Tuesday, November 01, 2011

ချောင်းသာကမ်းခြေရှိ သဲဖြူကျွန်းခရီးစဉ် ပြန်လည်ဖွင့်လှစ်

ပြည်တွင်းခရီးသွား အများစု သွားရောက် လည်ပတ်လေ့ရှိသည့် ချောင်းသာကမ်းခြေရှိ သဲဖြူကျွန်းခရီးစဉ်ကို အောက်တိုဘာ ၂၂ ရက် မှစ၍ ပြန်လည် ဖွင့်လှစ် ပို့ဆောင်ပေးနေပြီဖြစ်ကြောင်း သိရသည်။

အဆိုပါကိစ္စနှင့် ပတ်သက်၍ ချောင်းသာကမ်းခြေရှိ သဲဖြူကျွန်းသွား လက်မှတ်အရောင်းဌာနမှ တာဝန်ရှိသူတစ်ဦးက “အခုပင်လယ်ပြင်မှာ ရာသီဥတုသာယာပြီး လှိုင်းငြိမ်တဲ့အတွက် သဲဖြူကျွန်းခရီးစဉ်ကို စတင် ပို့ဆောင်ပေးနေပါပြီ။ စက်လှေနှုန်းထားကတော့ တစ်ဦးကို ကျပ် ၁,၀၀၀ ပါ။ နောက်ပိုင်းမှာလည်း ရာသီဥတုနဲ့ လှိုင်းငြိမ်တဲ့အပေါ်မူတည်ပြီး ပို့ဆောင်ပေးသွားမှာပါ။ မိုးရာသီဆိုရင်တော့ ပင်လယ်မှာ လှိုင်းကြီးတဲ့အတွက် ကျွန်တော်တို့ စက်လှေတွေ မထွက်ပါဘူး” ဟုဆိုသည်။

အဆိုပါ သဲဖြူကျွန်းမှာ ချောင်းသာကမ်းခြေမှနေ မိုင်လေးမိုင်ခန့်အကွာ ပင်လယ်ပြင်တွင် တည်ရှိကြောင်း၊ သဲဖြူကျွန်းပေါ်တွင် စေတီတစ်ဆူတည်ရှိပြီး ကျွန်းပေါ်သို့ လာရောက် လည်ပတ်သူများအနေဖြင့် ငါးမျှားခြင်း၊ ရေကူးခြင်းနှင့် ပင်လယ်ပြင်သို့ ထိုးထွက်နေသော ကျောက်ဆောင်များအား လေ့လာကြည့်ရှုခြင်းများပြု လုပ်နိုင်ကြောင်း သိရသည်။

“ကျွန်တော် ချောင်းသာကိုရောက်တာ သုံးခေါက်လောက်ရှိပြီ။ ဒီတစ်ခါပဲသဲဖြူကျွန်းကို သွားလို့ရတယ်။ ကျန်တဲ့ အခေါက်တွေက လှိုင်းကြီးနေလို့ သွားလို့မရဘူး။ ကျွန်းကပင်လယ်ထဲမှာဆိုတော့ သာယာပြီး လည်ချင်စရာလေးပါ။ ဒါပေမယ့်စက် လှေက ကမ်းနားအထိမကပ်နိုင်တော့ ခါးလယ်လောက်ရှိတဲ့ရေကို ဆင်းကူးပြီး ကျွန်းပေါ်တက်ရတယ်။ တံတားဆောက်ထားပေးရင်တော့ ကောင်းမယ်ထင်တယ်။ ဒီနေ့ပဲ ကိုရီးယား ခရီးသွားတစ်ဖွဲ့လည်း ကျွန်းပေါ်ကို လာလည်တာတွေ့ရတယ်”ဟု ဆိုသည်။

ထွန်းလင်း

No comments:

Post a Comment

Thank you for your comment on my blog, Anythig you can suggesting and discuss to me.