Saturday, June 08, 2013

နိုင်ငံခြားသား ခရီးသွားများ ငွေလဲလှယ်ရာတွင်ငွေလဲလှယ်ရေး စင်တာများကိုသာ အသုံးပြုသင့်

ရန်ကုန်  ဇွန်  ၇ မြန်မာနိုင်ငံသို့ လာရောက်လည်ပတ် ကြသော နိုင်ငံခြားသား ခရီးသွားများ နိုင်ငံခြားငွေကြေး လဲလှယ်ရာတွင် ငွေကြေးလဲလှယ်ရေး စင်တာများသို့သာ သွားရောက်၍ ငွကြေးလဲလှယ်မှုများ ပြုလုပ်သင့်ကြောင်း ကျောက်တံတား မြို့နယ် ရဲတပ်ဖွဲ့မှူးရုံးမှ တာဝန်ရှိသူ တစ်ဦးက ပြောကြားခဲ့သည်။
အဆိုပါ နိုင်ငံခြားသား ခရီးသွားများသည် ငွေလဲလှယ်ရာတွင် ပြည်တွင်း တရားမဝင် ငွေရောင်းဝယ်ရေး ဈေးကွက် အတွင်းသို့ သွားရောက်၍ ငွေလဲလှယ်မှုများ ပြုလုပ်နေပြီး ယင်းသို့ ပြုလုပ်မှုများမှ မသမာမှုများနှင့် ကြုံတွေ့သည့်အခါ ရဲစခန်းရုံးသို့  ရောက်ရှိလာကာ ပြဿနာများ ဖြေရှင်းပေးရန် အကူအညီ တောင်းခံလာခဲ့ကြောင်း သိရသည်။ ''တချို့ နိုင်ငံခြားသားတွေက ငွေလဲလှယ်ဖို့ တရားဝင် ငွေလဲလှယ်ရေး စင်တာကို မသွားကြဘူး။ ပြည်တွင်း တရားမဝင် ဈေးကွက်မှာ ပေါက်နေတဲ့ ဒေါ်လာပေါက်ဈေးက ပိုမြင့်တယ် ဆိုပြီးတော့ ပြင်ပမှာ လဲလှယ်ကြတယ်။ မသမာမှုတွေ ဖြစ်လာတော့မှ (ရဲစခန်း) ရုံးကို  ရောက်လာကြတာ။ ဒီလိုကိစ္စမျိုး မဖြစ်အောင် နိုင်ငံခြားသား ကိုယ်တိုင် အလိုလောဘ မကြီးဘဲနဲ့ တရားဝင် ငွေလဲလှယ်ရေး စင်တာမှာပဲ ငွေလဲ လှယ်သင့်တယ်'' ဟု ယင်းစခန်းမှူးက ပြောကြားခဲ့သည်။
မြန်မာနိုင်ငံ၌  ရောက်ရှိနေသော နိုင်ငံခြားသားများ အတွက် တရားဝင် ငွေလဲလှယ်ရေး စင်တာ ဖွင့်လှစ် ပေးထားသော်လည်း  နိုင်ငံခြားသားများ၏ ငွေလဲလှယ်မှုနှုန်းသည် နည်းပါးနေပြီး ပြည်တွင်း တရားမဝင် ငွေလဲလှယ်သူ အချို့၏ ဖြားယောင်းမှုများကြောင့် ငွေလဲလှယ် ဈေးကွက်သို့သာ သွားရောက် လဲလှယ်မှုများ ရှိနေကြောင်းသိရသည်။
 
Source : Myawaddy  

No comments:

Post a Comment

Thank you for your comment on my blog, Anythig you can suggesting and discuss to me.