Friday, September 30, 2011

မြစ်ဆုံဆည်တည်ဆောက်ခြင်းကို မိမိတို့အစိုးရလက်ထက်တွင် ရပ်ဆိုင်းထားမည်ဖြစ်ကြောင်း နိုင်ငံတော်သမ္မတက လွှတ်တော်သို့ သ၀ဏ်လွှာပေးပို့

မြစ်ဆုံဆည် တည်ဆောက်ခြင်းကို မိမိတို့ အစိုးရလက်ထက်တွင် ရပ်ဆိုင်းထားမည်ဖြစ်ကြောင်း နိုင်ငံတော်သမ္မတက လွှတ်တော်သို့ သ၀ဏ်လွှာ ပေးပို့ခဲ့ကြောင်း သတင်းရရှိပါသည်။ နိုင်ငံတော် သမ္မတကြီးဦးသိန်းစိန်က စက်တင်ဘာလ ၃၀ ရက်နေ့တွင် လွှတ်တော်သို့ အချက် (၁၀)ချက်ပါသည့် သ၀ဏ်လွှာပေးပို့ခဲ့ခြင်းဖြစ်သည်။

အဆိုပါအချက် ၁၀ ချက်ထဲတွင် မြစ်ဆုံဆည်တည်ဆောက်ခြင်းကို မိမိတို့အစိုးရလက်ထက်တွင် ရပ်ဆိုင်းထားမည်ဆိုသည့်အချက်ပါဝင်ကြောင်း၊ နိုင်ငံတော်သမ္မတဦးသိန်းစိန်မှ မြစ်ဆုံဆည် တည်ဆောက်ခြင်း ရပ်ဆိုင်းရသည့်အပေါ် မိမိတို့အစိုးရသည် ပြည်သူဆီမှဆင်းသက်လာသည့် အခွင့်အာဏာအရ တာဝန်ယူလုပ်ဆောင်ကြခြင်းဖြစ်၍ အများပြည်သူဆန္ဒအရ မြစ်ဆုံဆည် တည်ဆောက်ခြင်းကို မိမိတို့ အစိုးရလက်ထက်တွင် ရပ်ဆိုင်းထားမည်ဖြစ်ကြောင်း ပေးပို့ထားခြင်းဖြစ်သည်။

မိမိတို့အစိုးရသည် ပြည်သူမှ ရွေးချယ်တင်မြှောက်ထားသည့် အစိုးရဖြစ်သည်နှင့်အညီ ပြည်သူများ၏ဆန္ဒကို အလေးထားရပါသည်။ ပြည်သူများ၏ စိုးရိမ်ပူပန်မှုများကို အလေးထား၍ ဖြေရှင်းဆောင်ရွက်ပေးရန် တာဝန်ရှိပါသည်။ သို့ပါ၍ မိမိတို့အစိုးရလက်ထက်တွင် မြစ်ဆုံဆည် တည်ဆောက်ခြင်းကို မပြုလုပ်စေဘဲ ရပ်ဆိုင်းထားမည် ဖြစ်ပါသည်။ နိုင်ငံတော်အတွက် လိုအပ်နေသည့် လျှပ်စစ်ဓာတ်အား ရရှိရေးအတွက် အန္တရာယ်မရှိနိုင်သည့် အခြားသော ရေအားလျှပ်စစ် စီမံကိန်းများကိုသာ စနစ်တကျ လေ့လာဆန်းစစ်၍ ဆောင်ရွက်သွားမည် ဖြစ်ပါသည်။ အိမ်နီးချင်း မိတ်ဆွေနိုင်ငံဖြစ်သည့် တရုတ်ပြည်သူ့သမ္မတနိုင်ငံနှင့် ချုပ်ဆိုထားသည့် အဆိုပါစီမံကိန်းနှင့် သက်ဆိုင်သော စာချုပ်စာတမ်းများကို မိတ်ဝတ်မပျက်စေဘဲ သဘောတူညှိုနှိုင်း ဆောင်ရွက်မည်ဖြစ်ကြောင်း လွှတ်တော်သို့ အသိပေးအကြောင်းကြားအပ်ပါသည် ဟု နိုင်ငံတော်သမ္မတဦးသိန်းစိန်မှ လွှတ်တော်သို့ ပေးပို့သောသ၀ဏ်လွှာတွင် ဖေါ်ပြပါရှိပါသည်။

ပြည်ထောင်စုသမ္မတနိုင်ငံတော် နိုင်ငံတော်သမ္မတရုံး စာအမှတ် ၁၅၁(၂)/၈/၃ဖြင့် လွှတ်တော်သို့ ပေးပို့ခဲ့သည့် (၂၉-၉-၂၀၁၁)နေ့စွဲပါ နိုင်ငံတော်သမ္မတ၏ အချက် (၁၀) ချက်ပါ သ၀ဏ်လွှာအပြည့်အစုံမှာ အောက်ပါအတိုင်းဖြစ်သည်။

၁။ ပထမအကြိမ်အမျိုးသားလွှတ်တော် ဒုတိယပုံမှန်အစည်းအဝေးကို ပြည်သူတို့၏ အကျိုးငှာ အားသွန်ခွန်စိုက် ကျင်းပပြုလုပ်နေသည့် ဥက္ကဋ္ဌကြီးနှင့်တကွ အမျိုးသားလွှတ်တော် ကိုယ်စားလှယ်များအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေရန် ဆုတောင်းမေတ္တာ ပို့သအပ်ပါသည်။

၂။ တစ်ချိန်တည်း၌ပင် မိမိတို့ပြည်ထောင်စုအစိုးရ၊ တိုင်းဒေသကြီးနှင့် ပြည်နယ်အစိုးရ အဖွဲ့များအနေနှင့်လည်း ကောင်းမွန်သော အုပ်ချုပ်ရေး၊ သန့်ရှင်းသောအစိုးရ ဖြစ်ပေါ်ရေး၊ ဒီမိုကရေစီကျင့်စဉ်များ ထွန်းကားရေး၊ တရားဥပဒေ စိုးမိုးရေး၊ စီးပွားရေးပြုပြင်ပြောင်းလဲရေး နှင့် သဘာဝပတ်ဝန်းကျင် ထိန်းသိမ်းရေးလုပ်ငန်းများကို ဟန်ချက်ညီစွာ ဆောင်ရွက်လျက်ရှိပါသည်။

၃။ တိုင်းရင်းသားပြည်သူအပေါင်းတို့၏ တူညီသော မျော်မှန်းချက်သည် နိုင်ငံတော် တည်ငြိမ်အေးချမ်းရေးနှင့် နိုင်ငံတော်ခေတ်မီဖွံ့ဖြိုးရေးတို့ ဖြစ်ပါသည်။ ပြည်ထောင်စုအစိုးရသည် တိုင်းရင်းသားပြည်သူတို့၏ ဆန္ဒနှင့်အညီ နိုင်ငံတော်တည်ငြိမ်အေးချမ်းရေးအတွက် ဥပဒေပြင်ပသို့ ရောက်ရှိနေသည့် တိုင်းရင်းသား လက်နက်ကိုင်အဖွဲ့အစည်းများအား ထာဝရငြိမ်းချမ်းရေးရရှိရန် ဆက်သွယ်ကမ်းလှမ်း ဖိတ်ခေါ်ဆောင်ရွက်ခဲ့ရာ ယခုအခါ အထူးဒေသ(၂) ''၀'' အဖွဲ့နှင့် အထူးဒေသ(၄) အဖွဲ့တို့သည် ပြည်နယ်အဆင့် သဘောတူညီချက်များရရှိခဲ့ပြီး ပြည်ထောင်စုအဆင့် ဆွေးနွေးပွဲများပင် စတင်ဆောင်ရွက်လျက် ရှိနေပြီဖြစ်ပါသည်။ အချို့အဖွဲ့များသည်လည်း ပြည်နယ်အစိုးရများထံ ငြိမ်းချမ်းရေးရယူရန် ဆက်သွယ်ဆောင်ရွက်မှုများ ရှိနေပါသည်။

၎။ တစ်ချိန်တည်း၌ပင် အကြောင်းအမျိုးမျိုးကြောင့် ပြည်ပသို့ရောက်ရှိနေကြသည့် မြန်မာနိုင်ငံသား တိုင်းရင်းသားများအားလည်း ကိုယ့်နိုင်ငံ၊ ကိုယ့်ဒေသသို့ပြန်လာလိုပါက ပြန်လာနိုင်ရန် စိစစ်လက်ခံခဲ့ရာ တစ်ချို့ပြန်လာနေကြပြီဖြစ်ပါသည်။ အကျဉ်းသားများလွှတ်ပေးရေးကိစ္စများကိုလည်း ဖွဲ့စည်းပုံအခြေခံဥပဒေပါ အပ်နှင်းထားသည့် အခွင့်အာဏာအတွင်းမှ ဆောင်ရွက်ပေးသွားမည်ဖြစ်ပါသည်။ အမျိုးသားအကျိုးစီးပွားအတွက် ထိုသို့ အရှိန်အဟုန်ဖြင့် ဆောင်ရွက်နေချိန်တွင် ပါတီအချို့နှင့် အင်အားစုအချို့တို့သည် အစိုးရအခက်အခဲ အကြပ်အတည်းတွေ့အောင်၊ တည်ငြိမ်အေးချမ်းမှု ပျက်ပြားအောင်ကြံရွယ်၍ လှုပ်ရှားလုပ်ဆောင်မှုများ ပြုလုပ်နေကြသည်ကို စိတ်မချမ်းမြေ့ဖွယ် တွေ့ရှိနေရပါသည်။

၅။ တိုင်းပြည်ခေတ်မီဖွံ့ဖြိုးရေးအတွက် စိုက်ပျိုးရေးကို အရှိန်အဟုန်မပျက်တိုးတက်အောင် ဆောင်ရွက်ရင်း၊ စက်မှုနိုင်ငံထူထောင်နိုင်ရန် ရည်ရွယ်၍ ကြိုးပမ်းဆောင်ရွက်လျက်ရှိပါသည်။ ထိုသို့ ကြိုးပမ်းဆောင်ရွက်ရာတွင် စက်မှုနိုင်ငံထူထောင်နိုင်ရန် လျပ်စစ်စွမ်းအင် လိုအပ်ချက်သည် အဓိကကျပါသည်။ လျပ်စစ်စွမ်းအင်ရရှိနိုင်သည့် နည်းလမ်းများအနက် အနျူမြူစွမ်းအင် ထုတ်လုပ်သုံးစွဲရေးမှာ ကမ္ဘာ့ဖြစ်စဉ်များအရ အန္တရာယ်ကြီးမားလှသည့်အပြင် ငွေကြေးမပြည့်စုံမှု၊ နိုင်ငံရေးအရ အများသူငါ လက်မခံမှုတို့ကြောင့် မိမိတို့နိုင်ငံအတွက် မဖြစ်နိုင်သော ကိစ္စဖြစ်ပါသည်။ ကျောက်မီးသွေးဖြင့် လျှပ်စစ်ဓာတ်အားထုတ်လုပ်ရန် ကျောက်မီးသွေးသယံဇာတမှာလည်း တစ်နိုင်ငံလုံးအတွက် လုံလောက်မှုမရှိသည်ကို ကိုယ်စားလှယ်တော်ကြီးများ အသိပင်ဖြစ်ပါသည်။

