည့် ခရီးသွားဦးရေ ငါးသိန်းခန့် လာရောက်လည်ပတ်မည်ဟု ခန့်မှန်းထားကြောင်း ခရီးသွားဦးရေတိုးတက်ရေး အလုပ်ရုံဆွေးနွေးပွဲတွင် ဟိုတယ်နှင့်ခရီးသွားလာရေး ညွှန်ကြားမှုဦးစီးဌာနမှ တာဝန်ရှိသူတစ်ဦးက ပြောကြားခဲ့သည်။

Thursday, August 18, 2011

လသားအရွယ် ဧရာဝတီလင်းပိုင် သေဆုံး

စစ်ကိုင်းတိုင်းဒေသကြီး၊ ရွှေဘိုခရိုင်၊ ၀က်လက်မြို့နယ်၊ ရှိမ်းမကား ကျေးရွာ အနီး ဧရာဝတီမြစ်ကြောင်းတွင် ဇူလိုင်လ ၃၁ ၌ ဧရာဝတီလင်းပိုင်တစ်ကောင် သေဆုံးနေသည်ကို တွေ့ရှိရသဖြင့်ဒေသခံများက ငါးလုပ်ငန်း ဦးစီးဌာနနှင့် သားငှက်ထိန်းသိမ်းရေးဌာန (WCS) သို့ အကြောင်းကြားရာ သေဆုံးရခြင်း အကြောင်းရင်းကို သွားရောက် စစ်ဆေးပြီး အရိုးစုကို သိမ်းဆည်းခဲ့သည်။

သေဆုံးသော ဧရာဝတီလင်းပိုင်မှာအမဖြစ်ပြီး အရှည်လေးပေ၊ လုံးပတ် နှစ်ပေခန့်ရှိ လသားအရွယ် ဖြစ်သည်။ ဧရာဝတီလင်းပိုင်၏လည်ပင်းတွင် ချွန်ထက်သောအရာဖြင့် ထိုးသွင်းထားသော ဒဏ်ရာကို တွေ့ရှိရသည်။ တွေ့ရှိရချိန်တွင် ဧရာဝတီလင်းပိုင်မှာ ပုပ်ပွ၍အရေခွံများ စုတ်ပြဲနေပြီး အနံ့အသက် များထွက်နေသဖြင့် သေဆုံးသည်မှာ အနည်းဆုံး ၅ ရက်ခန့်ရှိမည်ဟု သားငှက် ထိန်းသိမ်းရေးအဖွဲ့နှင့် တိရစ္ဆာန်ဆရာ ၀န်က ခန့်မှန်းကြသည်။

"ကျွန်တော်တို့ကို ရှိမ်းမကားကျေးရွာက ဒေသခံတွေက ဧရာဝတီလင်းပိုင်တစ် ကောင်သေဆုံးနေတာ တွေ့ရှိရကြောင်း အကြောင်း ကြားကြားချင်း သွားရောက် စစ်ဆေးခဲ့ပါတယ်။ ဧရာဝတီလင်းပိုင်က အမဖြစ်ပြီး ခြောက်လနဲ့ရှစ်လကြား လသားအရွယ်ပဲရှိပါသေးတယ်။ သေဆုံး ဒဏ်ရာတွေကို စစ်ဆေးပြီးခွဲစိတ်ကြည့် တဲ့အခါ လည်ပင်းမှာချွန်ထက်တဲ့အရာနဲ့ ထိုးသွင်းထားတာတွေ့ရပါတယ်။ "ဖြစ်နိုင်ချေရှိတာကတော့ ဧရာဝတီ လင်းပိုင်ကို ဖမ်းချင်တာမဟုတ်ဘဲ ငါးရွေးနဲ့မှားပြီး မှိန်းနဲ့ထိုးဖမ်းမိတာ ဖြစ်နိုင်ပါတယ်။ ဧရာဝတီလင်းပိုင်မှန်းသိတော့ ယူမသွားရဲဘဲ ထားခဲ့တာဖြစ်နိုင်ပါတယ်။ ရှိမ်းမကားအနီးမြစ်ကြောင်းမှာ တွေ့ရတာဖစ်ပေမယ့် သေဆုံးတာ ငါးရက်လောက်ရှိပြီဖြစ်လို့ အထက်ကမျောလာတာလည်း ဖြစ်နိုင်ပါတယ်။ "တိရစ္ဆာန်ဆရာဝန် ဒေါက်တာခင်မောင်တင့်က သေဆုံးဒဏ်ရာကို စစ်ဆေးခွဲစိတ်ပြီး အရိုးစုကိုသိမ်းဆည်းခဲ့ပါတယ်။ အရိုးစုကို လောလောဆယ် သားငှက်ထိန်းသိမ်းရေး မန္တလေးရုံးမှာထားရှိပါတယ်"ဟု သားငှက်ထိန်းသိမ်းရေးအဖွဲ့မှ ဦးနိုင်ဝင်းက ဆိုသည်။

ဧရာဝတီလင်းပိုင်တစ်ကောင်သေဆုံးနေသည်ကို ဒေသခံများက သက်ဆိုင်ရာသို့ အကြောင်းကြားပေးသဖြင့် ဧရာဝတီလင်းပိုင်ထိန်း သိမ်းရေး လုပ်ငန်းများတွင် ဒေသခံများပူးပေါင်း ပါဝင်လာသည်ကို တွေ့ရှိရသည်။ "အရင်ကဆို ဧရာဝတီလင်းပိုင်သေတာကို မဆိုင်သလိုနေချင်နေပေမယ့် အခုအချိန်မှာတော့ ပညာပေးလုပ်ငန်း တွေကြောင့် ထိန်းသိမ်းစောင့်ရှောက်ရေးမှာ ပူးပေါင်းပါဝင်လာကြပါတယ်။ "အခုလို ဧရာဝတီလင်းပိုင်သေဆုံး တာကို တွေ့ရတဲ့အခါ သက်ဆိုင်ရာကို ချက်ချင်းအကြောင်းကြားပေးပါတယ်။ ဧရာဝတီ လင်းပိုင်ထိန်းသိမ်း စောင့်ရှောက်ရေးအတွက် ဒေသခံတွေ ပါဝင်လာခြင်းဖြင့် အောင်မြင်မှု ပိုမိုရရှိလာမှာ ဖြစ်ပါတယ်"ဟု သားငှက် ထိန်းသိမ်းရေးအဖွဲ့မှ ဦးအောင်မျိုးချစ်ကဆိုသည်။

ဧရာဝတီ လင်းပိုင်တစ်ကောင်သည် သက်တမ်းနှစ် ၃၀ မှ ၅၀ ကြားရှိပြီး အကြီးဆုံး ခုနစ်ပေခွဲခန့်ရှိသည်။ ဧရာဝတီ လင်းပိုင်သေဆုံးခြင်းကို ငါးကောင်တွေ့ရှိရပြီး လေးကောင်ကို အရိုးစုနှင့် တစ်ကောင်ကို ဦးခေါင်းခွံ သိမ်းဆည်းထားနိုင်ခဲ့သည်။ ဧရာဝတီလင်းပိုင် သေဆုံးခြင်းကို ဗန်းမော်၊ ကသာ၊ ငရယ်ရွာ၊ ဆည်သည်ရွာနှင့် ယခု ရှိမ်းမကား ကျေးရွာများတွင်တွေ့ရှိရသည်။ ဧရာဝတီလင်းပိုင် ထိန်းသိမ်းစောင့် ရှောက်ရေးလုပ်ငန်းများကို ငါးလုပ်ငန်း ဦးစီးဌာနနှင့် သားငှက်ထိန်းသိမ်းရေးအဖွဲ့ (WCS) တို့က ပူးပေါင်းဆောင်ရွက်လျက်ရှိသည်။ တစ်လတစ်ကြိမ် သွားရောက်လေ့ရှိသော မင်းကွန်း-ကျောက်မြောင်းကြား ဧရာဝတီလင်းပိုင် ထိန်းသိမ်းရေး နယ်မြေ ဧရာဝတီလင်းပိုင်ထိန်းသိမ်းရေး ကင်းလှည့်ခရီးစဉ်ကို မိုးတွင်းကာလဖြစ်သော ဇွန်၊ ဇူလိုင်၊ ဩဂုတ်လများတွင် ရပ်ဆိုင်းထားရာ စက်တင်ဘာလတွင် ခရီးစဉ် ပြန်လည်စတင်မည်ဖြစ်ကြောင်း သိရသည်။

