Tuesday, August 26, 2014

ဓမ္မစေတီခေါင်းလောင်းကြီး ရှာတွေ့ပြီဟု အဖွဲ့ခေါင်းဆောင်ပြော

ဓမ္မစေတီခေါင်းလောင်းကို ရှာဖွေတွေ့ ရှိပြီလို့ ခေါင်းလောင်းရှာဖွေရေးအဖွဲ့ခေါင်းဆောင် ဦးစံလင်းက ဒီဗွီဘီကို ပြောပါတယ်။

အခု တွေ့ရှိ တဲ့ခေါင်းလောင်းဟာ ရန်ကုန်မြစ်အတွင်းမှာ လွန်ခဲ့တဲ့နှစ်ပေါင်း ၄၀၀ ကျော် က ပျောက်ဆုံးနေ တဲ့ ကြေးပိဿာ ၁ သိန်း ၈ သောင်းကျော်ရှိတဲ့  ခေါင်းလောင်း လားဆိုတာ အမေးကိုတော့ ကုန်းပေါ်ရောက်မှ အဖြေပေါ်မှာ ဖြစ်တယ်လို့ သူက ပြောပါတယ်။

ခေါင်းလောင်းကို ရှာဖွေနေတဲ့ မြစ် ၃ စင်းဆုံတဲ့အနီးမှာ တွေ့ရှိခဲ့တာဖြစ်သလို ကြိုးချည်ပြီး အပေါ် တင်နိုင်အောင် ကြိုးစားနေတယ်လို့ သူက ပြောပါတယ်။ အသေးစိတ်ကိုတော့ သတင်းစာရှင်းလင်းပွဲမှာ ပြောဆိုမယ်လို့ သူက ပြောပါတယ်။

သြဂုတ် ၉ ရက်နေ့ကနေ စတင် ခဲ့တဲ့ ဓမ္မစေတီခေါင်းလောင်း ရှာဖွေနေမှုနဲ့ ပတ်သက်ပြီး ဆွေးနွေးငြင်းခုံမှုတွေ ရှိသလို  လူအများ စိတ်ဝင်စားခဲ့ကြပြီး သတင်းစာနဲ့ ဂျာနယ်တွေက ခေါင်းလောင်းရှာဖွေရေးလုပ်ငန်းတွေကို မျက်နှာဖုံးသတင်းအဖြစ် ဖော်ပြခဲ့ကြပါတယ်။

Source : DVB

ဓမ္မစေတီခေါင်းလောင်းကြီး ရှာတွေ့ပြီ ဟု ဦးစံလင်းဆို

ဓမ္မစေတီခေါင်းလောင်းဆယ်ယူရန် သတ်မှတ်ထားသော နောက်ဆုံးနေ့တွင် ခေါင်းလောင်းကြီးကို တွေ့ရှိပြီဖြစ်ကြောင်း ဦးဆောင်ရှာဖွေသူ ဦးစံလင်းက ပြောသည်။
ခေါင်းလောင်းတွေ့ရှိကြောင်းကို အရိယာဝိဇ္ဇာအပေါင်းကို ခွင့်ပြုချက်တောင်းခံပြီးမှ အတိအလင်း ကြေညာခြင်းဖြစ်ကြောင်း ဦးစံလင်းက ခေါင်းလောင်းနှင့်ပတ်သက်၍ သတင်းထုတ်ပြန်ရေးအဖွဲ့သို့ ယနေ့နံနက်တွင်  တယ်လီဖုန်းဆက်၍ ပြောကြားပြီး ၎င်း၏ပြောကြားချက်ကို ပြန်ကြားရေးအဖွဲ့က ထုတ်ပြန်ခဲ့ခြင်းဖြစ်သည်။
ခေါင်းလောင်းရှာဖွေရေးအတွက် စေတနာထားကြသော ရဟန်း၊ပြည်သူများနှင့် အလှူရှင်များကို ကျေးဇူးအထူးတင်ရှိပြီး သတင်းထုတ်ပြန်ရန် နောက်ကျခြင်းကို နားလည်ပေးကြပါရန် တောင်းပန်အပ်ပါသည်ဟု ထုတ်ပြန်ချက်တွင်ပါရှိသည်။ ခေါင်းလောင်းကြီးကို မကြာမီ ကုန်းပေါ်သို့အရောက် ဆောင်ရွက်သွားမည်ဟု ဆိုသည်။
ယနေ့( သြဂုတ် ၂၆ရက်)တွင် ခေါင်းလောင်းရှာဖွေနေမှုကို လာရောက်ကြည့်ရှု့သူပိုမိုများပြားလာသည်။ခေါင်းလောင်းရှာဖွေရေးအဖွဲ့နေထိုင်သည့် သုံးထပ်သင်္ဘောနှင့် လုပ်ငန်းခွင်ဝင်နေသော သောင်တူးသင်္ဘောတို့ ပိုမိုနီးကပ်လာသည်ကိုတွေ့ရပြီး လာကြည့်သူများက သင်္ဘော ၂ စီး နီးကပ်သွားခြင်းမှာ ခေါင်းလောင်းရှာတွေ့သောကြောင့်ဟု ထင်မြင်နေကြသည်။
ထို့အပြင် ယနေ့မှစ၍ သောင်တူးစက်အနားသို့ စက်လှေသမ္ဗန်များဖြင့် သွားရောက်ကြည့်ရှုသူများအား အနီးကပ်ခွင့်မပေးဘဲ ရေကြောင်းရဲများက တားမြစ်ထားသည်။
Source : 7Daily News