၆။ မြန်မာ့ပင်လယ်ပြင်မှ သဘာဝဓာတ်ငွေ့ထွက်ရှိသော်လည်း ပြည်ပအရင်းအနှီးများဖြင့် ထုတ်လုပ်သည့်ကိစ္စဖြစ်၍ မိမိတို့လိုအပ်သလောက်မရနိုင်ဘဲ အချို့အ၀က်သာ ခွဲဝေရရှိပါသည်။ ပြည်ပချေးငွေဖြင့် အရင်းအနှီးအချို့ထည့်ဝင်ထားခဲ့ရာ အနာဂတ်တွင် အကျိုးခံစားရမည်ဖြစ်သော်လည်း လောလောဆယ်တွင်မူ ချေးငွေအပေါ် အတိုးများအရစ်ကျ ပေးဆပ်နေရသည့် အခြေအနေဖြစ်ပါသည်။ ကုန်းတွင်း၌ သဘာဝဓာတ်ငွေ့ ရှာဖွေထုတ်လုပ်နေသော်လည်း ပြည်တွင်းသုံးစွဲရန်အတွက်ပင် လုံလောက်မှုမရှိသေးပါ။ 

၇။ မြန်မာနိုင်ငံတွင် ပြည့်ဖြိုးမြဲဖြစ်သော ရေအားလျှပ်စစ်ထုတ်ယူနိုင်သည့် သဘာဝကပေးထားသော မြစ်ချောင်းများရှိနေသဖြင့် အဆိုပါမြစ်ချောင်းများမှ ပြည်တွင်း၊ ပြည်ပအရင်းအနှီးများရယူ၍ လျှပ်စစ်ဓာတ်အား ထုတ်ယူနိုင်ရေးအတွက် တပ်မတော်အစိုးရလက်ထက်တွင် ကြိုးပမ်းဆောင်ရွက်ခဲ့ရာ ယခင်က ရေအားလျှပ်စစ် ဓာတ်အားပေးစက်ရုံ(၂)ရုံ၊ သဘာဝဓာတ်ငွေ့သုံး ဓာတ်အားပေးစက်ရုံ (၇)ရုံသာရှိခဲ့ပြီး စုစုပေါင်းစက်တပ် ဆင်အား (၅၂၉)မဂ္ဂါဝပ်ရှိခဲ့ရာမှ နောက်ထပ်လျှပ်စစ် ဓာတ်အားပေးစက်ရုံ (၂၃)ရုံ၊ စက်တပ်ဆင်အား (၂၈၃၁)မဂ္ဂါဝပ် တိုးတက်ဆောင်ရွက်ခဲ့ပါသည်။

၈။ နှစ် (၃၀) လျှပ်စစ်မဟာဗျူဟာစီမံကိန်းအရ နောက်ထပ်ရေအားလျှပ်စစ်စီမံကိန်း(၆၄)ခုနှင့် ကျောက်မီးသွေး ဓာတ်အားပေးစက်ရုံ(၃)ခုအပါ အ၀င် လျှပ်စစ်ဓာတ်အားထုတ်လုပ်ရန် စက်တပ်ဆင်အား မဂ္ဂါဝပ်(၄)သောင်းကျော် ထုတ်လုပ်နိုင်သည့် အလားအလာများရှိပါသည်။ အဆိုပါစီမံကိန်းများတွင် ကချင်ပြည်နယ်ရှိ မေခ၊ မလိခ၊ မြစ်ညာမြစ်ဝှမ်းနှင့် ဧရာဝတီမြစ်ဆုံစီမံကိန်း(၈)ခုအပါအ၀င်ဖြစ်ပါသည်။

၉။ တရုတ်ပြည်သူ့သမ္မတနိုင်ငံ၏ ငွေကြေးအရင်းအနှီးဖြင့် ဧရာဝတီမြစ်ဆုံရေအားလျှပ်စီမံကိန်းကို ပထမအဆင့် ဆောင်ရွက်ရန်စတင်ခဲ့ရာ ယခုအခါတွင် အဆိုပါမြစ်ဆုံစီမံကိန်းနှင့် ပတ်သက်၍ ပြည်သူလူထုအတွင်း အောက်ပါစိုးရိမ်ပူပန်မှုများ ရှိလာခဲ့ပါသည် -
(က) ကချင်ပြည်နယ်သာမက မြန်မာနိုင်ငံအတွက်ပါ သဘာဝကပေးထားသည့် (Land Mark) ဖြစ်သည့် မြစ်ဆုံ သဘာဝအလှ ပျောက်ကွယ်သွားနိုင်ခြင်း။
(ခ)  မြစ်ညာပိုင်းရှိ တိုင်းရင်းသားကျေးရွာများ ရေမြုပ်၍ ၎င်းတို့၏ အသက်မွေးဝမ်းကျောင်းလုပ်ငန်းများ ဆုံးရှုံးပျက်စီးနိုင်ခြင်း။
(ဂ) ပုဂ္ဂလိကများမှ ငွေကြေးအရင်းအနှီးများစွာ စိုက်ထုတ်၍ စီးပွားဖြစ်စိုက်ထုတ်ထားသည့် ရော်ဘာစိုက်ခင်းများနှင့် ကျွန်းစိုက်ခင်းများ ပျက်စီးသွားနိုင်ခြင်း။
(ဃ) ရာသီဥတုဖောက်ပြန်မှုကြောင့် မြောက်ဖျားရှိ ရေခဲတောင်များအရည်ပျော်ခြင်း၊ မိုးသည်းထန်စွာရွာသွန်းခြင်း၊ အင်အားပြင်းထန်သည့် ငလျင်လှုပ်ခြင်းတို့ ဖြစ်ပေါ်လာပါက မြစ်ဆုံဆည် ပျက်စီးပြီး ဆည်အောက်ပိုင်းရှိ မြို့ရွာများနှင့် ပြည်သူများ သေကြေပျက်စီးမှုရှိနိုင်ခြင်း။
(င) ဧရာဝတီမြစ်ကြီး ထိခိုက်ပျက်စီးနိုင်ခြင်း စသည်ဖြင့် ပြည်သူအချို့မှ စိုးရိမ်ပူပန်မှု ရှိနေကြသည်ကို မိမိတို့ သိရှိနေရပါသည်။

၁၀။ မိမိတို့အစိုးရသည် ပြည်သူမှရွေးချယ်တင်မြှောက်ထားသည့် အစိုးရဖြစ်၍ ပြည်သူများ၏ ဆန္ဒကို အလေးထားရပါမည်။ ပြည်သူများ၏ စိုးရိမ်ပူပန်မှုများကို အလေးထား၍ ဖြေရှင်းဆောင်ရွက်ပေးရန် တာဝန်ရှိပါသည်။ သို့ပါ၍ မိမိတို့အစိုးရလက်ထက်တွင် မြစ်ဆုံဆည်တည်ဆောက်ခြင်းကို မပြုလုပ်စေဘဲ ရပ်ဆိုင်းထားမည်ဖြစ်ပါသည်။ နိုင်ငံတော်အတွက်လိုအပ်နေသည့် လျှပ်စစ်ဓာတ်အားရရှိရေးအတွက် အန္တရာယ်မရှိနိုင်သည့် အခြားသော ရေအားလျပ်စစ်စီမံကိန်းများကိုသာ စနစ်တကျ လေ့လာဆန်းစစ်၍ ဆောင်ရွက်သွားမည် ဖြစ်ပါသည်။ အိမ်နီးချင်း မိတ်ဆွေနိုင်ငံဖြစ်သည့် တရုတ် ပြည်သူ့သမ္မတနိုင်ငံနှင့် ချုပ်ဆိုထားသည့် အဆိုပါစီမံကိန်းနှင့်သက်ဆိုင်သော စာချုပ်စာတမ်းများကို မိတ်ဝတ်မပျက်စေဘဲ သဘောတူလက်ခံအောင် ညှိနှိုင်းဆောင်ရွက်သွားမည်ဖြစ်ပါကြောင်း ဤလွှတ်တော်သို့ အသိပေးအပ်ပါသည်။

Source : News Eleven

ခရီးသွား ဂျပန်အမျိုးသမီး ကျောက်ပန်းတောင်း အနီး အသတ်ခံရ

မကွေးတိုင်း  ကျောက်ပန်းတောင်းမြို့နယ်အနီး ဂျပန်နိုင်ငံသူ အမျိုးသမီးတဦးအား အဓမ္မပြုကျင့်၍ သတ်ဖြတ်ခဲ့သည်ဆိုသော သံသယဖြင့် ဆိုင်ကယ်တက္ကစီသမားတဦးကို ဖမ်းဆီးထားသည်ဟု ရဲကပြောသည်။

ဂျပန်အမျိုးသမီးက ညောင်ဦးသွားချင်လို့ဆိုပြီးတော့ လိုက်ပို့ရင်းနဲ့ ဆိုင်ကယ်တက္ကစီသမားကနေပြီးတော့ သန့်စင်ခန်းထဲမှာ မုဒိမ်းကျင့်တာပေါ့နော်။ ဖြစ်တဲ့နေရာက ညောင်ဦးနဲ့ ကျောက်ပန်းတောင်းအစပ်ပေါ့ ဟု ကျောက်ပန်းတောင်းမြို့နယ် ရဲစခန်းမှ တာဝန်ရှိသူတဦးက မဇ္စျိမကိုပြောသည်။

ဗုဒ္ဒဟူးနေ့ နေ့လယ် ၃ နာရီခွဲခန့်က  ဂျပန်နိုင်ငံသူမှာ ညောင်ဦးမြို့သို့ လှည့်လည်ကြည့်ရှုရန်အတွက် ဆိုင်ကယ် ငှားစီးလာစဉ် ညောင်ဦးနှင့် ကျောက်ပန်းတောင်းမြို့ကြား အင်းမရွာအနီး၌ အခင်းဖြစ်ပွားခဲ့သည်ဟုဆိုသည်။

