ရန်ကုန် ဇန်နဝါရီ ၈ ရွှေတိဂုံ စေတီတော်သို့ ပြည်တွင်း ဘုရားဖူးများနှင့် အတူ ပြည်ပမှ နိုင်ငံခြား ခရီးသွား များလည်း ဝင်ရောက်လေ့လာ ဖူးမြော်လျက်ရှိရာ ပြီးခဲ့သည့် ၂ဝ၁၃ ခုနှစ်သည် ခြောက်နှစ်တာ ကာလအတွင်း ရွှေတိဂုံ စေတီတော်သို့ နိုင်ငံခြား ခရီးသွား ဧည့်သည်ဝင်ရောက် လေ့လာမှု အများဆုံးနှစ် ဖြစ်ခဲ့ကြောင်း ရွှေတိဂုံ စေတီတော် ဂေါပကအဖွဲ့မှ သိရသည်။
ရွှေတိဂုံ စေတီတော်သို့ လာရောက်လေ့လာ ဖူးမြော်လျက်ရှိသည့် နိုင်ငံခြား ခရီးသွား ဧည့်သည်များ ထဲတွင် အာရှတိုက် အပါအဝင် အနောက်နိုင်ငံများမှလည်း လာရောက်လျက် ရှိပြီး ၂ဝ၁၃ ခုနှစ်အတွင်း အနောက်နိုင်ငံများမှ လာရောက်မှုတွင် ပြင်သစ် လူမျိုးများမှာ အများဆုံး ဖြစ်ပြီး အာရှမှ တရုတ်လူမျိုးများမှာ လျော့နည်းလျက် ရှိလာကြောင်း သိရသည်။
''၂ဝဝ၈ ကနေ ၂ဝ၁၃ အထိ ခြောက်နှစ်တာ ကာလပတ်လုံး နိုင်ငံခြားသား ခရီးသွား ဧည့်သည် အများအပြား ဝင်ရောက်ခဲ့ပါတယ်။ ဝင်ရောက်မှုနှုန်း တစ်နှစ်ထက် တစ်နှစ် တိုးပွားလျက် ရှိလာတာကိုလည်း တွေ့ရပါတယ်။ အလှူငွေ အနေနဲ့လည်း ၂ဝဝ၈ ကနေ၂ဝ၁၂ ခုနှစ်ထိ ငါးနှစ်တာ ကာလမှာ အမေရိကန် ဒေါ်လာ နှစ်သန်းကျော်နဲ့ FEC တစ်သန်းကျော် ရရှိခဲ့ပါတယ်'' ဟု ရွှေတိဂုံ ဂေါပကအဖွဲ့မှ တာဝန်ရှိသူ တစ်ဦးက ပြောပြခဲ့သည်။
ရွှေတိဂုံ စေတီတော်သို့ ၂ဝဝ၈ ခုနှစ်တွင် နိုင်ငံခြား ခရီးသွား ဧည့်သည် ဝင်ရောက်မှု ခုနစ်သောင်းကျော် ရှိခဲ့ပြီး ၂ဝဝ၉ ခုနှစ်တွင် တစ်သိန်းကျော်၊ ၂ဝ၁ဝ ပြည့်နှစ်တွင် တစ်သိန်း ခွဲကျော်၊ ၂ဝ၁၁ ခုနှစ်တွင် နှစ်သိန်းကျော်၊ ၂ဝ၁၂ ခုနှစ်တွင် နှစ်သိန်းခွဲကျော်နှင့် ၂ဝ၁၃ ခုနှစ်တို့တွင် လေးသိန်းကျော်ဝင်ရောက် လေ့လာခဲ့ကြောင်း သိရှိရသည်။
Aသူ

0 Comments:

Post a Comment



Post a Comment

Thank you for your comment on my blog, Anythig you can suggesting and discuss to me.

Creative Commons License