Monday, September 05, 2011

မန္တလေးမှမင်းကွန်းသို့ ပြည်ပခရီးသွားဧည့်သည် သွားလာမှုလွယ်ကူရေးအတွက် နိုင်ငံခြားသားခရီးသည် ပို့ဆောင်ရေးယာဉ်စီးရေ တိုးချဲ့သင့်

မန္တလေးမြို့သို့ လာရောက်လည် ပတ်သည့် ပြည်ပခရီးသွား ဧည့်သည်များသည် မရမ်းခြံမော်တော်ဆိပ်ရှိ ပြည်ပ ခရီးသွား ဧည့်သည် ပို့ဆောင်ရေး ရေယာဉ်အသင်းမှ မော်တော်များဖြင့် မင်းကွန်းသို့ ရာနှုန်းပြည့်နီးပါး သွားရောက် လည်ပတ်လေ့ရှိသော်လည်း ယခုနှစ်တွင် နိုင်ငံခြားသား ခရီးသွားဧည့်သည်များ ဧရာဝတီမြစ်ရေ တက်ချိန်ဖြစ်နေ၍ မြစ်ဆိပ်အတက်အဆင်းပြုလုပ်ရန် အခက်အခဲရှိသောကြောင့် သွားလာမှုနည်းပါးကြောင်း၊ ဧည့်လာများသည့် ဒီဇင်ဘာနှင့် ဇန်န၀ါရီတွင် ဧရာဝတီမြစ်ရေကျချိန်ဖြစ်၍ ဧည့်လာပို့နိုင်ကြောင်း ဧည့်လမ်းညွှန် တစ်ဦးက ပြောသည်။
မန္တလေးမှ မင်းကွန်းသို့ ပြည်ပခရီးသွားဧည့်သည်များ ပို့ဆောင်ပေးနေသည့် နိုင်ငံခြားသား ခရီးသွားဧည့်သည် ပို့ဆောင်ရေး ရေယာဉ်အသင်းတွင် မော်တော် ၂၉ စီးသာရှိသည်။ ပြည်ပခရီးသည် အလုံးအရင်းနှင့် ၀င်ရောက်လာပါက ပြေးဆွဲသည့် မော်တော်အင်အားနှင့် လုံလောက်မည်မဟုတ်ဘဲ ထပ်မံတိုးချဲ့ရန် လိုအပ်ကြောင်း ပြောသည်။ မန္တလေးမှ မင်းကွန်းသို့ အသွားအပြန်ခရီးအတွက် နိုင်ငံခြားသား ခရီးသည် တစ်ဦးကို ကျပ် ၅၀၀၀ ကောက်ခံလျက်ရှိသည်။ စီးလုံးငှားလျှင် တစ်ဦးမှ သုံးဦးအထိ ကျပ် ၂၅,၀၀၀၊ သုံးဦး နှင့်အထက် ငှားလျှင်ကျပ် ၃၀,၀၀၀ ဖြင့် ပို့ဆောင်ပေးလျက်ရှိကြောင်း သိရသည်။

မင်းသုတ

No comments:

Post a Comment

Thank you for your comment on my blog, Anythig you can suggesting and discuss to me.