အင်းမရွာသားများမှ ယင်းသံသယရှိသူ ဆိုင်ကယ်တက္ကစီမောင်းသမား ကိုမင်းသိုက်ကို ဝိုင်းဝန်း ဖမ်းဆီးခဲ့ခြင်းဖြစ်သည်။
ရွာသားတွေက ဖမ်းပြီးတော့ ကြိုးနဲ့တုတ်ထားတာ။ ကြိုးနဲ့တုတ်ပြီးမှပဲ ရဲစခန်းကို လှမ်းအကြောင်းကြားတာ။ ရဲစခန်းက လာပြီးတော့ နယ်ထိန်းတယောက်နဲ့ သူနဲ့ကို လက်ထိပ်တွဲချည်ပြီးတော့ ရဲစခန်းကိုပို့တာ။ ရဲတွေ အဲဒီ အခင်းဖြစ်တဲ့နေရာကို ရောက်တဲ့အချိန်မှာ အဲဒီအမျိုးသမီးက သေနေပြီ။ ဓါးနဲ့ ထိုးသတ်တာ ဟု အင်းမရွာမှ ထမင်းဆိုင်ပိုင်ရှင်တဦးက မဇ္ဈိမကိုပြောသည်။
ကိုမင်းသိုက်ကို ကျောက်ပန်းတောင်းမြို့နယ် ရဲစခန်းတွင် ပုဒ်မ ၃ဝ၂၊ လူသတ်မှုဖြင့် အမှုဖွင့်ထားပြီး သေဆုံးသူ၏ နောက်ကြောင်းနှင့်ပတ်သက်၍ ဆက်လက် စုံစမ်းနေဆဲဖြစ်သည်ဟုဆိုသည်။ သေဆုံးသွားသူ ဂျပန်အမျိုးသမီးနှင့်ပတ်သက်၍ မည်သူမည်ဝါဖစ်ကြောင်းကို ရဲစခန်းမှ အတည်မပြုနိုင်သေးသော်လည်း AFP သတင်းတရပ်တွင်မူ မစ္စစ် Chiharu Shiramatsu ဖြစ်သည်ဟုဖော်ပြထားပြီး အသက် ၃၁ နှစ်အရွယ် ရှိသည်။

Thursday, September 29, 2011

မြို့ပတ်ရထား လုပ်ငန်းအတွက် လျှောက်ထားသူ ၁၅ ဦးရှိနေပြီး လုပ်ငန်းကြီးတစ်ခုသာလျှင် ကြိုးစားလုပ်ဆောင်နေ

ရန်ကုန်မြို့ပတ်ရထား ပုဂ္ဂလိကလုပ်ငန်း ပေးအပ်ရေးအတွက် စက်တင်ဘာလ နောက်ဆုံးပတ်တွင် နေပြည်တော်၌ ထပ်မံဆွေးနွေးမည်ဖြစ်ကြောင်း သိရပြီးနောက် ပုဂ္ဂလိကလုပ်ငန်းရှင် ၁၅ ဦး လာရောက်၍ အခြေခံစည်းကမ်း သတ်မှတ်ချက်များကို ရယူခဲ့ကာ ထဲထဲဝင်ဝင် သေသေချာချာ လေ့လာခြင်းအတွက်ကိုမူ ကုမ္ပဏီကြီး တစ်ခုကသာ လုပ်နေကြောင်း စုံစမ်းသိရှိရသည်။ မြို့ပတ်ရထားလမ်း လုပ်ကိုင်ခွင့် ပုဂ္ဂလိက ပေးရေးအတွက် မြန်မာ့မီးရထားဝန်ကြီးဌာနက အခြေခံအချက် ၄၉ ချက် ပါဝင်သော စည်းကမ်းချက်များကို ထုတ်ပြန်ခဲ့သော်လည်း အမှန်တကယ် စိတ်ဝင်တစား လုပ်ကိုင်ရန် ပုဂ္ဂလိကလုပ်ငန်းရှင်များက လက်တွန့်လျက်ရှိနေသည်ဟု သိရသည်။ 
“ကိုယ်တို့ဆီမှာတော့ စည်းကမ်းချက် လာထုတ်ပြီး လျှောက်လွှာတင်တာက ကုမ္ပဏီ ၁၅ ခုလောက်ရှိတယ်။ တကယ်တမ်း ထဲထဲဝင်ဝင် လုပ်နေတာက တစ်ခုပဲရှိတယ်၊ ရွှေတောင်ဖွံ့ဖြိုးရေး ကုမ္ပဏီပါ။ သူတို့ကတော့ တကယ့်ကို ရထားစီးခြင်းနဲ့ ဝန်ဆောင်မှုလုပ်ငန်းတွေ အတွက်ရယ်၊ လမ်းပြမီးစနစ်တွေ အတွက်ရယ်ကို သေသေချာချာ လေ့လာနေတာ တွေ့ရတယ်။ Survey တွေ လုပ်တယ်။ ရထားစီးနင်းသူတွေဆီက Data တွေ ကောက်တယ်။ ရထားစီးတဲ့သူတွေ သုံးစွဲနိုင်မယ့် ငွေကြေးကို ကြည့်တယ်” ဟု မြန်မာ့မီးရထားမှ တာဝန်ရှိသူတစ်ဦးက ပြောကြားသည်။ “မြို့ပတ်ရထားလမ်း ပေးပြီးရင် မြို့ပတ်ရဲ့ အခြေခံ အဆောက်အအုံတွေ ကောင်းမွန်လာအောင် လုပ်ရမယ်။ လက်မှတ် ဝယ်တာဆိုရင်လည်း အချို့ဘူတာတွေမှာ လက်မှတ်ကို အပေါ်တက်ပြီးဝယ်ရတယ်။ အောက်ကိုပြန်ဆင်းပြီး ရထားလာနေရင် အတင်းပြေးရတယ်။ တချို့ဆိုရင် မမီတာတွေ၊ ချော်လဲတာတွေ ဖြစ်ရတယ်။ ပြီးတော့ ဘူတာတွေမှာ စားသောက်ဆိုင်ခန်းလေးတွေနဲ့ အခြားလိုအပ်တာလေးတွေ ဖြည့်စွက် ထည့်သွင်းပေးရမယ်။ ဒါမှ ပုဂ္ဂလိကလည်း ကိုက်မှာလေ” ဟု ယင်းက ဆက်လက်ပြောကြားသည်။ “စက်တင်ဘာ နောက်ဆုံးပတ် ထပ်မံ ဆွေးနွေးမယ်လို့တော့ မီဒီယာတွေမှာ ဖော်ပြကြတာပဲ၊ ဒုဝန်ကြီးကလည်း ပြောထားတယ်။ ရက်ကိုတော့ အတိအကျ မသတ်မှတ်သေးဘူး။ တကယ်တမ်း ဒီလုပ်ငန်းကြီးကို ဖွံ့ဖြိုးစေချင်တဲ့ သူတွေသာ လုပ်သင့်တယ်။ လောလောဆယ်တော့ ရွှေတောင်တစ်ခုပဲ သေသေချာချာ လုပ်နေတယ်” ဟု ယင်းကဆက်လက် ပြောကြားကြောင်း ၂၀၁၁ ခုနှစ် စက်တင်ဘာ ၂၉ ရက်နေ့ ပြည်မြန်မာ ဂျာနယ်တွင် ဖော်ပြထားပါသည်။

Source : Khit Lu Nge

Wednesday, September 28, 2011

ချင်းတွင်းမြစ် သောင်ခုံထုများပြားကာ မြစ်တွင်းခရီးသွားများ အခက်အခဲ အများဆုံးနှစ်ဖြစ် ၊ ပွင့်လင်းရာသီ ချင်းတွင်းမြစ်အတွင်း ရွှေလုပ်ကွက်များတွင် သဘာဝပတ်ဝန်းကျင် ထိန်းသိမ်းရေးက်ို ဦးစားပေးရန် ဒေသခံများ လိုလားလျက်ရှိ

ချင်းတွင်းမြစ် သောင်ခုံထုပမာဏမှာ တစ်နှစ်ထက် တစ်နှစ် ပိုမိုများပြားကာ ၂၀၁၁ ခုနှစ်တွင် မြစ်တွင်း ခရီးသွားများ အခက်အခဲအများဆုံးနှစ် ဖြစ်ခဲ့ပြီး မိုးအကုန် ပွင့်လင်းရာသီ ချင်းတွင်းမြစ်အတွင်း သယံဇာတရှာဖွေခြင်းနှင့်အတူ အခြားစီးပွားရေးလုပ်ကွက်များတွင် သဘာဝပတ်ဝန်းကျင် ထိန်းသိမ်းရေးကို ဦးစားပေးရန် ဒေသခံများ လိုလားလျက်ရှိကြောင်း သိရသည်။
ချင်းတွင်းမြစ်ကမ်းဒေသရှိ မုံရွာမြို့ကမ်း ညောင်ပင်ကြီးဆိပ်ကမ်းတစ်နေရာကို တွေ့ရစဉ်

ချင်းတွင်းမြစ်ရဲ့ သဲသောင်ခုံ ထုထည်ပမာဏဟာ တစ်နှစ်ထက် တစ်နှစ် ပိုပိုပြီး များပြားလာပါတယ်။ အထူးသဖြင့် မြစ်ရေအတက်အကျမှာ ပိုပိုပြီးသိသာလာတယ်။ မြစ်တွင်းခရီးသွားတွေ ဒုက္ခရောက်ရတယ်။ ဥပမာ တစ်နေရာကိုပြောပြရရင်တော့ မုံရွာနဲ့ တစ်ဖက်ကမ်း ညောင်ပင်ကြီးဆိပ်ကမ်းကို သွားရတဲ့ခရီးမှာ သဲသောင်ထုပမာဏက ပိုပိုများလာတယ်။ အရင်နှစ်တွေက လွတ်လွတ်ကင်းကင်း ကပ်လို့ရတဲ့ သဲသောင်ခုံဟာ ဒီနှစ်မှာတော့ ဆိုးဆိုးဝါးဝါးဖြစ်နေပြီး စက်လှေတွေက ရေကြောင်းကျတဲ့နေရာမှာပဲ ကပ်ရတယ်လေ။ ခရီးသွားတွေ ဒုက္ခရောက်ရတာပါပဲ။ ပုံမှန်အနေနဲ့ ချင်းတွင်းမြစ်ကို စက်လှေနဲ့ကူးတာက ခရီးသွားတစ်ယောက်ကို ဆိုင်ကယ်နဲ့ဆိုရင် ဆိုင်ကယ်ခက ကျပ် ၅၀၀၊ လူခက ကျပ် ၂၀၀ ဆိုပြီး ပေးရတယ်။ မြစ်ရေ နည်းနည်းလေးတက်လိုက်လို့ သောင်ခုံပေါ်ရေ၀ပ်နေရင် စက်လှေသွားမရတော့ ခရီးသည်တွေက ခြေကျင်လျှောက်ရတယ်။ ခြေကျင်မလျှောက်နိုင်လို့ ရိုးရိုးလှေစီးသွားမယ်ဆိုရင် လူတစ်ယောက်ကို ကျပ် ၂၀၀ ဆိုင်ကယ်ဆို ကျပ် ၅၀၀ ပဲ။ အသွားအပြန်ခရီးဆိုရင် ခရီးစရိတ်နှစ်ဆကုန်မယ်။ ဒီကြားထဲမှာ စက်လှေပေါ်ကနေ မြို့ပေါ်တက်တက်ချင်း မြို့ဝင်ကြေးဆိုင်ကယ်ခ တောင်းတော့ ချင်းတွင်းမြစ်ကို နေ့စဉ်ဖြတ်သွားဖို့စရိတ်က မလွယ်ဘူးဟု  ဒေသခံခရီးသွားတစ်ဦးက ပြောပြခဲ့သည်။

ညောင်ပင်ကြီးဆိပ်ကမ်းက သဲသောင်ပြင်က သိသိသာသာကြီးကို မြင့်တက်နေတယ်။ ဒီနှစ် နယုန်လ ရေပြာပေါက်ချိန်ကနေ သီတင်းကျွတ်အထိ ရေကလေးခါလောက်တက်ပြီးပြီ။ ရေတက်ပြီးရေပြန်အကျမှာကို သဲသောင်မှာရေက ခြေကျင်းဝတ်အထိပဲမြုပ်တော့ ခရီးသွားတွေငွေကုန်များသလို ဒုက္ခရောက်ရတယ်။ အခုလည်း သဲအိတ်တွေနဲ့ သောင်ခုံကိုဖြတ်ပြီး စက်လှေရှိရာကို အလွယ်တကူသွားနိုင်ဖို့ စနစ်တကျ ပြုပြင်ထားရတယ်။ စက်တင်ဘာလ တတိယပတ်အတွင်းမှာ ပြုပြင်ထားတာပါဟု ညောင်ပင်ကြီးဆိပ်ကမ်းမှ မမိုးဆွေကပြောပြခဲ့သည်။

မြစ်တစ်စင်းရဲ့ အသက်သွေးကြောဟာ ရေဝေရေလဲဧရိယာဖြစ်သလို ရေဝေရေလဲဧရိယာရဲ့ အသက်သွေးကြောဟာ သစ်ပင်သစ်တောဖြစ်ပါတယ်။ သစ်ပင်သစ်တောရဲ့ အသက်သွေးကြောဟာ မြေဆီလွှာဖြစ်ပါတယ်။ မူးမြစ်ပဲဖြစ်ဖြစ် ချင်းတွင်းပဲဖြစ်ဖြစ် ဧရာဝတီပဲဖြစ်ဖြစ်မြစ်ရဲ့ ကြည်လင်သန့်ရှင်းတဲ့ရေပြင် fcrystal clear ဟာ ရွှံ့နှစ်ရောင်ရေပြင် များပြားနေမယ်ဆိုရင်တော့ အဲဒီမြစ်ရဲ့ကျန်းမာရေးဟာ စိုးရိမ်ရပြီ။ အဲဒီရွှံ့ရောင်တွေဟာ မြေဆီလွှာတွေပဲလို့ အကြမ်းဖျင်းပြောလို့ရတယ်။ မြစ်တစ်စင်းရဲ့ထာဝစဉ် ရှင်သန်စီးဆင်းနေဖို့အတွက် မြစ်ညာကနေ တခြားမြစ်မကြီး ဒါမှမဟုတ် ပင်လယ်ထဲကို စီးဝင်တဲ့နေရာအထိ မြစ်ကြောင်းတစ်လျှောက်မှာရှိတဲ့ ရေဝေရေလဲဧရိယာက အရေးကြီးသလို အဲဒီမြစ်ထဲကို စီးဝင်တဲ့ ချောင်းမြောင်း မြစ်လက်တက်တွေရဲ့ရေစီးရေလာ ကောင်းမွန်ဖို့က အရေးပါတယ်။ ဧရာဝတီ ကျန်းမာဖို့ ထာဝစဉ်ရှင်သန်စီးဆင်းဖို့က ဧရာဝတီကိုယ်တိုင်ရော ဧရာဝတီထဲကိုစီးဆင်းတဲ့ ချင်းတွင်းရဲ့ ကျန်းမာရေးကရော အရေးပါတယ်။ ဧရာဝတီရော ချင်းတွင်းမြစ်ရော ရေဝေရေလဲဧရိယာအတွက် ပတ်ဝန်းကျင်ထိန်း သိမ်းရေးတွေလိုအပ်တယ်။ ဒီလိုမှမဟုတ်ရင် မြစ်တွေရဲ့ဂေဟစနစ်တွေကို ထိခိုက်ပျက်စီးလာနိုင်တယ်။ တကယ်တော့ သောင်ထွန်းတယ်ဆိုတာ ရေဝေရေလဲ ဧရိယာကိုထိခိုက်လို့ ထွန်းတာဖြစ်ပြီး သောင်ထွန်းလို့ ရေဝေရေလဲ ဧရိယာထိခိုက်တာမဟုတ်ဘူးဟု သဘာဝပတ်ဝန်းကျင် ထိန်းသိမ်းရေးကို လေ့လာနေသူတစ်ဦးက ပြောပြခဲ့သည်။

မြစ်တွေနဲ့ပတ်သက်လို့ပြောရရင် မြစ်တွေဆီကရတဲ့ သယံဇာတတွေကို ထုတ်ယူခွင့်မရှိဘူးဆိုတဲ့ ရေအရင်း အမြစ်နဲ့ မြစ်ကြောင်းထိန်းသိမ်းရေး ဥပဒေရှိတယ်။ လုပ်ငန်းရှင်တွေအနေနဲ့ ဥပဒေကို တိတိကျကျ လိုက်နာသင့်သလို ကိုယ့်အတ္တ ကိုယ်ကျိုးတစ်ခုတည်းကိုပဲ မကြည့်သင့်ဘူး။ အခုဆိုရင် မိုးကုန်ပြီး ပွင့်လင်းရာသီ ရောက်လာတော့မယ်။ မိုးတွင်းမှာ ရွှေကျင်လုပ်ငန်းတွေ ပြန်ပြီးစတင်ကြတော့မယ်ဟု ချင်းတွင်းမြစ်အထက်ပိုင်း ဟုမ္မလင်းမြို့မှ ဒေသခံတစ်ဦးက ပြောပြခဲ့သည်။

ချင်းတွင်းမြစ် အထက်ပိုင်း ရွှေကျင်တဲ့ကုမ္ပဏီဝန်ထမ်းတွေ ပြောဖူးတာကတော့ မနှစ်ကတော့ တစ်ရက်ကို ရွှေရှစ်ကျပ်သားလောက် ရတဲ့သူတွေရှိတယ်လို့ ပြောပြဖူးတယ်။ အကျိုးဖြစ်ထွန်းတာ ဘယ်သူလဲ၊ မြစ်ကြောင်းတစ်လျှောက် နေထိုင်မှီခိုကြတဲ့ဒေသခံတွေရဲ့ ဂေဟစနစ်ကို ထိခိုက်မှုရှိနိုင်သလား စတာတွေကို အားလုံးက ထည့်သွင်းစဉ်းစားသင့်ပါတယ်ဟု ချင်းတွင်းမြစ်တွင်း တာဝန်ထမ်းဆောင်လျက်ရှိသော ၀န်ထမ်းတစ်ဦးက ပြောပြခဲ့သည်။

ပြီးခဲ့တဲ့ရာသီက ရွှေမျောလုပ်ငန်းတွေကို တားမြစ်ခဲ့သေးတယ်။ လိုက်နာသူတွေရှိသလို မလိုက်နာဘဲ လက်တစ်လုံးခြား လုပ်ကိုင်သူတွေ ရှိတယ်လို့သိရတယ်။ လာမယ့် ပွင့်လင်းရာသီမှာရော ဘယ်သူတွေ ဘာလုပ်ဦးမှာလဲ....။ ချင်းတွင်းမြစ်အတွင်းမှာ စွန့်ပစ်ပစ္စည်းတွေကို စည်းကမ်းမဲ့ စွန့်ပစ်သူတွေပစ်နေချိန်မှာ မြစ်နံဘေးမှာ မြေဆီလွှာတည်တံ့ရေးအတွက် သစ်ပင်စိုက်သူတွေက စိုက်နေကြတယ်။ ပတ်ဝန်းကျင် ထိန်းသိမ်းရေးကို ဂရုစိုက်နေကြချိန်မှာ မြစ်ထဲကို အမှိုက်ကြွပ်ကြွပ်အိတ်တွေ စည်းကမ်းမဲ့ပစ်နေကြတယ်။ ဘာပဲပြောပြော လာမယ့် ပွင့်လင်းရာသီကစပြီး ချင်းတွင်းမြစ်တွင်း စီးပွားရေးလုပ်ကိုင်နေတဲ့ လုပ်ငန်းရှင်တွေအနေနဲ့ မြစ်ရဲ့ရေဝေရေလဲဧရိယာပေါ်မှာ ထာဝရစီးဆင်းရေးအတွက် ဂရုစိုက်ပြီး လုပ်ကိုင်သင့်တယ်လို့ထင်တာပါပဲဟု ဒေသခံတစ်ဦးက ပြောပြခဲ့သည်။

ချင်းတွင်းမြစ်ရဲ့ မြစ်ဖျားခံရာအပိုင်းကနေ ဧရာဝတီကိုစီးဆင်းတဲ့နေရာအထိ သူဖြတ်သန်းခဲ့တဲ့ နေရာတိုင်းမှာရှိတဲ့ ချင်းတွင်းမြစ်ရဲ့ ရေဝေရေလဲဧရိယာတွေ၊ သစ်ပင်သစ်တောတွေ၊ မြေဆီလွှာတွေ ထိန်းသိမ်းဖို့၊ တည်တံ့ဖို့ အရေးကြီးပါတယ်ဟု ဒေါက်တာဇော်မြင့်နီက ပြောပြခဲ့သည်။