အဆိုပါဧရာဝတီလင်းပိုင် ထိန်းသိမ်းရေးကင်းလှည့်ခရီးစဉ်တွင် ဧရာဝတီလင်းပိုင် ထိန်းသိမ်းရေးလုပ်ငန်းများ ပညာပေးခြင်း၊ ဧရာဝတီလင်းပိုင်နှင့် ပူးပေါင်းငါးဖမ်းသောရေလုပ်သားများကို ပညာပေးခြင်း၊ တရားမ၀င်ငါးဖမ်း နည်းဖြင့် ငါးဖမ်းခြင်းများကိုစစ်ဆေးခြင်း စသည်တို့ကို ဆောင်ရွက်ကြသည်။ နှစ်စဉ် ဇန်န၀ါရီလ၌ ပြုလုပ်လေ့ရှိ သော မန္တလေး - ဗန်းမော်ကြား ဧရာဝတီ မြစ်ကြောင်း တစ် လျှောက်တွင် ဧရာဝတီလင်းပိုင် ထိန်းသိမ်းရေး စာရင်းကောက် သုတေသနခရီးစဉ်ကိုလည်း ၂၀၁၂ ခုနှစ်၊ ဇန်န၀ါရီလတွင် သွားရောက် မည်ဖြစ်ပြီး ယခင်နှစ်များက ဆောင်ရွက်မှုများထက် ပိုမိုဆောင်ရွက်နိုင်ရန် အစီအစဉ်များ ချမှတ် ဆောင်ရွက်လျက်ရှိကြောင်း သိရသည်။

Source : Myanmar Times

Wednesday, August 17, 2011

 မြိတ်ကျွန်းစု ၀န်းကျင်၌ ရေပေါ်လှေပေါ်တွင် နေထိုင် အသက်မွေးကြသော ဆလုံ တိုင်းရင်းသားများ လူဦးရေ လျော့နည်းကျဆင်း



မြိတ်ကျွန်းစုဝန်းကျင်၌နေထိုင်လေ့ရှိကြပြီး ရေပေါ်လှေပေါ်တွင် နေထိုင် အသက်မွေးကြသော ဆလုံတိုင်းရင်းသားများသည် ယခု အခါတွင် လူဦးရေ လျော့ကျလာကြောင်း တွေ့ရှိခဲ့သည်ဟု သတင်း ရရှိပါသည်။ မြန်မာနိုင်ငံတောင်ပိုင်းရှိ မြိတ်ကျွန်းစုများသည် ကျွန်းပေါင်း ၈၀၀ ၀န်းကျင်ဖြင့် ဖွဲ့စည်းတည်ရှိနေပြီး အရှေ့တောင်အာရှတွင် အကြီးဆုံးသော မပျက်မစီး တည်ရှိနေသည့် ကျွန်းစုများ ဖြစ်ကြသည်။ ယင်းကျွန်းစုတစ်ဝိုက်တွင် ဆလုံတိုင်းရင်းသားများ နေထိုင်သော ရွာငယ်လေးများ တည်ရှိကြကာ ဆလုံတိုင်းရင်းသားများ လူဦးရေ လျော့နည်းကျဆင်းမှုကို တွေ့ရှိလာရကြောင်း WCS Myanmar Program မှ ဦးအောင်မျိုးချစ်က ပြောကြားသည်။

''ဆလုံတွေက သူတို့ကို ဆလုံ လို့ခေါ်ရင် မကြိုက်ကြပါဘူး။ မော်ကင်းလို့ပဲ သုံးနှုန်းရပါတယ်။ မော်ကင်းတွေဟာ လှေခုနစ်စီး၊ ရှစ်စီးရှိရင် ရွာတစ်ရွာ ဖြစ်ပါတယ်။ သာမန် ကြည့်ရင်တော့ လှေတွေလို့ပဲ မြင်မှာ ဖြစ်ပေမယ့် သူတို့အတွက်တော့ အိမ်ပါ''ဟု ဦးအောင်မျိုးချစ်က ပြောပြသည်။

ဆလုံ တိုင်းရင်းသားများသည် မြိတ်ကျွန်းစုရှိ ရွာငယ်များတွင် နေထိုင်ကြရာ၌ လူဦးရေ ၁၅၀ ခန့် ရှိနေသောရွာ ရှိသကဲ့သို့ ဦးရေ ၃၀၀ ခန့် ၀န်းကျင်ရှိနေသော ရွာလည်း ရှိသည်ဟု သိရှိရသည်။

''မော်ကင်းတွေအတွက်တော့ လှေဟာ အိမ်ပါပဲ။ သူစိမ်းတော့ နေဖို့ခက်တယ်။ သူတို့တွေက ရှက်တတ်တယ်။ လူတွေနဲ့ ဆက်ဆံဖို့ ခက်တယ်။ လူဦးရေ လျော့နည်းလာရတဲ့ အကြောင်းတွေထဲမှာ ဒီလို သီးခြား နေတတ်တာလည်း ပါနိုင်ပါတယ်'' ဟု ဦးအောင်မျိုးချစ်က ဆိုပါသည်။

''မော်ကင်းတွေကို လှေကိုကြည့်ပြီး ခွဲနိုင်တယ်။ ဒီလှေဟာ ခရုရှာတဲ့ လှေလား၊ ပိုက်နဲ့ငါးဖမ်းတဲ့လှေလား ခွဲနိုင်တယ်။ သူတို့ အလုပ်လုပ်တဲ့ အချိန်ဟာ တစ်ချိန်ပဲ။ ရေကျချိန်ဆို ရေတိမ်ရာကိုသွားတယ်။ လှေနဲ့သွားနေရင်းနဲ့ ခုန်ချတယ်။ မျော့ငုပ်ကြတယ်။ ရေအောက်ကို ၁၅ ပေ၊ ပေ ၂၀ လောက်အထိ free ငုပ်နိုင်တယ်။ ရေအောက်ကို ကျွမ်းကျင်တယ်။ ဘယ်နေရာမှာ ဂူရှိတယ်၊ လျှိုရှိတယ် သိကြတယ်။ မော်ကင်းတွေရဲ့ ခံယူချက်ကတော့ မနက်ဖြန်အတွက်ရှိရင် ဒီနေ့ အလုပ်မလုပ်ဘူး ဆိုတာပါပဲ''ဟု ဦးအောင်မျိုးချစ်က ပြောကြားခဲ့သည်။

မြန်မာနိုင်ငံတွင် အချို့သော တိုင်းရင်းသားများ လူဦးရေ လျော့နည်းကျဆင်းလာခြင်းကို ကြုံတွေ့လာရပြီး တိုင်းရင်းသား အချို့မှာမူ ဓလေ့ထုံးစံများ တိမ်ကောလာခြင်း၊ သက်ဆိုင်ရာ စာပေ တတ်မြောက်သူ မရှိသလောက် နည်းပါးလာခြင်း တို့ကိုလည်း ကြုံတွေ့နေရသည်။