Friday, August 22, 2014

ဓမ္မစေတီခေါင်းလောင်းရှာဖွေရေးအဖွဲ့ ရေအောက်တွင် ခေါင်းလောင်းနှစ်လုံးရှာဖွေတွေ့ရှိထား

သူသူထက်လွင် | ရန်ကုန်၊ 

ဓမ္မစေတီခေါင်းလောင်းရှာဖွေ ရေးအဖွဲ့ဝင်များသည် ရေအောက်တွင် ခေါင်းလောင်းနှစ်လုံး ရှာဖွေတွေ့ရှိထား ပြီး ယင်းခေါင်းလောင်း ဆယ်ယူရေးလုပ် ငန်းများ အောင်မြင်စေရန် မွန်ဘုရင်မ ကြီးရှင်စောပုအား ပွဲပေးဆုတောင်းမည် ဖြစ်ကြောင်း သိရသည်။

နတ်စင်တစ်ရာဆရာတော် မိန့်ကြား မှုဖြင့် ဓမ္မစေတီခေါင်းလောင်းအား နေရာပြောင်းရှာရာမှ ခေါင်းလောင်းနှစ်လုံး တွေ့ရှိခဲ့ခြင်းဖြစ်ပြီး ဓမ္မစေတီခေါင်း လောင်း ဟုတ်၊ မဟုတ် အတည်ပြုရန် စောနေသေးကြောင်း ခေါင်းလောင်းဆယ် ယူရေး အထောက်အကူပြု ဆပ်ကော်မ တီမှ သိရသည်။

''ဓမ္မစေတီခေါင်းလောင်း ဆယ်ယူ ရေးအဖွဲ့တွေက နတ်စင်တစ်ရာ ဆရာ တော်ရဲ့ မိန့်ကြားချက်နဲ့ အစကသင်္ဘော အောက်မှာ ခေါင်းလောင်းရှာနေရာက သင်္ဘောဘေးမှာ ရှာကြည့်ပါတယ်။ သြ ဂုတ် ၁၅ ရက်မှာ တွေ့တယ်။ တွေ့တယ် ဆိုတာက ရေငုပ်သမားတွေ ပြောတာပါ။ တို့အဖွဲ့(ခေါင်းလောင်းဆယ်ယူရေး အ ထောက်အကူပြုကော်မတီ)တွေက ဓမ္မ စေတီခေါင်းလောင်းလို့ အတည်ပြုပေး လို့မရသေးဘူး။ ခေါင်းလောင်းက ရေ ငုပ်သမားတွေပြောတဲ့ စကားအရ နှစ်လုံး တွေ့တယ်။ အကြီးတစ်လုံး၊ အသေးတစ် လုံး။ သူတို့ပြောတာကတွေ့ပြီ။ 
တွေ့တော့ ကြိုးတွေချည်ပြီး ဗောတွေတင်ထားပြီ။ အခု လောလောဆယ် သောင်တူးစက်နဲ့ တူးနေတယ်။ သဲတွေစုပ်နေတုန်းပဲ။ အ တည်ပြုပေးဖို့ အချိန်ယူရမယ်''ဟု ဓမ္မ စေတီခေါင်းလောင်းတော် ဆယ်ယူရေးအ ထောက်အကူပြုဆပ်ကော်မတီမှ ဒုဥက္ကဋ္ဌ ဦးနိုင်မင်းအောင်(ခ)နိုင်ဝဲ့က ပြောသည်။