Source : News-Eleven

Friday, September 23, 2011

လိပ် ၃ မျိုး တုံးလု အခြေအနေသို့ရောက်

မြန်မာနိုင်ငံတွင်သာ တွေ့နိုင်သော လိပ် ၆မျိုး ရှိသည့်အနက် ၃ မျိုးမှာ မျိုးတုံးမှုအန္တရာယ်နှင့် ရင်ဆိုင်နေရကြောင်း သိရသည်။ မြန်မာနိုင်ငံတွင်သာတွေ့နိုင်သော လိပ် ၆ မျိုးမှာ ကြယ်လိပ်/ ပင့်ကူလိပ်၊ မြန်မာ့ဆောက်လိပ် ရခိုင်တောင်လိပ်၊ မြန်မာ့စင်းချောလိပ်၊   လေးကွက်လိပ်နှင့်   မြန်မာတိုက်လိပ်တို့ ဖြစ်ကြပြီး မြန်မာ့ဆောက်လိပ်၊ လေးကွက်လိပ်နှင့် မြန်မာ့တိုက်လိပ်တို့သည် မျိုးတုံးမှုအန္တရာယ်နှင့် ရင်ဆိုင်နေရကာ ကျန်လိပ်များမှာလည်း မျိုးတုံးရန် အစိုးရိမ်ရဆုံးအခြေအနေသို့ ရောက်ရှိနေကြောင်း သိရသည်။ မြန်မာပြည်မှာရှိတဲ့ လိပ်တော်တော် များများက ရှားကုန်ပါပြီ။ လိပ်တွေက များသောအားဖြင့် တစ်နေရာတည်းမှာ ကွက်ပြီး ရှိနေတာများတော့ ပတ်ဝန်းကျင် ပျက်သွားတာတို့၊ လူတွေ ဖမ်းစားတာတို့၊ တံငါပိုက်ကွန်မှာ ငြိတာတို့ကြောင့် မျိုးတုံးရတာပါ။ လူတွေကလည်း လိပ်မိရင် ဘယ်တော့မှပြန်မလွှတ်ဘူး။ စားပစ်လိုက်ကြတာပဲ။ နောက် နိုင်ငံခြားမှောင်ခို ပို့တာတွေကြောင့်လည်း မျိုးတုံးရတာပါ ဟု BANCA အသင်းမှ တာဝန်ရှိသူတစ်ဦးက ပြောသည်။

မြန်မာနိုင်ငံတွင်သာရှိသော လိပ်များဖြစ်သည့် ကြယ်လိပ်ကို ရွှေစက်တော် အမျိုးသားဥယျာဉ်နှင့် ပုဂံလောကနန္ဒာ ဥယျာဉ်တို့တွင်လည်းကောင်း၊ ရခိုင်တောင်လိပ်ကို ရခိုင်နှင့် ချင်းပြည်နယ်တွင် လည်းကောင်း၊ မြန်မာ့တိုက်လိပ်ကို ချင်းတွင်းမြစ်ဝှမ်းထမံသီ အထက်တွင် လည်းကောင်း၊ မြန်မာ့ဆောက်လိပ်ကို ဧရာဝတီ၊ ပဲခူး၊ ရန်ကုန်၊ မွန်၊ တနင်္သာရီနှင့် စစ်ကိုင်းတို့တွင် လည်းကောင်း၊ လေးကွက်လိပ်ကို ဧရာဝတီ၊ ပဲခူး၊ စစ် ကိုင်း၊ ရန်ကုန်၊ မန္တလေး၊ ရှမ်းနှင့် ကချင်တို့တွင် လည်းကောင်း၊ မြန်မာ့စင်းချောလိပ်ကို ဧရာဝတီ၊ ပဲခူး၊ စစ်ကိုင်း၊ ရန်ကုန်၊ မန္တလေး၊ မကွေး၊ မွန်၊ ကရင်နှင့် ကချင်တို့တွင်လည်းကောင်း တွေ့ရသည်ဟု မှတ်တမ်းများအရ သိရသည်။

မြန်မာနိုင်ငံတွင် တွားသွားသတ္တဝါမျိုးစိတ် ၂၇၂ မျိုးရှိပြီး ၇ မျိုးမှာ မျိုးသုဉ်းမှုအန္တရာယ်အဆင့်သို့ ရောက်သွားနိုင်သော မျိုးစိတ်များဖြစ်ကြောင်း သိရသည်။

မင်းချစ်နိုင်

Tuesday, September 20, 2011

ပုဂံရှိဇီးအိုကို အမှတ်တရပစ္စည်းထုတ်ရွာအဖြစ် တည်ထောင်ပြီး ခရီးသွားဧည့် ဆွဲဆောင်မည်

ပုဂံဒေသဇီးအိုကျေးရွာအား အမှတ်တရပစ္စည်း ထုတ်လုပ်သော ကျေးရွာအဖြစ်ပြုလုပ်ပြီး ခရီးသွားဧည့်များအား ဆွဲဆောင်သွားမည်ဖြစ်ကြောင်း အမှတ်တရပစ္စည်း လုပ်ငန်းရှင်များအသင်းမှ သိရသည်။ ဇီးအိုရွာဘေးမှာ အင်ကြင်းတောရှိတယ်။ အဲဒီအင်ကြင်းတော ကအင်ကြင်းကျောက်တွေကို အမှတ်တရပစ္စည်းအနေနဲ့ ထုတ်လုပ်နိုင်အောင် နိုင်ငံခြားကပညာရှင်တွေကို ခေါ်ယူပြီး နည်းပညာပြသပေးသွားဖို့ရှိတယ်။ အဲဒီကျေးရွာတစ်ရွာလုံးက လူတွေအလုပ်အကိုင် ရရှိသွားအောင်ပေါ့။ အားလုံးကို အသင်းအနေနဲ့ပဲ ပံ့ပိုးပေးသွားမှာပါ ဟု အမှတ်တရပစ္စည်း လုပ်ငန်းရှင်များအသင်းမှ တာဝန်ရှိသူတစ်ဦးကပြောသည်။

ဇီးအိုကျေးရွာဘေးရှိ အင်ကြင်းတောမှာ နှစ်ပေါင်း ၃ဝဝ ကျော်သက်တမ်းရှိပြီး ဧက ၄ဝဝ ကျော်ကျယ်ဝန်းသည်။ ထွက်ရှိလာသော အင်ကြင်းကျောက်များကို အမှတ်တရပစ္စည်းများအဖြစ် ပြုလုပ်ဆွဲဆောင်မည်ဖြစ်ကာ အဆိုပါအင်ကြင်းတောအတွင်း စားသောက်ဆိုင်များ၊ အပန်းဖြေစခန်းများ တည်ဆောက်သွားရန်ရှိကြောင်း သိရသည်။ ထိုသုိ့ဆောင်ရွက်မှုနှင့် ပတ်သက်၍ ဇီးအိုကျေးရွာမှဦးညီညီက 
ကျွန်တော်တို့ဆီမှာ အင်ကြင်းကျောက်တွေ တစ်ပုံကြီးရှိတယ် အဲဒါတွေကို ကျောက်စက်နဲ့ပိုင်းပြီး ရုပ်တုတွေထုမယ့်စနစ်ရှိပါတယ်။ အဲဒါတွေကို သင်ပေးမှာပါ။ စက်ကိရိယာတွေကိုလည်း ပံ့ပိုးပေးမယ်ပြောတယ်။ ဒေသထွက်တွေ အကုန်လုံးကို အမှတ်တရပစ္စည်းဖြစ်အောင် ထုတ်လုပ်သွားမှာပါဟု ပြောသည်။ ရွာသူရွာသားများတွင် လက်ရှိလုပ်ငန်းဖြစ်သော ထန်းတက်၊ ထန်းလျက်ချက်လုပ်ငန်းမှာ မွန်းတည့် ၁၂ နာရီနောက်ပိုင်းတွင် အပြီးလုပ်ဆောင်ရခြင်းကြောင့် ထိုအလုပ်နားချိန်တွင် အဆိုပါလက်မှု ပညာကိုပြုလုပ်သွားမည်ဖြစ်ကာ ရွာသူရွာသားများ နိုင်ငံခြားဧည့်သည်များနှင့်ဆက်ဆံရာတွင် အဆင်ပြေစေရန်အတွက် အင်္ဂလိပ်စာ သင်တန်းများ ပေးလျက်ရှိကြောင်း သိရသည်။ အမှတ်တရပစ္စည်းအရောင်းဆိုင် ထုတ်လုပ်သော ကျေးရွာအဖြစ်လာမည့် ခရီးသွားရာသီအမီ ပြုလုပ်သွားမည်ဖြစ်ပြီး အမှတ်တရပစ္စည်း လုပ်ငန်းရှင်များအသင်းများကိုလည်း ဇုန်အလိုက် ဖွဲ့စည်းသွားရန်ရှိကြောင်း လည်းအသင်းမှ သိရသည်။ အသင်းမှတာဝန်ရှိသူတစ်ဦးက လက်မှုပညာဖြစ်တဲ့ ပန်း ၁ဝ မျိုးကို လက်ရှိမှာထုတ်လုပ်နေသေးတဲ့ ကျေးရွာတွေ၊ မြို့နယ်တွေနဲ့ ခရီးသွားများပြားတဲ့အထင်ကရမြို့ တွေမှာ အသင်းဖွဲ့စည်းသွားဖို့ရှိတယ် ဟု ပြောသည်။

လတ်တလောတွင် ရန်ကုန်၌ အမှတ်တရပစ္စည်းလုပ်ငန်းရှင်အသင်းဝင် ၄၄ ဦးဖြင့် အသင်းဖွဲ့စည်းထားပြီး အသင်းမှ အမှတ်တရပစ္စည်းများ ထုတ်လုပ်ရန်အတွက် နိုင်ငံခြားလေ့လာမှုများ စေလွှတ်ရန်ရှိသလို နိုင်ငံခြားထုတ်လုပ်သူများကိုလည်း ပြန်လည်ဖိတ်ခေါ်မှုများ ပြုလုပ်သွားရန်ရှိကြောင်း သိရသည်။

ဝေယံမိုးမြင့်၊ မေဇင်ဝင်း

၂၀၁၁ ခုနှစ် အင်းလေးဖောင်တော်ဦးဘုရား ဒေသစာရီကြွချီပွဲ ၁၈ ရက်တိုင်တိုင်ကျင်းပမည်

၂၀၁၁ ခုနှစ် ရှမ်းပြည်နယ် တောင်ပိုင်း ညောင်ရွှေမြို့နယ် အင်းလေးဒေသတွင် နှစ်စဉ်ကျင်းပမြဲဖြစ်သော အင်းလေး ဖောင်တော်ဦးဘုရား ဒေသစာရီ ပင့်ဆောင်ပူဇော်ပွဲကို စက်တင်ဘာ ၂၈ ရက်မှ အောက်တိုဘာ၁၅ ရက်နေ့အထိ ညောင်ရွှေမြို့အပါအ၀င် အင်းလေးကန်၏ အရှေ့အနောက်၊ တောင်မြောက်ရှိ ကျေးရွာများမှ ပင်ဆောင်ပူဇော်ရေးဌာန ၂၁ခုသို့ အစဉ်လိုက် ကြွချီ အပူဇော်ခံမည်ဖြစ်ကြောင်း ပွဲတော်ကျင်းပရေးကော်မတီမှ သိရှိရသည်။