ဆလုံတိုင်းရင်းသားများသည် လှေပေါ်တွင် ခုနစ်လ၊ ရှစ်လ ၀န်းကျင်နေထိုင်ကြပြီး မိုးရာသီ ရောက်ရှိပါက ကျွန်းများ၌ အခြေချ နေထိုင်ကြသည်။ ထိုသို့ နေထိုင်ရန်အတွက် အခမ်းအနားတစ်ရပ် ပြုလုပ်ကာ နတ်ဆရာက နေထိုင်မည့်နေရာကို တွက်ချက် ရွေးချယ်သည်ဟု သိရှိရသည်။

Source : News-Eleven

Monday, August 15, 2011

ပုဂံဒေသတွင် ကမ္ဘာလှည့် ခရီးသွား ဧည့်သည်များအား စွဲဆောင်နိုင်သည့် ဘုရားပွဲတော်ကာလ စတင်

ပုဂံရှေးဟောင်းယဉ်ကျေးမှု နယ်မြေသို့ လာရောက် လည်ပတ်သော ကမ္ဘာလှည့် ခရီးသွား ဧည့်သည်များအား အထူးစွဲဆောင်နိုင်သည့် ဘုရားပွဲတော်များ ကျင်းပသည့်ကာလ ပုဂံတွင် သြဂုတ်လဆန်းမှ စတင်ပြီ ဖြစ်ကြောင်း သိရသည်။

ပုဂံဒေသ၏ ပွဲတော်လရာသီကို လောကနန္ဒာ ဘုရားပွဲတော်ဖြင့် ၀ါခေါင်လဆန်း ၈ ရက်နေ့က ရှေးအစဉ်အလာမပျက် စတင်ခဲ့ရာ ဒေသခံ ဧည့်ပရိသတ်များနှင့်အတူ ကမ္ဘာလှည့် ခရီးသွား နိုင်ငံခြားသားများလည်း လာရောက်ခဲ့ကြောင်း သိရှိရပါသည်။

ပုဂံဒေသတွင် ထင်ရှားသော ပွဲတော်များမှာ တော်သလင်းလတွင် ကျင်းပသည့် မြင်းကပါ မနုဟာဘုရားပွဲ၊ တန်ဆောင်မုန်းလတွင် ကျင်းပသည့် ရွှေစည်းခုံ ဘုရားပွဲ၊ နတ်တော်လတွင် ကျင်းပသည့် အလိုတော်ပြည့် ဘုရားပွဲနှင့် ပြာသိုလတွင် ကျင်းပသည့် အာနန္ဒာဘုရား ပွဲတော်တို့ ဖြစ်သည်။ ယခင်နှစ် အဆိုပါ ဘုရားပွဲတော်များ ကာလအတွင်း ပုဂံဒေသသို့ ကမ္ဘာလှည့် ခရီးသွား စုစုပေါင်း ၅၀၅၇၉ ဦး လေဆိပ်၊ ရေဆိပ်နှင့် ကုန်းလမ်းတို့မှ ၀င်ရောက်ခဲ့ကြောင်း သိရှိရပါသည်။

ယခုနှစ် ခရီးသွားရာသီ အတွင်း ခရီးသွားလုပ်ငန်း လုပ်ကိုင်နေကြသူများ အနေဖြင့် ခရီးသွား အများအပြား ၀င်ရောက်လာမည်ဟု မျှော်လင့်ထားကြပြီး နိုဝင်ဘာနှင့် ဒီဇင်ဘာလများ၌ ဟိုတယ် အခန်းနှင့် ကားရရှိရန်ပင် ခက်ခဲနိုင်ကြောင်း ဒေသခံ ခရီးသွားလုပ်ငန်း လုပ်ကိုင်သူတစ်ဦးက ပြောပါသည်။

Source : News Eleven

Saturday, August 13, 2011

ဧရာဝတီမြစ်ကြောင်း အသုံးပြုဖို့ တရုတ်ဘက်မှ ကမ်းလှမ်းလာ


တရုတ်နိုင်ငံမှ ကုန်သည်အချို့ ဗန်းမော်နားက ဧရာဝတီမြစ်ကြောင်း ပြုပြင်ဖို့ ကမ်းလှမ်းထားကြောင်း သိရပါတယ်။ ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဌာနမှ တာဝန်ရှိသူတစ်ဦးက တရုတ်ကုန်သည်တွေက သူတို့ ကုန်ပစ္စည်းတွေကို ဗန်းမော်ဘက်ကို ဆင်းချင်တယ်၊ ဧရာဝတီမြစ်ကို အသုံးပြုပြီး တခြားနိုင်ငံတွေကို တင်ပို့ရင် သူတို့အတွက် လမ်းကြောင်းတိုသွားမယ်၊ ဧရာဝတီမြစ်ကို အသုံးပြုဖို့ မြစ်ကြောင်းပြင်ဆင်ဖို့ ဆွေးနွေးနေကြတယ်။ MOU တော့ မထိုးရသေးဘူး လို့ ပြောပါတယ်။ ကုန်ပစ္စည်း များများတင်ပို့နိုင်ဖို့အတွက် ရေစူးမှတ်များဖို့ လိုပါတယ်။ လက်ရှိမှာ ရေစူးမှတ်က ငါးပေလောက်ပဲ ရှိတဲ့အတွက် ၁၀ ပေလောက် တူးရမှာဖြစ်တယ်လို့ သိရတယ်။ တရုတ်ကုန်သည်တွေက ဧရာဝတီမြစ်ကြောင်း အသုံးပြုခွင့်ရရင် ရေစူးမှတ်တူးဖို့ ကုန်ကျစရိတ်နဲ့ နည်းပညာပေးရမှာဖြစ်လို့ မြန်မာအတွက်လည်း အကျိုးရှိတယ်လို့ သိရတယ်။ တရုတ်နိုင်ငံမှ ကုန်သည်တွေနဲ့ ပြီးခဲ့တဲ့ လေး၊ ငါးလလောက်က နှစ်ကြိမ်ဆွေးနွေးခဲ့ပြီး နောက်ထပ်လည်း အသေးစိတ်ဆွေးနွေးမှုတွေ ပြုလုပ်ုသွားဖို့ ရှိတယ်လို့ သိရကြောင်း ၂၀၁၁ ခုနှစ် သြဂုတ်လ ၁၂ ရက်နေ့ထုတ် မော်ဒန် သတင်းဂျာနယ်တွင် ဖော်ပြထားပါသည်။

Source : Khit Lu Nge

Friday, August 12, 2011

ဧရာဝတီအတွက် စိုးရိမ်ကြောင်း ဒေါ်အောင်ဆန်းစုကြည် ပြောပြီ


လူထုခေါင်းဆောင် ဒေါ်အောင်ဆန်းစုကြည်က အငြင်းပွားဖွယ်ရာ ဧရာဝတီမြစ် ညာဘက်တွင် တည်ဆောက်နေသော ရေကာတာများကြောင့် သဘာဝပတ်ဝန်းကျင်နှင့် အခြားဆိုးကျိုးများနှင့် ပတ်သက်ပြီး စိုးရိမ်ကြောင်း ပထမဆုံးအကြိမ် ထုတ်ဖော် ပြောဆိုလိုက်သည်။ 

ဆည်စီမံကိန်းများကြောင့် လျှပ်စစ်စွမ်းအင် ထုတ်လုပ်နိုင်မည် ဖြစ်သော်လည်း မြစ်ကြောင်း ပြတ်တောက်ခြင်း၊ ရေတိုက်စားမှုနှုန်း မြင့်မားခြင်း၊ ရေစီးအားနည်းခြင်း၊ စီမံကိန်း ဆောက်လုပ်ရာမှ ကျန်ရှိနိုင်သည့် ဓာတု ဓာတ်ပစ္စည်း များ ပိုမိုစုစည်းကာ ဆည်လွှတ်ရေတွင် ပါဝင်နိုင်ခြင်းတို့ကြောင့် စိုးရိမ်စရာဖြစ်ခဲ့ကြောင်း ဧရာဝတီ အတွက် ပန်ကြားချက်  အမည်ဖြင့် ကြာသပတေးနေ့က ကြေညာချက် ထုတ်ပြန်လိုက်သည်။

