Friday, January 25, 2013

ဗုဒ္ဓဂယာဘုရားဖူး ခရီးစဉ်များအား သာသနာရေး ဝန်ကြီးဌာနမှ ခရီးသွားကုမ္ပဏီများသို့ တရားဝင်လုပ်ကိုင်ခွင့်ပေးပြီ

ဗုဒ္ဓဂယာဘုရားဖူး ခရီးစဉ်များအား သာသနာရေး ဝန်ကြီးဌာနမှ ခရီးသွားကုမ္ပဏီများသို့ တရားဝင် လုပ်ကိုင်ခွင့် ပေးလိုက်ပြီဖြစ်ကြောင်း မြန်မာနိုင်ငံ ခရီးသွား လုပ်ငန်းရှင်များ အသင်းမှ ဥက္ကဋ္ဌ ဒေါက်တာအောင်မြတ်ကျော်က ပြောကြားလိုက်သည်။ ဗုဒ္ဓဂါယာ ခရီးစဉ်နှင့် ပတ်သက်ပြီး ယခင်က သာသနာရေး ဝန်ကြီးဌာနနှင့် တရားဝင် ခွင့်ပြုချက် ရထားသည့် ကုမ္ပဏီ ငါးခုသာရှိပြီး ယခုနှစ် ဇန်နဝါရီ ၃ ရက်မှ စတင်ကာ ခရီးသွားကုမ္ပဏီများကို တရားဝင် လုပ်ကိုင်ခွင့်ပြုလိုက်ပြီ ဖြစ်ကြောင်း သိရသည်။ “ဘုရားဖူးလုပ်ငန်းက အခုကိုယ့်နည်းကိုယ့်ဟန်နဲ့ ဆောင်ရွက်နေတာ ရှိပါတယ်။ လုပ်ငန်းလိုင်စင်နဲ့ လုပ်ဖို့ ဝန်ကြီးဌာနက သဘောထားရှိပြီးသား ဖြစ်ပါတယ်။ အားလုံးဟာ တရားဝင်လိုင်စင်နဲ့ လုပ်သွားမယ်ဆိုရင် ခရီးသွားများဟာ မိမိတို့ ရသင့်ရထိုက်တဲ့ အခွင့်အလမ်းများကို ဥပဒေနဲ့အညီ လုပ်ထုံးလုပ်နည်း စည်းကမ်းတွေနဲ့အညီ ရရှိသွားမှာ ဖြစ်ပါတယ်။ အဲဒီအတွက် အသင်းကလဲ ဆောင်ရွက်သွားမှာ ဖြစ်ပါတယ်” ဟု ဒေါက်တာအောင်မြတ်ကျော် က ပြောသည်။ မြန်မာနိုင်ငံ ခရီးသွား လုပ်ငန်းရှင်များ အသင်းမှ အဆိုပါ ခရီးစဉ်အား လုပ်ကိုင်ခွင့်ပြုပါရန် ဒီဇင်ဘာလ ၁၈ ရက်က တောင်းဆိုခဲ့ပြီး ဟိုတယ်နှင့် ခရီးသွားဝန်ကြီးဌာနမှ ထပ်ဆင့်ထောက်ခံပေးခဲ့ကာ သာသနာရေးဝန်ကြီးဌာန အနေဖြင့် ယခုနှစ် ဇန်နဝါရီလတွင် ခွင့်ပြုလိုက်ကြောင်း သိရသည်။ “ဟိုအရင် ဘုရားဖူး ခရီးစဉ်တွေက နားလည်မှုနဲ့ လုပ်ကြတယ်။ သာသနာရေးဝန်ကြီးဌာနက ခွင့်ပြုထားတဲ့ အဖွဲ့ငါးဖွဲ့ကပဲ ဗုဒ္ဓဂယာလို့ သတင်းစာမှာ ကြော်ငြာခွင့်ရှိတယ်။ ကျန်တာတွေက ဗုဒ္ဓဂယာ ဘုရားဖူးခရီးစဉ်လို့ ကြော်ငြာလို့ မရဘူး၊ အခုလက်ရှိ အဖွဲ့ပေါင်း ၇၂ ဖွဲ့ရှိတယ်။ ဒီလိုဖြစ်လာတဲ့အတွက် ဈေးပြိုင်စနစ်တွေ ဖြစ်လာတယ်။ တချို့အဖွဲ့တွေဆို ထွက်တောင် မထွက်နိုင်ဘူး။ ခရီးသွားပတ်စပို့ကလဲ လွယ်သွားပြီဆိုတော့ ခရီးသွားကြပါတယ်။ အခုဆို ဗုဒ္ဓဂယာမှာ နေထိုင်စရာတောင် မရှိတော့ဘူး၊ ဘုရားဖူးခရီးသည်တွေ ဘုရားဖူးခရီးစဉ်တွေကို မှန်ကန်အောင် ရွေးချယ်သင့်ပါတယ်” ဟု မဟာတိုးဗုဒ္ဓဂယာ ခရီးသွားဝန်ဆောင်မှု လုပ်ငန်းမှ တာဝန်ရှိသူတစ်ဦးက ပြောသည်။ ယခုနှစ်တွင် ဗုဒ္ဓဂယာဘုရားဖူး ခရီးသည် ၁၄၀၀၀ ကျော် မြင့်တက်လာပြီး ယမန်နှစ်က ခရီးသည် ၇၀၀၀ ဝန်းကျင်သာ ရှိကြောင်း ၂၀၁၃ ခုနှစ် ဇန်နဝါရီလ ၂၄ ရက်နေ့ထုတ် ရန်ကုန်တိုင်း(မ်) ဂျာနယ်တွင် ဖော်ပြထားပါသည်။