ကျေးရွာအ၀င်အထွက် လမ်းကျဉ်းသော ပူဇော်ရေးဌာနများသို့ ကရ၀ိက်ဖော်တော်ငယ်ဖြင့် ပင့်ဆောင်မည်ဖြစ်ပြီး လမ်းကျယ်သောနေရာများသို့ ဖော်တော်အကြီးဖြင့် ပင့်ဆောင် ပူဇော်သွားမည်ဖြစ်ကြောင်း၊ တစ်ရွာနှင့်တစ်ရွာ ပင့်ဆောင်ပူဇော်ရာတွင် တစ်စင်းလျင် လူအင်အား ၄၀ မှ ၁၀၀ကျော် ထိ ပါဝင်၍ အင်းသားရိုးရာ မတ်တပ်ရပ်၍ ခြေထောက်ဖြင့် လှော်ခတ်မည့် ဆွဲလှေ အနည်းဆုံး ၃၀ မှ ၈၀ ကြား ကရ၀ိက်ဖော်တော်၏ ရှေ့မှဆွဲကာ ကရ၀ိက်ဖောင်တော် အနောက်မှ ဆွမ်းတော်လှေ၊ စည်တော်လှေ၊ လှေယာဉ်တော် ယိမ်းအဖွဲ့လှေ၊ ၀တ်ရွတ်အဖွဲ့လှေ၊ ဓမ္မစကြာ အဖွဲ့လှေတို့နှင့် လိုက်ပါပို့ဆောင်ကြမည့် စက်လှေ(မော်တော်)များ၊ ဆွမ်းကပ်လှေများ ရာဂဏန်းထိ ပါရှိတတ်ရာ လာရောက်ဖူးမြော်လေ့လာသည့် ဧည့်သည်များအတွက် အံ့သြကြည်နူးရကြောင်း ပင့်ဆောင်ရေးအဖွဲ့မှ တာဝန်ရှိသူတစ်ဦးက ပြောကြားသည်။

ယခုနှစ် အင်းလေးဖောင်တော်ဦးဘုရား ပင့်ဆောင်ရာတွင် စက်တင်ဘာလ ၂၈ ရက်(သီတင်း ကျွတ်လဆန်း ၁ ရက်) နံနက် ၇ နာရီ နန်းဟူးရွာစံကျောင်းမှ စတင်ထွက်ခွာကာ အင်းတိန်ကြေးပေါခုံကျောင်း၊ စက်တင်ဘာ ၂၉ ရက် အင်းတိန်စံကျောင်း၊ စက်တင်ဘာလ ၃၀ ရက် ဟဲယာရွာမကျောင်း၊ အောက်တိုဘာလ ၁ရက် ငါးဖယ်ချောင်းကျောင်း၊ ၂ ရက်နေ့တွင် ကြေးစားကျောင်း၊ ၃ရက်နေ့တွင် ပွဲစားကုန်းကျောင်း၊ လင်းကင်းကျောင်း၊ အောက်တိုဘာ (၄၊၅၊၆) ရက်များတွင် ညောင်ရွှေမြို့ကျောင်းတော်တွင် သုံးရက်စံပြီး ၇ ရက်နေ့တွင် နမ့်သဲကျောင်း၊ မိုင်းသောက်ကျောင်း၊ ၈ရက်နေ့ သလဲဦးကျောင်း၊ ၉ ရက်နေ့တွင် ကေလာကျောင်း၊ ဇရပ်ကြီးကျောင်း၊ ၁၀ ရက်နေ့တွင် ဘုရားပေါက်ကျောင်း၊ နမ့်ပန်ကျောင်း၊ ၁၁ရက်နေ့တွင် မန်ကျည်းဆိပ်ကျောင်း၊ ကျိန်းခမ်းကျောင်း၊ ၁၂ ရက်နေ့တွင် မိုင်းပျိုးကျောင်း၊ ၁၃ ရက်နေ့တွင် နောင်တောကျောင်း၊ ၁၄ ရက်နေ့တွင် အင်းပေါ့ခုန်ကျောင်း၊ ရေသာကျောင်း၊၁၅ ရက်နေ့တွင် ဖောင်တော်ဦး စံကျောင်းတော်(နန်းဟူး)သို့ အစဉ်လိုက် ကြွချီပူဇော်ခံမည်ဖြစ်ကြောင်း သိရှိရသည်။

စိုင်းအောင်မြတ်(တောင်ကြီး)

Wednesday, September 14, 2011

ရထားလက်မှတ်ခများကို တိုးမြှင့်တော့မည်ဖြစ်ကာ ဝန်ဆောင်မှုကိုလည်း ထိုက်တန်အောင် ဆောင်ရွက်ပေးမည်

မီးရထားလက်မှတ်ခများကို တိုးမြှင့်ကောက်ခံတော့မည်ဖြစ်ကာ ယင်းနှင့် ဝန်ဆောင်မှုများကိုလည်း ထိုက်တန်အောင် တိုးမြှင့် ဆောင်ရွက်ပေးမည်ဖြစ်ကြောင်း ရထားပို့ဆောင်ရေး ဝန်ကြီးဌာန ပြည်ထောင်စုဝန်ကြီး ဦးအောင်မင်းက ပြောကြားလိုက်သည်။ ထိုသို့ လက်မှတ်ခ တိုးမြှင့်ရာတွင် မြို့ပတ်ရထား လက်မှတ်ခ ၁၀ ကျပ်ကို ကျပ် ၅၀အဖြစ်လည်းကောင်း၊ အဝေးပြေးလက်မှတ်ခကို တစ်မိုင်လျှင် လေးကျပ်အစား ၁၂ ကျပ်သို့ လည်းကောင်း တိုးမြှင့်မည်ဖြစ်ကြောင်း နေပြည်တော်တွင် စက်တင်ဘာ ၁၁ ရက်နေ့က ကျင်းပသည့် မီဒီယာတွေ့ဆုံပွဲတွင် ပြည်ထောင်စုဝန်ကြီးက ပြောကြားခဲ့ခြင်းဖြစ်သည်။

ရထားဝင်ငွေရဲ့ ၅၆ ရာခိုင်နှုန်းကို ဆီဖိုးအဖြစ် သုံးနေပါတယ်။ တကယ်တော့ လူတစ်ယောက်ကို မြို့ပတ်က လက်မှတ်ခ ၆၅ ကျပ်လောက်ကျတဲ့အတွက် ကျွန်တော်တို့က ၅၅ ကျပ်လောက် ရှုံးနေပါတယ်။ ဒါပေမယ့် ကျွန်တော်တို့က ကျပ် ၁၀၀ လောက်တော့ မတိုးပါဘူး။ ကျပ် ၅၀ အထိပဲတိုးမှာဖြစ်ပါတယ် ဟု ဦးအောင်မင်းက ဆိုသည်။ ထိုသို့ဆောင်ရွက်ရန်အတွက် လွှတ်တော်သို့လည်း တင်ပြမည်ဖြစ်ကာ မြို့ပတ်ရထားလုပ်ငန်းကို ပုဂ္ဂလိကသို့ မလွှဲပြောင်းမီပင် အပြောင်းအလဲလုပ်ငန်းများကို ဆောင်ရွက်မည်ဖြစ်ကြောင်း သိရသည်။

တိုးမယ့်လက်မှတ်ခနဲ့ ကိုက်အောင်ကို ဝန်ဆောင်မှုတွေ၊ လမ်းပြင်တာတွေကို တိုးလုပ်ပေးမှာပါ။ အခုနှုန်းအရဆို ဝန်ဆောင်မှုကို သုံးဆလောက် တိုးလုပ်ပေးနိုင်မှာ ဖြစ်ပါတယ် ဟု ပြည်ထောင်စုဝန်ကြီးက ပြောပြခဲ့ကြောင်း ၂၀၁၁ ခုနှစ် စက်တင်ဘာလ ၁၅ ရက်နေ့ထုတ် ရန်ကုန်တိုင်း(မ်) ဂျာနယ်တွင် ဖော်ပြထားပါသည်။

Source : Khit Lu Nge

Monday, September 12, 2011

မြန်မာအပါအ၀င် နိုင်ငံပေါင်း ၁၅နိုင်ငံကို အင်ဒိုနီးရှားက ဗီဇာကင်းလွတ်ခွင့်ပြု

Photo by Google
မြန်မာနိုင်ငံအပါအ၀င် နိုင်ငံပေါင်း ၁၅ နိုင်ငံမှ လာရောက်သူများအား အင်ဒိုနီးရှားနိုင်ငံက ဗီဇာကင်း လွတ်ခွင့်ပြုလိုက်ပြီဖြစ်ကြောင်း သတင်းထုတ်ပြန်ချက်တစ်ရပ်အရ သိရှိရပါသည်။ ယင်းသို့ ဗီဇာကင်းလွတ်ခွင့်ပြုလိုက်သည့် နိုင်ငံများမှာ မြန်မာ၊ ဘရူနိုင်း၊ ကမ္ဘောဒီးယား၊ ချီလီ၊ အီကွေ ဒေါ၊ ဟောင်ကောင်၊ လာအို၊ မကာအို၊ မလေးရှား၊ မော်ရိုကို၊ ပီရူး၊ ဖိလစ်ပိုင်၊ စင်ကာပူ၊ ထိုင်း၊ ဗီယက် နမ်နိုင်ငံတို့ ဖြစ်ကြောင်း သိရသည်။ အဆိုပါနိုင်ငံများသည် ဗီဇာမလိုအပ်ဘဲ အင်ဒိုနီးရှားနိုင်ငံတွင်း ရက် ၃၀ ကြာနေထိုင်ခွင့်ရှိသည်ဟု  စင်ကာပူနိုင်ငံဆိုင်ရာ အင်ဒိုနီးရှားသံရုံးက ၂၀၁၁ ခုနှစ် စက်တင်ဘာလ ၇ ရက်နေ့က ထုတ်ပြန်ထားသည်။