စနစ်ကျသော စီမံကိန်းများ ကင်းမဲ့မှု၊ ထိန်းသိမ်းမှုဆိုင်ရာ ဥပဒေများကို လိုက်နာရန် ပျက်ကွက်မှုနှင့် သဘာဝ ပတ်ဝန်းကျင်ဆိုင်ရာ အသိပညာနှင့် ဗဟုသုတ အားနည်းခြင်းတို့သည် ပြဿနာပေါင်းစုံကို ဖြစ်ပေါ်စေခဲ့ပါသည် ဟုလည်း ဒေါ်အောင်ဆန်းစုကြည် ကိုယ်တိုင် လက်မှတ်ထိုးထားသည့် ပန်ကြားလွှာတွင် ဖော်ပြထားသည်။

မြစ်ဆုံရေကာတာ စီမံကိန်း အစပျိုးစဉ်ကပင် မြန်မာအစိုးရ အဆက်ဆက်က မိမိတုိ့၏ အကျိုးစီးပွားကို ကာကွယ်မြှင့်တင်ရန် ပျက်ကွက်ခဲ့သည်ဟု ကချင်အမျိုးသားတို့၏ ခံယူချက်များ ပိုမိုနက်ရှိုင်းလာခဲ့သည် ဟုလည်း သူက သတိပေးထားသည်။

ဧရာဝတီ၊ မေခ၊ မလိခမြစ်ကြောင်း တလျှောက်ရှိ မြစ်ဆုံ၊ ချီဖွေ၊ ချီဖွေငယ်၊ ခေါင်လံဖူး၊ ပရှီး၊ ဖီဇော၊ လဇာ၊ လကင် ဒေသများတွင် ရေကာတာ ၈ ခု တည်ဆောက်မည် ဖြစ်ကာ အများဆုံး ၆,၀၀၀ မဂ္ဂါဝပ်မှ အနည်းဆုံး ၁,၄၀၀ မဂ္ဂါဝပ် စုစုပေါင်း ၁၃,၃၆၀ မဂ္ဂါဝပ် ထုတ်လုပ်မည်ဟု ဌာနဆိုင်ရာ ထုတ်ပြန်ချက်တွင် ပါရှိသည်။

ရေအားလျှပ်စစ် မီဂါဝပ် ၃,၆ဝဝ ထုတ်လွှတ်ပေးနိုင်မည့် မြစ်ဆုံ ရေကာတာ စီမံကိန်း အရ မေခမြစ် အပိုင်းတွင် ရေကာတာ ၅ ခု၊ မလိခမြစ်မှာ ၂ ခု ပိတ်ရမည် ဖြစ်သည်ဟု ပတ်ဝန်းကျင် စောင့်ရှောက်ရေး လှုပ်ရှားသူများက ပြောသည်။

ပတ်ဝန်းကျင် ထိန်းသိမ်းရေး ပညာရှင်များ၊ တက်ကြွ လှုပ်ရှားသူများ၊ ဆည်ကြောင့် အကျိုးယုတ်ရမည့် ဒေသခံများက ဝိုင်းဝန်း ကန့်ကွက်နေသည့် ကြားမှပင် စီမံကိန်းကို ၂ဝဝ၇ ခုနှစ်မှစ၍ အေးရှားဝေါလ် ကုမ္ပဏီနှင့် တရုတ်နိုင်ငံ လျှပ်စစ်ဓာတ်အား ရင်းနှီးမြှုပ်နှံမှု ကော်ပိုရေးရှင်း - CPI တို့က တာဝန်ယူ ဆောက်လုပ်နေခြင်း ဖြစ်သည်။

ယင်းအပြင် စီမံကိန်းကြောင့် ရွှေ့ပြောင်းပေးခဲ့ရသည့် ရွာ ၆၃ ရွာနှင့် လူပေါင်း ၁၂၀၀၀ ကျော်အတွက်လည်း ပြန်လည်နေရာချထားပေးရန် လိုအပ်နေသည်။

မေခ၊ မလိခမြစ်ဆုံနှင့် ဧရာဝတီမြစ်ဆုံ၌ ရေကာတာများ ဆောက်လုပ်ရန် ရှေ့တိုး ဆောက်ရွက်နေခြင်းဟာ လူနည်းစု တိုင်းရင်းသား လူမျိုးများ၏ အမြင်ကို လျစ်လျူရှု ပစ်ပယ်ထားသည့် နောက်ဆုံး သာဓကတခု ဖြစ်တယ် ဟု ကချင်လွတ်မြောက်ရေးအဖွဲ့ KIO ထိန်းချုပ်ဒေသများ အုပ်ချုပ်ရေးမှူး  လမာဂွမ်ဖန်း (Lama Gumhpan) က မဇ္ဈိမနှင့် တွေ့ဆုံ မေးမြန်းခန်းတခုတွင် ဖြေကြားခဲ့သည်။

မြစ်ဆုံဆည်ကြောင့် ပြည်တွင်းစစ်အထိ ဦးတည်သွားနိုင်သဖြင့် စီမံကိန်းကို ရပ်ဆိုင်းထားပါရန်နှင့် စစ်ဖြစ်ပါက မိမိတို့တွင် အပြစ်မရှိကြောင်းလည်း မြန်မာအစိုးရကို အကြောင်းကြားထားပြီး ဖြစ်ကြောင်း KIO ဥက္ကဋ္ဌ လရော်ဇောင်းဟရား လက်မှတ်ထိုးကာ တရုတ်သမ္မတ ဟူကျင်းတောင်ထံ အိမ်ဖွင့်ပေးစာ တစောင်ကို ၂ဝ၁၁ ခုနှစ် မတ်လ ၁၆ ရက်နေ့က ပေးပို့ခဲ့သေးသည်။

မြစ်ဆုံဆည် စီမံကိန်းနေရာ၌ ၂ဝ၁ဝ ခုနှစ် ဧပြီလ ၁၇ ရက်နေ့တွင် အနည်းဆုံး ဗုံး ၁၀ လုံး သီးခြားစီ ပေါက်ကွဲခဲ့သည်။ ဗုံးပေါက်ကွဲမှုများကြောင့် အနည်းဆုံး တရုတ် အလုပ်သမားတဦး သေဆုံးခဲ့ကာ ယာယီ အဆောက်အအုံ အချို့လည်း ပျက်စီးခဲ့သည်။ အစိုးရဘက်က တာပိန်ရေအားလျှပ်စစ် စီမံကိန်း အနီးရှိ KIA ယာယီစခန်းကို ဇွန်လ ၁၁ ရက် နောက်ဆုံးထား ဖယ်ရှားခိုင်းရာက ဇွန် ၁ဝ ရက်နေ့တွင် အစိုးရတပ်များနှင့်  ကချင်တပ်များ တိုက်ခိုက်စတင်ဖြစ်ခဲ့ကြရာ ယခုထိ ပြေလည်မှု မရသေးပေ။

