Friday, October 28, 2011

မန္တလေးမှာ နိုင်ငံခြားငွေ လဲလှယ်ရေး ကောင်တာသစ်ဖွင့်

မန္တလေးမြို့က ဘဏ်အချို့ဟာ နိုင်ငံခြားငွေ လဲလှယ်ရေးကောင်တာကို အောက်တိုဘာ ၂၄ ရက်နေ့က စပြီးဖွင့်လှစ် လဲလှယ်ပေးနေပြီဖြစ်တယ်လို့ သိရတယ်။ အောက်တိုဘာ ၂၄ ရက်နေ့က နိုင်ငံခြားငွေ စတင်ဖွင့်လှစ်လဲလှယ်ပေးတဲ့ ဘဏ်တွေကတော့ ၃၅ လမ်း ၈၂ လမ်းထောင့်မှာ ရှိတဲ့ MOBဘဏ်၊ ခင်စောမူ ကွေ့က ကမ္ဘောဇဘဏ်၊ ဘူတာကြီးအနီးက ဧရာဝတီဘဏ်နဲ့ တံတားဦးလေဆိပ်မှာ AGDB ဘဏ်တွေ ဖွင့်တာဖြစ်ပါတယ်။ ကမ္ဘောဇဘဏ်မှ အထွေထွေမန်နေဂျာ ဒေါ်မြင့်မြင့်ချိုက ‘FED FORM (ကြေညာလွှာ) ပါသူတွေ၊ နိုင်ငံခြားငွေကိုင်ဆောင်ခွင့် AH လိုင်စင်ပါသူတွေနဲ့ ပတ်စပို့ပါတဲ့ နိုင်ငံခြားသားတွေထံက ငွေတွေ ကိုဝယ်ယူမှာဖြစ်ပါတယ်၊ နိုင်ငံခြားသွားမယ့်သူဆိုရင် မှတ်ပုံတင်နဲ့ ပတ်စပို့ပြရမယ်’လို့ပြောပါတယ်။ သူကပဲ ဆက်ပြီး ‘တစ်ဦးကို ဒေါ်လာ ၂၀၀၀ အထိ ဝယ်လို့ရောင်းလို့ရတယ်ဆိုပြီး သတ်မှတ်ထားပေမဲ့ နိုင်ငံခြားကို ကျောင်းသွားတက်မယ့်၊ ဆေးသွားကုမယ့်သူတွေက သတ်မှတ်ချက်ထက်ပိုပြီး လိုအပ်ခဲ့ရင် ခိုင်လုံတဲ့ အထောက်အထား ပြနိုင်ရင်တော့ အဖွဲ့ရဲ့ဆုံးဖြတ်ချက်နဲ့ ပိုရောင်းပေးမယ်၊ ဝယ်တာနဲ့ရောင်းတာက balance ဖြစ်မှဖြစ်မယ်’ လို့ပြောတယ်။ မန္တလေးမြို့ရဲ့ နိုင်ငံခြားငွေကြေးလဲလှယ်မှု နှုန်းထားတွေကတော့ ရန်ကုန်မြို့ သိမ်ဖြူလမ်း ငွေလဲစင်တာတွေက ဈေးနှုန်းတွေအတိုင်း လဲလှယ်ပေးမှာဖြစ်တယ်လို့ သိရကြောင်း ၂၀၁၁ ခုနှစ် အောက်တိုဘာ ၂၈ ရက်နေ့ထုတ် မော်ဒန်ဂျာနယ်တွင် ဖော်ပြထားပါသည်။

Source : Khit Lu Nge

No comments:

Post a Comment

Thank you for your comment on my blog, Anythig you can suggesting and discuss to me.