Wednesday, January 09, 2013

နိုင်ငံတကာသုံး ငွေပေးချေကတ် VISA, Master အပြင် CUP နှင့် JCB ကတ်လေးမျိုးစလုံး ၂၀၁၃ မတ်လတွင် အသုံးပြုနိုင်တော့မည်

နိုင်ငံတကာသုံး ငွေပေးချေကတ်များဖြစ်သည့် VISA, Master အပြင် CUP နှင့် JCB ကတ်လေးမျိုးစလုံး ၂၀၁၃ မတ်လတွင် အသုံးပြုနိုင်တော့မည်ဖြစ်ကြောင်း သိရသည်။ လက်ရှိတွင် VISA နှင့် Master ကတ်များကို ပြည်တွင်း ပုဂ္ဂလိကဘဏ် သုံးဘဏ်တွင် အသုံးပြုလျက်ရှိပြီး တရုတ်နိုင်ငံသုံး China Union Pay နှင့် ဂျပန်နိုင်ငံသုံး JCB ကတ်များကို မြန်မာပေးမန့်ယူနီယံ အဖွဲ့ဝင်ဘဏ်များတွင် အသုံးပြုနိုင်တော့မည်ဖြစ်ကြောင်း သိရသည်။ “အခု VISA နဲ့ Master ကတ်တွေ သုံးလို့ရနေပါပြီ။ ဒီလကုန်မှာ CUP ကို MPU ကတ်အဖွဲ့ဝင်ဘဏ် ၁၇ ခုလုံးမှာ သုံးနိုင်ပါမယ်။ JCB ကတ်ကတော့ မတ်လလောက်မှာ သုံးနိုင်ပါမယ်” ဟု မြန်မာပေးမန့်ယူနီယံ ကော်မတီ အတွင်းရေးမှူး ဦးရဲမင်းဦးက ပြောသည်။ လက်ရှိတွင် VISA ကတ်များကို သမဝါယမဘဏ်၊ မြန်မာအရှေ့တိုင်းဘဏ်နှင့် ကမ္ဘောဇဘဏ်များတွင် အသုံးပြုလျက်ရှိပြီး Master ကတ်များကို သမဝါယမဘဏ်နှင့် မြန်မာအရှေ့တိုင်းဘဏ်တို့တွင် အသုံးပြုလျက်ရှိသည်။ MPU ကော်မတီ အဖွဲ့ဝင် ပြည်တွင်း ပုဂ္ဂလိကဘဏ် ၁၇ ဘဏ်တွင်မူ နိုင်ငံတကာသုံး ငွေပေးချေသုံးကတ်များ ဖြစ်သည့် CUP ကတ်နှင့် ဂျပန်နိုင်ငံသုံး ဂျပန်ခရက်ဒစ်ဗျူရို JCB ကတ်များ အသုံးပြုကာ မြန်မာကျပ်ငွေများ ထုတ်ယူနိုင်မည်ဖြစ်ကြောင်း သိရသည်။ အဆိုပါကတ်များဖြင့် မြန်မာပေးမန့်ယူနီယံ အဖွဲ့ဝင်ဘဏ်များဖြစ်သည့် ပြည်တွင်းပုဂ္ဂလိကဘဏ် ၁၇ ဘဏ်ရှိ အေတီအမ်စက်များတွင် ငွေထုတ်ယူနိုင်မည်ဖြစ်ပြီး ဈေးဝယ်စင်တာများရှိ POS စနစ်များတွင်ပါ အသုံးပြုနိုင်မည်ဖြစ်ကြောင်း သိရသည်။ မြန်မာပေးမန့်ယူနီယံ ကော်မတီ အနေဖြင့် ပထမ အဆင့်တွင် နိုင်ငံတကာသုံး ကတ်များကို ပြည်တွင်း၌ အသုံးပြုနိုင်ရန်၊ ဒုတိယအဆင့်တွင် ပြည်တွင်းပုဂ္ဂလိက ဘဏ်များမှ အဆိုပါ နိုင်ငံတကာသုံး ကတ်များကို ထုတ်ပေးရန်နှင့် တတိယအဆင့်တွင် မြန်မာပေးမန့်ယူနီယံ ကတ်များကို နိုင်ငံတကာတွင် အသုံးပြုနိုင်ရန် စီစဉ်ဆောင်ရွက်သွားမည်ဖြစ်ကြောင်း သိရသည်။ လက်ရှိတွင် မြန်မာပေးမန့်ယူနီယံကတ် ကော်မတီအဖွဲ့တွင် ပြည်တွင်းပုဂ္ဂလိကဘဏ် ၁၇ ဘဏ်မှာ မြန်မာ့နိုင်ငံခြား ကုန်သွယ်မှုဘဏ်၊ မြန်မာ့ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ်၊ သမဝါယမဘဏ်၊ မြန်မာအရှေ့တိုင်း ဘဏ်၊ ကမ္ဘောဇဘဏ်၊ မြန်မာ့စီးပွားရေးဘဏ်၊ မြန်မာနိုင်ငံသားများဘဏ်၊ မြဝတီဘဏ်၊ အင်းဝဘဏ်၊ မွေးမြူရေးနှင့် ရေလုပ်ငန်းဖွံ့ဖြိုးရေးဘဏ်၊ ယူနိုက်တက်အမရာဘဏ်၊ စည်ပင်သာယာဘဏ်၊ အာရှစိမ်းလန်းမှု ဖွံ့ဖြိုးရေးဘဏ်၊ ဧရာဝတီဘဏ်၊ ထွန်းဖောင်ဒေးရှင်းဘဏ်၊ မြန်မာ့ရှေ့ဆောင်ဘဏ်နှင့် အသေးစားနှင့် အလတ်စား လုပ်ငန်းများ ဖွံ့ဖြိုးရေးဘဏ်တို့ ပါဝင်ပြီး မြန်မာအရှေ့တိုင်းဘဏ် ဥက္ကဋ္ဌ ဦးမြသန်းမှ ဒုတိယဥက္ကဋ္ဌအဖြစ် လည်းကောင်း၊ အာရှစိမ်းလန်းမှု ဖွံ့ဖြိုးရေးဘဏ်မှ အုပ်ချုပ်မှုဒါရိုက်တာ ဦးရဲမင်းဦးက အတွင်းရေးမှူးအဖြစ် လည်းကောင်း တာဝန်ယူဆောင်ရွက်လျက်ရှိကြောင်း ၂၀၁၃ ခုနှစ် ဇန်နဝါရီလ ၁၀ ရက်နေ့ထုတ် ရန်ကုန်တိုင်း(မ်) ဂျာနယ်တွင် ဖော်ပြထားပါသည်။

Source : Khit Lu Nge