မြန်မာ-တရုတ် အစိုးရများ အနေဖြင့် နှစ်နိုင်ငံအကျိုး မျှော်မြင်၍ အသက်အိုးအိမ်များကို အန္တရာယ်ပြုနိုင်မည့် နောက်ဆက်တွဲ ပြဿနာများကို ရှောင်ရှားလိုကြမည်ဟု ယုံကြည်ကြောင်းနှင့် အမျိုးသားရေးနှင့် နိုင်ငံတကာ သဟဇာတဖြစ်ရေးကို ရှေ့ရှုလျက် သက်ဆိုင်သူ အားလုံးက စီမံကိန်းအား ပြန်လည် သုံးသပ်၍ မလိုအပ်သော အကျိုးဆက်များကို ရှောင်ရှားရန် ဒေါ်အောင်ဆန်းစုကြည်က ဆက်လက် တိုက်တွန်းထားသည်။

စီမံကိန်းအတွက် တံတားများ တည်ဆောက်ရာ၌ ရေတိုက်စားခြင်းနှင့် သောင်ထွန်းခြင်း ပြဿနာများကို ထည့်သွင်း မစဉ်းစားခဲ့သည့် အတွက် ရေတိုက်စားခြင်းနှင့် သောင်ထွန်းမှုများ ဖြစ်ပေါ်နေကြောင်း၊ နွေရာသီတွင် သွားလာရေးခက်ခဲမှုနှင့် သောက်သုံးရေ ခပ်ရန် ခက်ခဲမှုများ ဖြစ်နေခြင်းမှာ ဆယ်စုနှစ်များပင် ရှိခဲ့ပါပြီဟုလည်း မြန်မာ-အင်္ဂလိပ်နှစ်ဘာသာဖြင့် ထုတ်ဝေသည့် ထုတ်ပြန်ချက်တွင် ပါရှိသည်။

ဆည်စီမံကိန်းများ အောက်ဖက် ဧရာဝတီမြစ်ကြောင်း တလျောက်နေသူ ပြည်သူတွေအတွက် ရေကြောင်းပြောင်းလဲမှုကြောင့် ထိခိုက်နစ်နာရဖွယ် ရှိနေတယ် ဟု မြန်မာနိုင်ငံ မြစ်ကြောင်းများဆိုင်ရာ ကွန်ယက်အဖွဲ့ Burma Rivers Network ခေါင်းဆောင်တဦးဖြစ်သူ စိုင်းစိုင်းက မဇ္ဈိမနှင့် တွေ့ဆုံ မေးမြန်းခန်း တခုတွင် ဖြေကြားခဲ့သည်။

မြစ်ဝှမ်းဒေသများတွင် ဆယ်စုနှစ်အတွင်း စက်ရုံ၊ အလုပ်ရုံများ တိုးပွားလာခြင်းနှင့် ရွှေတူးဖော်ခြင်းများကြောင့် ဧရာဝတီလင်းပိုင် အပါအဝင် ရှားပါးငါးမျိုးများ ရှင်သန်မှုကို ထိခိုက်ရကာ မြစ်ကို မှီခိုနေသူများအတွက် သောက်သုံးရေနှင့် အစားအစာအတွက်မှာ လုံခြုံကင်းမဲ့နေသည်။

ပို၍အရေးကြီးသည့်ပြဿနာမှာ မြစ်ရေစီးအားနည်းပါးခြင်းကြောင့် မြစ်အောက်ပိုင်း မြစ်ဝကျွန်းပေါ် ဒေသများ၌ ပင်လယ်ဆားငန်ရေ ဝင်ရောက်မှု ပိုမိုကျယ်ပြန်လာခြင်းကြောင့် ဆန်စပါးထုတ်လုပ်မှု ထိခိုက်ကာ ဆန်အဓိက စားသုံးနေသည့် ပြည်သူတရပ်လုံးကို ထိခိုက်လာကြောင်းနှင့် ဆန်တင်ပို့မှုမှ ရရှိသည့် နိုင်ငံခြားဝင်ငွေ ထိခိုက် ကျဆင်းမှုကိုလည်း ဒေါ်အောင်ဆန်းစုကြည်က သတိပေးထားသည်။

ဧရာဝတီမြစ်နှင့် ဆက်စပ် ဖြစ်ပေါ်နေသည့် သဘာဝပတ်ဝန်းကျင်၊ စီးပွားရေး၊ အတတ်ပညာနှင့် နိုင်ငံရေးဆိုင်ရာ ပြဿနာအလုံးစုံကိုလည်း အားလုံး ပူးပေါင်းခြင်းဖြင့်သာ ဖြေရှင်းနိုင်မည်ဖြစ်ကြောင်းလည်း ထုတ်ပြန်ချက်တွင် ဖော်ပြထားသည်။


Source : Mizzima Burmese
Photo : Irrawaddy

Thursday, August 11, 2011


ယခုနှစ် ခရီးသွားရာသီတွင် မြန်မာနိုင်ငံသို့ လာရောက်လည် ပတ်သော နိုင်ငံခြားသားဧည့်သည် ၆,၀၀,၀၀၀ ကျော် ၀င်ရောက်နိုင်ဖွယ် ရှိကြောင်း ပုဂ္ဂလိကခရီးသွားလုပ်ငန်း အသိုင်းအ၀ိုင်းက ပြောသည်။
“အစိုးရပိုင်းကတော့ ငါးသိန်းလောက် လာမယ်လို့ ခန့်မှန်းတယ်။ ကျွန်တော်တို့ ပုဂ္ဂလိကလုပ်ငန်းရှင်တွေ အနေနဲ့ကတော့ မှန်းထားတာ ခြောက်သိန်း ကျော်နိုင်တယ်”ဟု Myanmar Tourism Board (MTB) ဒုဥက္ကဋ္ဌဦးလှ မောင်ရွှေက ပြောသည်။
လတ်တလော အနေအထားအရ မြန်မာနိုင်ငံအပေါ်စိတ်ဝင်စားမှုမှာ ၂၀၁၀ ခုနှစ်နောက်ပိုင်းတွင် မြင့် တက်လာပြီး ခရီးသွားကုမ္ပဏီများ၏ website များသို့ဝင်ရောက်ကြည့် ရှုလေ့လာမှုမှာ နှစ်သန်းကျော်အထိ မြင့်တက်လာကြောင်း နာမည်ကြီး ပုဂ္ဂလိကခရီးသွားလုပ်ငန်းရှင်တစ်ဦးက ပြောပာသည်။

Tuesday, August 09, 2011

မြစ်ဆုံ ဝေဖန်ချက်ကို တုန့်ပြန်ပြီ

 မြစ်ဆုံ ရေလှောင်တမံ စီမံကိန်း မြင်ကွင်းတခု (ဓာတ်ပုံ - ဧရာဝတီ)

မြန်မာနိုင်ငံ၏ အကြီးဆုံး ရေအားလျှပ်စစ် စီမံကိန်းကြီးဖြစ်သည့် ဧရာဝတီမြစ်ဆုံ စီမံကိန်းကြောင့် သဘာဝ ပတ်ဝန်းကျင် ပျက်စီးပြီး နိုင်ငံအတွက် ဆိုးကျိုးများဖြစ်လာမည် ဟူသော ဝေဖန်ချက်များမှာ လုပ်ကြံပြောဆိုချက်များ ဖြစ်ကြောင်း၊ နိုင်ငံအတွက် စိုးရိမ်စရာ မရှိသည့် စီမံကိန်းဖြစ်ကြောင်း အင်္ဂါနေ့ထုတ် အစိုးရ သတင်းစာများက တုံ့ပြန် ရေးသားလိုက်သည်။
“ဧရာဝတီမြစ်ကို အမှီပြု၍ ဆောင်ရွက်လျက်ရှိသည့် စိုက်ပျိုးရေး၊ လူမှုရေးလုပ်ငန်းများအပေါ်၌ ထိခိုက်မှု လုံးဝ မရှိနိုင်ပေ” ဟု သတင်းစားဆောင်းပါးရှည်တွင် ရေးသားထားသည်။