အင်ဒိုနီးရှားနိုင်ငံသည် အာဆီယံအဖွဲ့အစည်း၏ ဥက္ကဋ္ဌအဖြစ်ယခုနှစ်တွင် ဆောင်ရွက်နေပြီး အာဆီယံအဖွဲ့အစည်းက နှစ်စဉ်ကျင်းပလေ့ရှိသော ထိပ်သီးဆွေးနွေးပွဲနှင့် အစည်းအဝေးများကိုလည်း လက်ခံကျင်းပလျက်ရှိသည်။ အာဆီယံဥက္ကဋ္ဌအဖြစ် တာဝန်ယူထားသော အင်ဒိုနီးရှားနိုင်ငံအနေဖြင့်  ယခုနှစ်တွင် လက်ခံကျင်းပရသော အစည်းအဝေးများ၊ ဆွေးနွေးပွဲများ၊ ပြပွဲများသို့ လာရောက်သူများလည်း များပြားခဲ့ကာ ကျန်ရှိနေသေးသည့် အခမ်းအနားများသို့လည်း တက်ရောက်သူ ပိုမိုနိုင်သည် ဟု အင်ဒိုနီးရှားနိုင်ငံ Antara News က ထုတ်ပြန်ထားသည်။ (၁၉)ကြိမ်မြောက် အာဆီယံထိပ်သီးဆွေးနွေးပွဲနှင့် ဆက်စပ်အစည်းအဝေးများကို အင်ဒိုနီးရှားနိုင်ငံ ဘာလီကျွန်းတွင် နိုဝင်ဘာလ၌ ပြုလုပ်မည်ဖြစ်သည်။ နိုဝင်ဘာလအတွင်းတွင်ပင် (၂၆) ကြိမ်မြောက် အရှေ့တောင်အာရှ အားကစားပြိုင်ပွဲ (ဆီးဂိမ်းစ်) ကိုလည်း ကျင်းပမည်ဖြစ်ရာ ဒေသတွင်းနိုင်ငံများမှ နိုင်ငံသားများ ရောက်ရှိမှု ပိုမိုလာနိုင်သည် ဟု သိရှိရသည်။ အာဆီယံအတွင်းရေးမှူးချုပ် ရုံးတည်ရှိသည့်အတွက်လည်း အာဆီယံအဖွဲ့ဝင်နိုင်ငံများ၏ အစိုးရအရာရှိများ လာရောက်မှုများမှာ ယခင်ကတည်းက ရှိနေသည်။

၂၀၁၁ ခုနှစ် မတ်လအတွင်း  အာဆီယံဒေသတွင်း နိုင်ငံများမှ ခရီးသွားဦးရေ ၂၁၀၀၀၀ ကျော် အင်ဒိုနီးရှားနိုင်ငံသို့ ၀င်ရောက်ခဲ့ကာ စင်ကာပူ၊ မလေးရှား၊ ဖိလစ်ပိုင်၊ ထိုင်း နိုင်ငံတို့ အဓိကပါဝင်ခဲ့သည်ဟု သိရှိရသည်။ အင်ဒိုနီးရှားနိုင်ငံသည် အရှေ့တောင်အာရှနိုင်ငံများအနက် ခရီးသွားများပြားသော အနေအထားဖြင့် ရပ်တည်နေပြီး ဘာလီကျွန်းမှာလည်း အာရှ၏ကျော်ကြားသော ခရီးသွားဒေသတစ်ခုလည်း ဖြစ်နေသည်။

မြန်မာနိုင်ငံသည် ကမ္ဘောဒီးယားနိုင်ငံသို့ သွားရောက်ပါကလည်း ဗီဇာကြိုတင် လျှောက်ထားရန် မလိုအပ်ဘဲ ဆိုက်ရောက်ဗီဇာဖြင့် ၀င်ရောက်ခွင့် ရရှိထားသည်။

Source : News-Eleven

Saturday, September 10, 2011

ပုပ္ပားဟိုတယ်ဇုန် ဖော်ထုတ်ရန် လျာထား

ပုဂံဒေသသို့ လာရောက်မည့် ဧည့်သည်များ တည်းခိုရန်အတွက် ပုပ္ပားတောင်တွင် ဟိုတယ်ဇုန်တစ်ခု ဖော်ထုတ်ရန် လျာထားလျက်ရှိကြောင်း ပုဂံဇုန်ဥက္ကဋ္ဌ ဦးသန်းရွှေထံမှ သိရသည်။

ပုပ္ပားကိုလာဖို့က ညအိပ်စရာအကြောင်းမရှိဘူး။ ပုဂံကတစ်ဆင့်သွားရင် တစ်နာရီလောက်ပဲ သွားရတာပေါ့။ ဟိုတယ်ဇုန် ဖော်ထုတ်ဖို့ဆိုတာက ပုဂံမှာက ဧရာဝတီမြစ်ကမ်းဘေးတွေမှာ နေရာမရှိတော့ဘူးလေ။ ကျန်တဲ့နေရာတွေဆိုရင် စိုက်ပျိုးမြေ၊ သူများနေရာ စတာတွေပါနေတော့ ပုဂံအတွက် မြေနေရာရှာရင်း ပုပ္ပားဘက်မှာဆိုရင် အဆင်ပြေနိုင်မလား စသဖြင့်လျာထားတာပါ ဟု ပုဂံဇုန်ဥက္ကဋ္ဌက ပြောသည်။

ပုဂံဇုန်တွင်လည်း ဟိုတယ်ဇုန် ဖော်ထုတ်ရန် မြေနေရာသုံးခုလျာထားရာ အဆိုပါနေရာများမှာ ဖွားစောရွာ၊ တူရွင်းတောင်ခြေ၊ မြကန်သာနေရာများဖြစ်ပြီး ယင်းနေရာသုံးခုအတွင်း မြကန်သာနေရာမှာ အဆင်ပြေဆုံးနှင့် အသင့်တော်ဆုံးဟု လျာထားကြောင်း၊ ဟိုတယ်လုပ်ငန်းရှင်များသည် အဆိုပါနေရာသုံးခုတွင် မြေများဝယ်ယူထားကြပြီဖြစ်ကြောင်း ၄င်း၏ပြောပြချက်အရ သိရသည်။

ဟိုတယ်ဇုန်ဖော်ထုတ်ဖို့က ၂ နှစ်လောက်ကြာဦးမှာပါ။ အခုမြေရှာ၊ ဒေသအာဏာပိုင်တွေနဲ့ ညှိနှိုင်း စတဲ့ အလုပ်တွေလုပ်နေတယ် ဟု ဟိုတယ်ဇုန်ဖော်ထုတ်ရန် စီစဉ်နေမှုနှင့် လက်ရှိအခြေအနေနှင့် ပတ်သက်၍ ပြောသည်။ ပုဂံဒေသတွင် ဖော်ထုတ်ထားပြီးသော ဟိုတယ်ဇုန်နံပါတ် ၄ တွင် ဟိုတယ်ကြီး ၂ လုံးသာ တည်ဆောက်ထားပြီး ကျန်မြေနေရာများတွင် ထပ်မံတည်ဆောက်ထားခြင်း မရှိသေးသည့်အတွက် မြေပိုင်ရှင် ဟိုတယ်လုပ်ငန်းရှင်များအား တည်ဆောက်ရန် ညွှန်ကြားချက်များ ထုတ်ပြန်သွားမည် ဖြစ်ကြောင်း ၄င်းကပြော သည်။

လတ်တလောတွင် ပုဂံဒေသ၌ ဟိုတယ် ၇၅ လုံးရှိပြီး၊ အခန်းပေါင်း ၁၉ဝဝ ခန့်ရှိရာတွင် နိုင်ငံခြားသား တည်းခိုနိုင်သည့် အဆင့်မီဟိုတယ်မှာအလုံး ၂ဝ ကျော်သာရှိကြောင်း၊ ထို့ကြောင့် ကျန်ဟိုတယ်များအား နိုင်ငံခြားသား တည်းခိုနိုင်သည့် ဟိုတယ်အဖြစ် အဆင့်မြှင့်တင်သွားရန်နှင့် အဆင့်မီဟိုတယ်များကိုလည်း အခန်းများ ထပ်မံတိုးချဲ့သွားရန် ညွှန်ကြားထားကြောင်း အထက်ပါပုဂ္ဂိုလ်ထံမှ သိရသည်။

ဝေယံမိုးမြင့်

Thursday, September 08, 2011

နာမည်ကြီး ပုဂံဘုရားငါးဆူ၌ အဆင့်မြင့်သန့်စင်ခန်း ဆောက်မည်

ပုဂံရှိ နာမည်ကြီး ဘုရားငါးဆူတွင် အဆင့်မြင့်သန့်စင်ခန်းများကို မဟာမဲခေါင်ဒေသ ခရီးသွားပြပွဲအမီ တည်ဆောက်သွားရန်ရှိကြောင်း ပုဂံဇုန်ဥက္ကဋ္ဌဦးသန်းရွှေထံမှသိရသည်။ သန့်စင်ခန်းတစ်ခုမှာ ဘိုထိုင်အိမ်သာ၊ မျက်နှာသစ်ဖို့ဘေစင်နဲ့ အဲ့ဒီအတွက်ရေရဖို့ အဝီစိတွင်းတစ်တွင်းစီတူးရမယ်၊  အဲ့ဒါတွေအားလုံးကို တစ်လအတွင်း အပြီးတည်ဆောက်ရမှာပါဟု ပုဂံဇုန်ဥက္ကဋ္ဌကပြောသည်။ အဆိုပါသန့်စင်ခန်း အသုံးပြုခကို မြန်မာကျပ်ငွေဖြင့်သာ သတ်မှတ်သွားမည်ဖြစ်ပြီး သန့်စင်ခန်း တည်ဆောက်ပြီးစီးချိန်တွင် ပုဂံဇုန်ဥက္ကဋ္ဌအနေဖြင့်သာ ကြီးကြပ်လုပ်ဆောင်သွားမည်ဖြစ်ကာ နောက်ပိုင်းတွင် အဆိုပါဘုရားများရှိ ဘုရားလူကြီးများကိုသာ လွှဲပြောင်းအပ်နှံသွားမည်ဖြစ်ကြောင်း သိရသည်။ ရေရရှိမှု၊ သန့်ရှင်းရေး၊ လျှပ်စစ်သွယ်တန်းဖို့စသဖြင့် ပြုပြင်ထိန်းသိမ်းရေးလုပ်ငန်းအတွက် ဝန်ထမ်းခန့်အပ်ရမယ်။ ဒါတွေအားလုံး စနစ်ကျပြီဆိုရင် ဘုရားလူကြီးကို လွှဲပြောင်းအပ်နှံမှာပါဟု ၄င်းကပြောသည်။
ပုဂံဒေသခရီးသွား ဖွံ့ဖြိုးရေးအတွက်လုပ်ဆောင်နေသော အချက် ၄ ချက်တွင်း အဆိုပါသန့်စင်ခန်း တည်ဆောက်မှုမှာ ဇုန်အဆင့်မြင့်မားရေးဆိုသည့် အချက်အတိုင်း အကောင်အထည်ဖော် ဆောင်ရွက်နေခြင်းဖြစ်ကြောင်း သိရသည်။ အဆိုပါ နာမည်ကြီးဘုရားများဖြစ်သည့် ဗူးဘုရား၊ လောကနန္ဒာ၊ အာနန္ဒာ၊ ရွှေစည်းခုံအစရှိသော နာမည်ကြီးစေတီတို့တွင် နိုင်ငံခြားသားဧည့်သည်များ အသုံးပြုနိုင်မည့် အဆင့်မြင့် သန့်စင်ခန်းများကို မြန်မာနိုင်ငံခရီးသွားလုပ်ငန်းအဖွဲ့နှင့် ဟိုတယ်နှင့်ခရီးသွားဝန်ကြီးဌာနတို့မှ ပူးပေါင်း တည်ဆောက်သွားမည်ဖြစ်ကြောင်း သိရသည်။

