Thursday, March 07, 2013

မြဝတီဂိတ်မှ ကျိုက်ထီးရိုးအထိ ထိုင်းဧည့်များအား ဝင်ခွင့် ပြုတော့မည်

ထိုင်းနိုင်ငံသားများ မြဝတီဂိတ်မှတစ်ဆင့် ဝင်ရောက်ခွင့်ကို မိုင် ၁ဝဝ ကျော်အထိ တိုးမြှင့်သွားမည်ဟု လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာန ပြည်ထောင်စုဝန်ကြီးဦးခင်ရီက ပြောသည်။ ယခုနှစ် ဧပြီလပိုင်းတွင် ခွင့်ပြုနိုင်ရန် နှစ်နိုင်ငံ ဆက်သွယ်ဆောင် ရွက်နေပြီးမြဝတီမှဘားအံ- ကျိုက် ထို- သထုံ-ကျိုက်ထီးရိုး စေတီတ်ာအထိ သွားရောက်နိုင်မည် ဖြစ်သည်။ မြဝတီတွင်သာမက အခြား ထိုင်း-မြန်မာနယ်စပ်ဂိတ်များ ဖြစ်ကြသည့် တာချီလိတ်၊ ဘုရားသုံးဆူနှင့် ကော့သောင်း ဂိတ်များအားလုံး တွင်လည်း ဝင်ရောက်ခွင့်နယ်နိမိတ်များကို နှစ်နိုင်ငံစလုံးမှ ရှိရင်းစွဲထက် ပိုမိုချဲ့ထွင်ရန် နှစ်နိုင်ငံတာဝန်ရှိသူများ ဆက်လက်ညှိနှိုင်းနေကြပြီး မကြာမီတွင်ပင် အကောင်အထည် ဖ်ာနိုင်မည်ဟု သိရပါသည်။ ထို့ကြောင့် ကမ္ဘာလှည့်ခရီး သွားများသာမက နယ်စပ်နိုင်ငံကူး လက်မှတ် ကိုင်ဆောင်ထားသူများနှင့် ယာယီနယ်စပ်ဖြတ်ကျော်လက် မှတ်ကိုင်ဆောင်ထားသူများအတွက် ပိုမိုအဆင်ပြေသွားမည်ဖြစ်သည်။ ''ဝင်ရောက်ခွင့်နယ်နိမိတ် ပို သွားတာက အလုပ်လုပ်ခွင့်နယ်နိမိတ် ပိုကျယ်လာတယ်လို့ တစ်ထစ် ချပြောလို့မရသေးဘူး''ဟု မြန်မာရွှ့ပြောင်း လုပ်သားတစ်ဦးက ပြောသည်။ ''ပြည်ဝင်ခွင့် ဗီဇာနဲ့ ၃ ည အိပ် ၄ ရက်ခရီး၊ ဒါမှမဟုတ် ၅ ညအိပ် ၇ ရက်ခရီး ဒီလိုတော့ စီစဉ်နေတယ်။ ခွင့်ပြုပေးမယ့် ရက် အတိအကျ သတ်မှတ် ဖို့ ဆွေးနွေး နေဆဲပါပဲ''ဟု၎င်းဝန်ကြီးဌာန တာဝန်ရှိသူက ပြောသည်။ ယခင်က ထိုင်း-မြန်မာနယ်စပ် တစ်လျှောက် ငြိမ်းချမ်းမှု မရှိခြင်း ကြောင့်မြဝတီ နယ်စပ်ဂိတ်ပေါက် ဝမှ မြဝတီမြို့တွင်းသာ တစ်ဖက် နိုင်ငံသားများ နေ့ချင်းပြန် ခရီးသာ လူဝင်မှုကြီးကြပ်ရေးနှ င့် ပြည်သူ့ အင်အားဦးစီးဌာနက ခွင့်ပြုခဲ့သည်။ ''ဒီလိုခွင့်ပြုဖို့ စီစဉ်နေတာက ငြိမ်းချမ်းရေးရဲ့အသီးအပွင့်ကို စပြီး ခံစားရမှုပဲ။ အရင်က အခြေအနေ အကြောင်းကြောင်းတွေကြောင့်ခွင့် မပြုပေးနိုင်ခဲ့ ဘူး''ဟု အထက်ပါ ပုဂ္ဂိုလ်က ဆိုသည်။ ယခုကဲ့သို့ ဧပြီတွင်ထိုင်းဘက် မှ ခရီးသည်များကို ခွင့်ပြုပေးလိုက် မှုကြောင့် ကျိုက်ထီးရိုး၊ ကျိုက်ထို သို့ လာရောက်ချင်ကြသူများ အ နေဖြင့် ယခင်ကထက် မြန်ဆန် သွားခြင်း၊ အချိန်ကုန်၊ လူပန်း သက်သာသွားခြင်းတို့ ခံစားရမည့် အပြင် မြန်မာဘက်ရှိ ထိုဒေသတို့ မှာလည်း ပြည်ပခရီးသွားများ ပိုမို များပြားလာခြင်းကြောင့် ဝင်ငွေတိုး ကာ ဖွံ့ဖြိုးတိုးတက်မှု ရှိလာမည် ဟု ဝန်ကြီးဌာနမှ သုံးသပ်သည်။ ခရီးသွားလုပ်ငန်း လုပ်ကိုင်သူတစ်ဦးက ''ဒီလိုဖွင့်ပေးရင် ကျိုက်ထီးရိုး ကျိုက်ထို ပိုစည်မှာပေါ့။ အရင်က ထိုင်းကနေ ကျိုက်ထီးရိုးဖူးချင်ရင် ဘန်ကောက်ကိုသွား၊ အဲဒီကနေ ရန်ကုန်၊ ရန်ကုန်ကနေ ကျိုက်ထိုဆိုတော့ လာချင်ကြတာတာင် အကုန်မလာနိုင်ဘူး'' ဟု ပြောသည်။ မြဝတီနယ်စပ်ဂိတ်မှ ပြည်တွင်းသို့ ခရီးသွားယာဉ်တန်းများ၊ ဆိုင်ကယ်ယာဉ်တန်းများဖြင့် သတ် မှတ်ပုံစံအတိုင်း ဝင်ရောက်ခွင့်ကို ဟိုတယ်နှင့် ခရီးသွားလာရေး ဝန်ကြီးဌာနမှ ခွင့်ပြုပေးနေခဲ့သော်လည်း ယခုကဲ့သို့သီးခြားခွင့်ပြုမှုကို လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနမှ ပထမဦးဆုံး ခွင့်ပြုပးခြင်း ဖြစ်သည်။ ကျိုက်ထီးရိုးသို့ လာရောက် ဖူးမြော်ကြသည့် နိုင်ငံခြားဧည့်များထဲ တွင် ထိုင်းလူမျိုးမှာ အများဆုံးဖြစ် ပြီး ၇ဝ ရာခိုင်နှုန်းခန့်ရှိသည်ဟု ကျိုက်ထီးရိုး ဂေါပကအဖွဲ့မှ သိရသည်။

Source : Popular News

No comments:

Post a Comment

Thank you for your comment on my blog, Anythig you can suggesting and discuss to me.