စီမံကိန်းများနှင့် ပတ်သက်၍ နိုင်ငံတကာနှင့် ပြည်တွင်းရှိ ပြည်သူလူထု အထင်မှား အမြင်မှားဖြစ်စေရေး မဟုတ်မမှန် ဖန်တီးလုပ်ကြံ၍ ရေးသား လုပ်ဆောင်မှုများ ရှိနေသည်ဟု ဆိုသည်။

ဧရာဝတီမြစ်၏ ကချင်ပြည်နယ် မေခ၊ မလိခ မြစ်ဆုံဒေသတွင် မြန်မာအစိုးရ၏ အမှတ် ၁ လျှပ်စစ်ဝန်ကြီးဌာနနှင့် တရုတ်ကုမ္ပဏီတခု ဖြစ်သော CPI တို့က လျှပ်စစ်ဓာတ်အား မီဂါဝဒ် ၆၀၀၀ ထုတ်လုပ်နိုင်မည်ဟု ဆိုသည်။ စီမံကိန်းအတွက် ဧရာဝတီမြစ်ရေ၏ ၇.၆ ရာခိုင်နှုန်းမျှသာ သုံးစွဲမည်ဟု ဆိုသည်။

မြစ်ဆုံဆည် စီမံကိန်းဒေသသည် စင်္ကာပူနိုင်ငံခန့် အရွယ်အစား ရှိပြီး ဒေါ်လာ ၃.၆ ဘီလျံ အကုန်ကျခံကာ ၂၀၀၉ ခုနှစ်မှ စတင်ဆောက်လုပ်နေသည်။ ၁၀ နှစ်ကြာမည့် ထိုစီမံကိန်းကြောင့် သဘာဝ ပတ်ဝန်းကျင်၊ ယဉ်ကျေးမှု အမွေအနှစ်၊ စီးပွားရေး၊ လူမှုရေးတို့ ထိခိုက် ပျက်စီးမည်ဟု ပြောဆို ကန့်ကွက်နေသည့် ကြားက ထိုစီမံကိန်း ဆက်လက် လည်ပတ်နေခြင်း ဖြစ်သည်။

စီမံကိန်းနှင့်ပတ်သက်၍ ၂၀၀၉ ခုနှစ်တွင် တရုတ်-မြန်မာ ကျွမ်းကျင်ပညာရှင်ပေါင်း ၁၀၀ ကျော် ပါဝင်သည့် စူးစမ်းလေ့လာရေးအဖွဲ့က ၆ လကြာ သုတေသနလုပ်ခဲ့သည်ဟု ဆိုသည်။ သို့သော်လည်း တွေ့ရှိချက်များကို ထုတ်ပြန်ကြေညာခြင်းမရှိဟု သိရသည်။

လေ့လာ သုတေသနပြုချက်များတွင် စီမံကိန်းကြောင့် နောက်ဆက်တွဲဆိုးကျိုး အလွန် များပြားနိုင်ကြောင်း ထောက်ပြထားကြသည်ဟု ဆိုသည်။

ကချင်လွတ်လပ်ရေးအဖွဲ့ (KIO)က ကချင်ပြည်နယ် မြစ်ဆုံစီမံကိန်းကို လုံးဝဆန့်ကျင်ကြောင်း၊ တခြား ဆည်စီမံကိန်းများနှင့် ပတ်သက်၍လည်း အစိုးရနှင့် ညှိနှိုင်းဆွေးနွေးရန် အသင့်ရှိကြောင်း KIO ပြောခွင့်ရ ဗိုလ်မှူးကြီး ဂွမ်မော်က ပြောသည်။

“ကျနော်တို့က မတိုက်ပါဘူး။ ဒါပေမယ့် တိုက်ပွဲတွေဖြစ်လို့ တရုတ် တာပိန်ဆည်တွေမှာ ဖြစ်သလို ဒီမြစ်ဆုံဆည် စီမံကိန်းဟာ အဲဒီလိုပဲ ဖြစ်သွားလိမ့်မယ်” ဟု ဗိုလ်မှူးကြီး ဂွမ်မော်က ပြောသည်။

ဇွန်လက ကချင်ပြည်နယ်ရှိ  တာပိန်ဆည်များ အနီး တိုက်ပွဲများ ဖြစ်ပွားနေ၍ လုပ်ငန်းများ ရပ်တန့်နေခြင်းကို သူက ရည်ရွယ် ပြောဆိုခြင်း ဖြစ်သည်။

မြစ်ဆုံစီမံကိန်းကြောင့် ဆိုးကျိုးဖြစ်လာမည်ကို မြန်မာနိုင်ငံသားတို့ ကျယ်ကျယ်ပြန့်ပြန့် မသိရှိကြသေးကြောင်း၊ တမျိုးသားလုံးအတွက် အလွန်အရေးကြီးသည့် ကိစ္စဖြစ်ကြောင်း  လူပုဂ္ဂိုလ်၊ အဖွဲ့အစည်း အများအပြားက ထောက်ပြနေကြသည်။

ရန်ကုန်မြို့တွင် ပရဟိတလုပ်ငန်းများ လုပ်ဆောင်နေသည့် ဒေါ်မြင့်မြင့်ခင်ဖေက ယခုစီမံကိန်းကြီးကြောင့် ဆုံးရှုံးနစ်နာမှု လွန်စွာများပြားမည် ဖြစ်ကြောင်း၊ ဧရာဝတီမြစ်နှင့် အသက်မွေးနေရသည့် လယ်သမား၊ ယာသမားများ၊ ဒေသခံ တိုင်းရင်းသားများနှင့် အတူ နိုင်ငံသားအားလုံးအတွက် ထိခိုက်မည်ကို စိုးရိမ်ရကြောင်း ဧရာဝတီကို ပြောသည်။

“ဒီစီမံကိန်းကြီးဟာ ကျမတို့နိုင်ငံရဲ့ သဘာဝ ပတ်ဝန်းကျင်ကိစ္စပါ မကပါဘူး၊ အမျိုးသားရေးသမိုင်းပါ ဆုံးရှုံးသွားနိုင်တယ်လို့ မြင်ပါတယ်။ နိုင်ငံအတွက် အရမ်းအန္တရာယ်ကြီးတဲ့ ဒီစီမံကိန်း သဘောမတူခင်ကတည်းက ကျမတို့ နိုင်ငံသားတွေ ကျယ်ကျယ် ပြန့်ပြန့်သိအောင် လုပ်ဖို့လိုတယ်။ အစိုးရအနေနဲ့လည်း အနာဂတ် မျိုးဆက်တွေအတွက်ပါ ကြည့်ပြီး စီမံကိန်းကို ရပ်တန့်ပါ။ အားလုံးနဲ့ လက်တွဲ လုပ်ဆောင်သွားစေချင်တယ်” ဟု ဒေါ်မြင့်မြင့်ခင်ဖေက ပြောသည်။
Source : Irrawaddy

Sunday, August 07, 2011

လာမည့် ပွင့်လင်းရာသီတွင် ပြည်တွင်းလေကြောင်း ခရီးစဉ်များ၌ နိုင်ငံခြားသား ခရီးသည်များ၏ လက်မှတ်နှုန်းထားများ တိုးမြှင့်မည်