Wednesday, September 07, 2011

ပဲခူး ဟံသာဝတီ အပြည်ပြည်ဆိုင်ရာလေဆိပ်စီမံကိန်း ပြန်လည်စတင်မည့်အစီအစဉ်ရှိကြောင်း သိရ

ပဲခူးတိုင်းဒေသကြီးမှ ဟံသာဝတီအပြည်ပြည်ဆိုင်ရာလေဆိပ်စီမံကိန်း ပြန်လည်စတင်မည့် အစီအစဉ်ရှိကြောင်း လေဆိပ်အသိုင်းအ၀ိုင်းမှ စုံစမ်းသိရှိရပါသည်။

ဟံသာဝတီ အပြည်ပြည်ဆိုင်ရာ လေဆိပ်စီမံကိန်းအတွက် ၁၉၉၄ ခုနှစ် မတ်လ ၃၁ ရက်နေ့တွင် မန္တလေးလေဆိပ် တိုးချဲ့တည်ဆောက်မည့် စီမံကိန်းနှင့်အတူ ပန္နက်ရိုက်ခဲ့ကြောင်း သိရသည်။ မန္တလေး အပြည်ပြည်ဆိုင်ရာ လေဆိပ်သစ်အား တိုးချဲ့တည်ဆောက်ခဲ့သော်လည်း ဟံသာဝတီ အပြည်ပြည်ဆိုင်ရာ လေဆိပ်စီမံကိန်းမှာမူ တည်ဆောက်ဖြစ်ခဲ့ခြင်းမရှိကြောင်း သိရှိရသည်။
ဓာတ်ပုံ-ထင်ပေါ်(ပဲခူး)
ဟံသာဝတီလေဆိပ်အား အမေရိကန်ဒေါ်လာ ၁၆၅၃ ဒသမ ၅၁ သန်း အကုန်အကျခံကာ တည်ဆောက်ရန် စီစဉ်ခဲ့သော်လည်း အကြောင်းကြောင်းကြောင့် တည်ဆောက်နိုင်ခဲ့ခြင်းမရှိဘဲ လက်ရှိတွင်မူ နိုင်ငံတကာ ခရီးသွားလာမှု အနေအထားအရ ဟံသာဝတီ လေဆိပ်စီမံကိန်းအား ပြန်လည်စတင်မည့် အစီအစဉ်ရှိကြောင်း ပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးဥာဏ်ထွန်းအောင်၏ ပြောကြားချက်အရ သိရှိရသည်။

"ရန်ကုန်အပြည်ပြည်ဆိုင်ရာလေဆိပ်မှာ တိုးတက်လာနိုင်တဲ့ ခရီးသွားအနေအထားတွေကို ကြည့်ပြီး ဟံသာဝတီ အပြည်ပြည်ဆိုင်ရာလေဆိပ်ကို တည်ဆောက်ဖို့ ကျွမ်းကျင်ပညာရှင်တွေ ဆုံးဖြတ်ခဲ့ကြတယ်လို့ သိရပါတယ်။ ဘာကြောင့်လဲဆိုတော့ ရန်ကုန်လေဆိပ်ဟာ ခရီးသွားတစ်စတစ်စ များလာရင် အများကြီးချဲ့ဖို့မဖြစ်နိုင်ဘူး။ လေဆိပ်ဧရိယာပိုင်းရော၊ လေကြောင်းပျံသန်းမှုပိုင်းမှာပါ အဆင်ပြေမယ့် ဟံသာဝတီလေဆိပ်ကို တည်ဆောက်ဖို့လုပ်ခဲ့ပေမယ့် အကြောင်းကြောင်းကြောင့် မဆောက်နိုင်ခဲ့ဘူး။ အခု ဒီလေဆိပ်စီမံကိန်း ပြန်စတင်ဖို့ အစီအစဉ်ရှိတယ်လို့သိရတော့ ကောင်းပါတယ်"ဟု မြန်မာ့လေကြောင်းမှ ၀ါရင့်လေယာဉ်မှူးကြီးတစ်ဦးက သုံးသပ်ပြောကြားခဲ့သည်။


မြန်မာနိုင်ငံသို့  ပြည်ပခရီးသည်ဝင်ရောက်မှုကို တစ်နှစ်ထက်တစ်နှစ် တိုးမြှင့်ဝင်ရောက်နိုင်ရန် မျှော်မှန်းပြင်ဆင်ထားမှုများရှိပြီး ဟံသာဝတီအပြည်ပြည်ဆိုင်ရာလေဆိပ် စီမံကိန်းမှာလည်း တစ်နှစ်ထက်တစ်နှစ် တိုးတက်လာနိုင်သည့် ခရီးသွားအနေအထားအရ နောင်သုံးနှစ်နှင့် လေးနှစ်အတွင်း အကောင်အထည်ဖော်ရန်ရှိကြောင်း ပို့ဆောင်ရေးဌာန၊ ပြည်ထောင်စုဝန်ကြီး ဦးဥာဏ်ထွန်းအောင်၏ ပြောကြားချက်အရ ထပ်မံသိရှိရသည်။

Source : News-Eleven

Monday, September 05, 2011

မန္တလေးမှမင်းကွန်းသို့ ပြည်ပခရီးသွားဧည့်သည် သွားလာမှုလွယ်ကူရေးအတွက် နိုင်ငံခြားသားခရီးသည် ပို့ဆောင်ရေးယာဉ်စီးရေ တိုးချဲ့သင့်

မန္တလေးမြို့သို့ လာရောက်လည် ပတ်သည့် ပြည်ပခရီးသွား ဧည့်သည်များသည် မရမ်းခြံမော်တော်ဆိပ်ရှိ ပြည်ပ ခရီးသွား ဧည့်သည် ပို့ဆောင်ရေး ရေယာဉ်အသင်းမှ မော်တော်များဖြင့် မင်းကွန်းသို့ ရာနှုန်းပြည့်နီးပါး သွားရောက် လည်ပတ်လေ့ရှိသော်လည်း ယခုနှစ်တွင် နိုင်ငံခြားသား ခရီးသွားဧည့်သည်များ ဧရာဝတီမြစ်ရေ တက်ချိန်ဖြစ်နေ၍ မြစ်ဆိပ်အတက်အဆင်းပြုလုပ်ရန် အခက်အခဲရှိသောကြောင့် သွားလာမှုနည်းပါးကြောင်း၊ ဧည့်လာများသည့် ဒီဇင်ဘာနှင့် ဇန်န၀ါရီတွင် ဧရာဝတီမြစ်ရေကျချိန်ဖြစ်၍ ဧည့်လာပို့နိုင်ကြောင်း ဧည့်လမ်းညွှန် တစ်ဦးက ပြောသည်။
မန္တလေးမှ မင်းကွန်းသို့ ပြည်ပခရီးသွားဧည့်သည်များ ပို့ဆောင်ပေးနေသည့် နိုင်ငံခြားသား ခရီးသွားဧည့်သည် ပို့ဆောင်ရေး ရေယာဉ်အသင်းတွင် မော်တော် ၂၉ စီးသာရှိသည်။ ပြည်ပခရီးသည် အလုံးအရင်းနှင့် ၀င်ရောက်လာပါက ပြေးဆွဲသည့် မော်တော်အင်အားနှင့် လုံလောက်မည်မဟုတ်ဘဲ ထပ်မံတိုးချဲ့ရန် လိုအပ်ကြောင်း ပြောသည်။ မန္တလေးမှ မင်းကွန်းသို့ အသွားအပြန်ခရီးအတွက် နိုင်ငံခြားသား ခရီးသည် တစ်ဦးကို ကျပ် ၅၀၀၀ ကောက်ခံလျက်ရှိသည်။ စီးလုံးငှားလျှင် တစ်ဦးမှ သုံးဦးအထိ ကျပ် ၂၅,၀၀၀၊ သုံးဦး နှင့်အထက် ငှားလျှင်ကျပ် ၃၀,၀၀၀ ဖြင့် ပို့ဆောင်ပေးလျက်ရှိကြောင်း သိရသည်။

မင်းသုတ

MAI မှ အောက်တိုဘာလတွင် ကမ္ဘောဒီးယားနိုင်ငံ ဖနွမ်ပင်ခရီးစဉ်သစ် တိုးချဲ့ပျံသန်းမည်

အောက်တိုဘာလတွင် MAI ၏ ငါးစင်းမြောက်လေယာဉ် ရောက်ရှိမည်ဖြစ်ပြီး အဆိုပါလေယာဉ် ရောက်ရှိသည်နှင့်တစ်ပြိုင်နက် ကမ္ဘောဒီးယားနိုင်ငံ ဖနွမ်ပင်ခရီးစဉ်သစ်ကို တိုးချဲ့ပျံသန်းသွားမည် ဖြစ်ကြောင်း MAI ၏ Marketing မန်နေဂျာ မအေးမရသာက ပြောပြခဲ့သည်။

"ငါးစင်းမြောက်လေယာဉ်ရောက်တာနဲ့ ရန်ကုန်-ဆီယမ်ရိ- ဖနွမ်ပင် ခရီးစဉ်သစ်ကို စပျံမှာဖြစ်ပြီး လက်ရှိခရီးစဉ်တွေလည်း ခေါက်ရေတိုးပြေးဆွဲမှုတွေ လုပ်သွားမှာပါ"ဟု မအေးမရသာက  ဆိုပါသည်။ MAI ၏ငါးစင်းမြောက်လေယာဉ်အဖြစ် ခရီးသည် ၂၂၀ဦးဆံ့ Air Bus A 321 လေယာဉ်ရောက်ရှိမည်ဖြစ်ကာ ခရီးစဉ်သစ်တိုးချဲ့ပျံသန်းခြင်းနှင့် လက်ရှိပြေးဆွဲနေသည့် ခရီးစဉ်ခေါက်ရေများ တိုးမြှင့်ပျံသန်းခြင်းတို့ကို ပြုလုပ်သွားမည်ဖြစ်သည်။


Source : News-Eleven