လာမည့် ပွင့်လင်းရာသီတွင် ပြည်တွင်းလေကြောင်း ခရီးစဉ်များ၌ နိုင်ငံခြားသား ခရီးသည်များ၏ လေယာဉ်လက်မှတ် နှုန်းထားများ တိုးမြှင့်သွားမည်ဖြစ်ကြောင်း ပြည်တွင်းလေကြောင်းလိုင်း တစ်ခုမှ တာဝန်ရှိသူတစ်ဦးက ပြောပြခဲ့ပါသည်။
မြန်မာနိုင်ငံတွင် ပြည်တွင်းခရီးစဉ်များ ပြေးဆွဲနေသော ပုဂ္ဂလိက လေကြောင်းလိုင်းလေးခုရှိပြီး Air Bagan ၊ Air Mandalay၊ Asian Wings နှင့် Air KBZ  တို့ဖြစ်သည်။ နိုင်ငံခြားသား ခရီးသည်များအတွက် လက်မှတ်နှုန်းထားတိုးမြှင့်ပါက ယင်းလေကြောင်း လိုင်းများအားလုံး တစ်ပြေးညီတိုးမြှင့်မည် ဖြစ်ကြောင်း သိရှိရပါသည်။
ပွင့်လင်းရာသီတွင် တိုးမြှင့်မည့် နိုင်ငံခြားသားခရီးသည်များ၏ ပြည်တွင်းလေကြောင်း ခရီးစဉ် လက်မှတ်နှုန်းထားများကို လေကြောင်းလိုင်း အချင်းချင်း ညှိနှိုင်းဆောင်ရွက်နေဆဲ ဖြစ်ကြောင်း သိရှိရသည်။
“လာမယ့်ရာသီမှာ နိုင်ငံခြားသား ခရီးသည်တွေအတွက် လေယာဉ် လက်မှတ်ခတွေ ဈေးတက်မှာပါ။ နှုန်း ထားတွေကိုတော့ ညှိနှိုင်းနေဆဲ ဖြစ်ပါတယ်” ဟု ပြည်တွင်းလေကြောင်းလိုင်း တစ်ခုတာဝန်ရှိသူတစ်ဦးက ဆိုသည်။
Asian Wings  လေကြောင်းလိုင်းမှ တာဝန်ရှိသူတစ်ဦးကလည်း “စီနီယာလေကြောင်းလိုင်းတွေက လက်မှတ်ခတွေ တိုးမယ်ဆိုရင် Asian Wings လေကြောင်းလိုင်းလည်း ပါဝင်မှာပါ။ လက်မှတ်ခတက်ရင် အကုန်အတူတူ တစ်ပြေးညီတက်မှာပါ”ဟု ထပ်မံပြောပြခဲ့သည်။
နိုင်ငံခြားသား ခရီးသည်များ၏ လက်မှတ်နှုန်းထားများ တိုးမြှင့်ရန် စီစဉ်နေသော်လည်း ပြည်တွင်းခရီး သည်များ၏ လက်မှတ်နှုန်းထားများ တိုးမြှင့်ရန်ကိုမူ လတ်တလောအားဖြင့် စီစဉ်မှု မရှိသေးကြောင်း သိရှိရသည်။
 
Source : News-Eleven

Tuesday, August 02, 2011

နိုင်ငံခြားသားခရီးသွားဧည့်သည်များ စတင်ဝင်ရောက်လာပြီ ဖြစ်၍ ယဉ်ကျေးမှုပစ္စည်းအရောင်းဆိုင်များ ခင်းကျင်းရောင်းချမှု စတင်


ဇူလိုင်အတွင်း နိုင်ငံခြားသားခရီး သွားဧည့်သည်များ ပုဂံရှေးဟောင်းယဉ် ကျေးမှုဒေသသို့ စတင် ၀င်ရောက်လာရာ ယခုရက်ပိုင်း ဧည့်သည်ဝင်ရောက်မှုများပြားသည့် ဘုရားကြီးများတွင် ပုဂံဒေသခံ ယဉ်ကျေးမှုဆိုင်ရာ မြန်မာမှုပစ္စည်း အရောင်းဆိုင်များခင်းကျင်းရောင်းချမှုများ ပြားလာပြီဖြစ်ကြောင်း တွေ့ရှိရသည်။
ပုဂံဒေသရှိ ထီးလိုမင်းလို၊ ဓမ္မရံကြီး၊ ကန်တော့ပလ္လင်၊ နန်းဦးဘုရား၊ ပြဿဒါး ကြီး၊ အပယ်ရတနာစသော ဘုရားများမှာ ပျံကျဈေးသည်များ ခင်းကျင်းရောင်းချရန်ကောင်းသည့် နေရာများဖြစ်သည့်အပြင် ပြည်တွင်းပြည်ပ ဘုရားဖူးလာရောက်သူ များပြားမှုရှိသဖြင့် အဆိုပါဘုရားများ၌ မြန်မာမှုပန်းပုရုပ်၊ ကျောက်စိမ်း ပုတီး၊ လက်ကောက်၊ ယွန်းထည်၊ ကြွေထည် မျိုးစုံရောင်းချသူများမှာ နံနက် နေပွင့်ချိန် မှစတင်၍ နေ၀င် သည်အထိ ခင်းကျင်း ရောင်းချသည်။
“ပန်းချီကား ရောင်းချသူအများစုက ဒီမှာပုံသေခင်းရောင်းလေ့မရှိဘူး။ နိုင်ငံခြားသားဧည့် အ၀င်များတဲ့ ဘုရားများမှာ ဆိုင်ကယ်နဲ့သွားရောင်းတယ်။ နိုင်ငံခြားဧည့်သည် အလာကျဲသွားရင် များတဲ့ဘုရားကိုကူး ရောင်းတယ်။ ပန်းချီကားချပ်ကိုလိပ်ပြီး ဆိုင်ကယ်ပေါ် တင်ယူသွားကြတာ ဟိုရာက်မှ ခင်းကျင်း ရောင်းချတာဆိုတော့ သူတို့အလုပ်က ပိုပြီးတွက်ခြေကိုက်တယ်” ဟု ထီးလိုမင်းလိုဘုရားကြီး ဈေးသည် တစ်ဦးက ပြောသည်။
ယခုနှစ်တွင် နိုင်ငံခြား  ဧည့်သည် အ၀င်စောရာ ယခုရက်ပိုင်း စပိန်၊ ဂျပန်၊ ကိုရီးယားလူမျိုးများ အ၀င်များ ကြောင်း၊ လာမည့်နှစ်မေလဆန်းအထိ နိုင်ငံခြားသားခရီးသွား များနိုင်ကြောင်း ပုဂံဈေးတန်းမှ အတွေ့အကြုံ ရင့်ကျက်သူ ဒေသခံတို့က သုံးသပ်ကြသည်။

Monday, August 01, 2011

ပြည်တွင်းရေကြောင်း လက်မှတ်ခနှင့် ကုန်တင်တန်ဆာခနှုန်းထားများကို နှစ်ဆတိုးမြှင့်လိုက်ပြီ

ပြည်တွင်းရေကြောင်း ပို့ဆောင်ရေးမှ တာဝန်ယူ ပြေးဆွဲပေးလျက်ရှိသော ရေယာဉ်များ၏ လက်မှတ်ခနှင့် ကုန်တင်တန်ဆာခနှုန်းထားများကို နှစ်ဆတိုးမြှင့်ကာ ကောက်ခံသွားမည်ဖြစ်ကြောင်း သိရသည်။ အဆိုပါ တိုးမြှင့်ကောက်ခံမှုကို ပြည်တွင်းရေကြောင်းပို့ဆောင်ရေးရှိ ဌာနများက သြဂုတ်လ ၁ ရက်တွင် စတင်၍ ကောက်ခံသွားမည်ဖြစ်သည်။ ကျွန်တော်တို့ မြစ်ဝကျွန်းပေါ်ဌာနခွဲ တစ်ခုတည်း မဟုတ်ပါဘူး။ ကျန်တဲ့ ဌာနအားလုံး တိုးသွားတာပါ။ ဒါကလဲ မဖြစ်မနေမို့လို့ တိုးသွားတာပါ။ ဘယ်လောက်တိုးလဲဆိုတော့ ဥပမာ-ရန်ကုန်-မော်ကျွန်းက အရင်က ၅၀၀ ဆိုပါတော့ ခု ၁၀၀၀ ဖြစ်သွားပြီး။ နှစ်ဆတက်တယ် ပြောရမှာပေါ့ ဟု ပြည်တွင်းရေကြောင်းပို့ဆောင်ရေး မြစ်ဝကျွန်းပေါ်ဌာနခွဲမှ လက်ထောက်မန်နေဂျာ ကိုသူရိန်ဝင်းက ပြောသည်။ ပထမတန်း၊ ဒုတိယတန်းနှင့် တတိယတန်းများကိုမူ မိုင်နှုန်းနှင့်တွက်၍ ကောက်ခံသွားမည်ဖြစ်ကြောင်း၊ ကုန်ပစ္စည်းတင်ခများကိုလည်း တစ်တန်တစ်မိုင်နှုန်းနှင့် တွက်ချက်၍ ကောက်ခံသွားမည်ဖြစ်ကြောင်း၊ ရန်ကုန်(ပန်းဆိုးတန်း)-ဒလ ကူးတိုးသင်္ဘောများလည်း သြဂုတ် ၁ရက်မှ စတင်၍ ကျပ် ၅၀ ကောက်ခံသွားမည်ဖြစ်ကြောင်း ၂၀၁၁ ခုနှစ် သြဂုတ်လ ၂ ရက်နေ့ထုတ် Flower News ဂျာနယ်တွင် ဖော်ပြထားပါသည်။

Source : Khit Lu Nge

ဧရာဝတီမြစ်ကြောင်းတစ်လျှောက် သဘာ၀၀န်းကျင်ဆိုင်ရာ လေ့လာမှုပြူလုပ်ရန် စီစဉ်နေ

ဧရာဝတီမြစ်ကြောင်း တစ်လျှောက်တွင် သဘာဝအရင်းအမြစ်များ ထိန်းသိမ်းနိုင်ရေးအတွက် သဘာဝပတ်ဝန်းကျင်ဆိုင်ရာ လေ့လာမှုများ ပြုလုပ်သွားရန် စီစဉ်နေကြောင်း ဘူမိဗေဒပညာရှင်များထံမှ သိရှိရသည်။

ဒီအစီအစဉ် ဖြစ်လာတာက GMS နိုင်ငံတွေပေါင်းပြီး မဲခေါင်မြစ်ဝှမ်းတစ်လျှောက် သဘာဝပတ်ဝန်းကျင် ဆိုင်ရာ လေ့လာမှုတွေ ပြုလုပ်ဖို့ဆိုပြီး ပြီးခဲ့တဲ့နှစ် အောက်တိုဘာလမှာ တရုတ်နိုင်ငံမှာ အစည်းအဝေး လုပ်တယ်လေ။ အဲဒီကတည်းက ဧရာဝတီမြစ်နဲ့ ချင်းတွင်းမြစ်တို့ကိုလည်း လေ့လာဖို့ တင်ပြခဲ့တာပါ။ ခုတော့ ဧရာဝတီမြစ်မှာ စတင်မှာပါ။ ဘယ်တော့လောက် စနိုင်မယ်ဆိုတာကတော့ လာမယ့်နိုဝင်ဘာလမှာ ကျင်းပမယ့် အစည်းအဝေးကနေ အတည်ပြုနိုင်မှာပါ။ ဘာပဲဖြစ်ဖြစ် ဧရာဝတီမြစ်နဲ့ပတ်သက်ပြီး သဘာဝပတ်ဝန်းကျင် ထိခိုက်ပျက်စီးနေတာတွေကိုတော့ အမြန်ဆုံးလေ့လာနိုင်အောင် စီစဉ်သွားမှာဖြစ်ပါတယ်ဟု မြန်မာနိုင်ငံ ဘူမိသိပ္ပံအသင်းမှ တာဝန်ရှိသူတစ်ဦးက ပြောပြခဲ့သည်။


ဧရာဝတီမြစ်မှာ သဘာဝပတ်ဝန်းကျင်ဆိုင်ရာ ထိခိုက်မှုတွေက တစ်နှစ်ထက် တစ်နှစ် မြင်သာတယ်လေ။ ပညာရှင်ဘက်က မဟုတ်ဘဲ သာမန်မျက်စိနဲ့ ကြည့်ရင်တောင် မြင်နိုင်နေတာ။ ဒီတော့ ဒီအတိုင်းသာဆက်ထားရင် ဧရာဝတီဟာ နောက်နှစ်တွေမှာ ဘာတွေဖြစ်လာမယ်ဆိုတာ မခန့်မှန်းနိုင်ဘူး  .  .  .


ဧရာဝတီမြစ်မှာ သဘာဝပတ်ဝန်းကျင်ဆိုင်ရာ ထိခိုက်မှုတွေက တစ်နှစ်ထက်တစ်နှစ် မြင်သာတယ်လေ။ ပညာရှင်ဘက်ကမဟုတ်ဘဲ သာမန်မျက်စိနဲ့ကြည့်ရင်တောင် မြင်နိုင်နေတာ။ ဒီတော့ ဒီအတိုင်းသာ ဆက်ထားရင် ဧရာဝတီဟာ နောက်နှစ်တွေမှာ ဘာတွေဖြစ်လာမယ်ဆိုတာ မခန့်မှန်းနိုင်ဘူး။ နောက်ပြီး ဧရာဝတီရဲ့ လက်ရှိအနေအထားက ထိန်းသိမ်းဖို့လိုအပ်နေတဲ့ အနေအထားပါ။ ဒီတော့ ဘူမိဗေဒပညာရှင်တွေအနေနဲ့ ဒါကို ဇောင်းပေးပြီး လုပ်သင့်တာကို လုပ်သွားဖို့ ရှိပါတယ်။ အစီအစဉ်တွေ စတင်နိုင်ဖို့ကိုတော့ ဆွေးနွေးပွဲပြီးရင် သိနိုင်မှာပါဟုလည်း ဘူမိဗေဒပညာ ရှင်တစ်ဦးက ပြောပြခဲ့သည်။
ယင်းကဲ့သို့လေ့လာနိုင်ရန်အတွက် ဇွန်လအတွင်းက တရုတ်နိုင်ငံမှ ပါမောက္ခခုနစ်ဦးနှင့် မြန်မာနိုင်ငံမှ တာဝန်ရှိသူများ ပါဝင်သောအဖွဲ့သည် ဧရာဝတီမြစ်ရိုးတစ်လျှောက်၊ ရန်ကုန်မြို့မှ မန္တလေးမြို့ထိအပိုင်းကို လေ့လာမှုများ ပြုလုပ်ခဲ့ကြောင်းလည်း သိရှိရပါသည်။

မဲခေါင်မြစ်မှာ သဘာဝပတ်ဝန်းကျင်အပြင် တခြားစွမ်းအင်ဆိုင်ရာတွေနဲ့ သဘာဝအရင်းအမြစ်တွေကို ထိန်းသိမ်းနိုင်ဖို့ GMS နိုင်ငံတွေနဲ့ပေါင်းပြီး လုပ်နေသလို နောက်ထပ်လည်း ဧရာဝတီမြစ်တို့၊ ချင်းတွင်းမြစ် တို့မှာပါ ဆက်လေ့လာသွားဖို့ရှိပါတယ်။ ဧရာဝတီနဲ့ ချင်းတွင်းမြစ်ကျရင်တော့ ကိုယ့်ပြည်တွင်းက ပညာရှင်တွေချည်းလည်း လေ့လာသွားဖို့ရှိပါတယ်ဟု အဆိုပါစီမံချက်တွင် ပါဝင်သူတစ်ဦးက ပြောပြခဲ့သည်။

Source : News-Eleven