နတ်စင်တစ်ရာဆရာတော်ကြီးက ''ခေါင်းလောင်းတွေ တွေ့ထားတယ်။ သြ ဂုတ် ၁၉ ရက် မနက် ၉ နာရီမှာ တူးနေ ကြတယ်။ ဘဘုန်း အဲဒီနေရာမှာ ရှိနေ တယ်။ ပြီးရင် ဘဘုန်းတို့သွားစရာလေး ရှိတယ်။ လုပ်စရာလေးတွေရှိတယ်''ဟု ပြောသည်။

အဆိုပါခေါင်းလောင်းများ အောင်မြင် စွာဆယ်ယူနိုင်ရန် နတ်စင်တစ်ရာ ဆရာတော် နှင့် ဓမ္မစေတီခေါင်းလောင်းတော် ဆယ်ယူရေး အထောက်အကူပြုဆပ်ကော်မတီမှ လပွတ္တာ မြို့နယ်တွင် မွန်ဘုရင်မရှင်စောပုအား ပွဲပေး ၍ ဆုတောင်းသွားမည်ဖြစ်သည်။

''နတ်စင်တစ်ရာဆရာတော်ကြီးက ၁၉ ရက် ၂ နာရီမှာ ခရီးထွက်မယ်။ လပွတ္တာမှာရှိ တဲ့ ဘုရင်မကြီးရှင်စောပုရဲ့ဘုရား ရှင်စောမြတ် စေတီမှာ ပွဲပေးဖို့ ဆရာတော်ကြီးနဲ့အတူ ကျွန် တော်တို့သွားမယ်။ ဓမ္မစေတီခေါင်းလောင်း က ဘုရင်မကြီးရှင်စောပုနဲ့လဲ ပတ်သက်ပါ တယ်။ ဓမ္မစေတီမင်းက ရှင်စောပုရဲ့ သမက်ပါ။ ဘုရင်မကြီးရှင်စောပုက သမက်ကို နန်းလွှဲပြီး ဘုရား၊ တရားပဲလုပ်နေတယ်။ ဦးစံလင်းပြော တာက မြုပ်နေတဲ့ထဲမှာ ဘုရင်မကြီးရှင်စောပု ရုပ်တုနှစ်ခုပါတယ်လို့ ပြောတယ်။ တွေ့ရှိတာ တွေအားလုံး ရွှေတိဂုံဘုရားကို လှူဒါန်းဖို့ရှိပါ တယ်''ဟု ဦးနိုင်မင်းအောင်(ခ)နိုင်ဝဲ့က ဆက် ပြောသည်။

ဓမ္မစေတီခေါင်းလောင်းတော်ကြီးကို ဦးစံလင်း၊ ဦးဝင်းမြင့်(ရွှေအုန်းပင်)တို့မှ ဆယ် ယူခွင့်ရရှိပြီး သင်္ဘောပျက်အောက်တွင် ရှာဖွေ နေရာမှ နတ်စင်တစ်ရာဆရာတော်၏ မိန့် ကြားချက်ဖြင့် သင်္ဘောနှင့် မိုင် ၂ဝ၊ မိုင် ၃ဝ အကွာတွင် ရှာဖွေရာ ဆယ်ယူရေးအဖွဲ့ဝင် များသည် ခေါင်းလောင်းနှစ်လုံး စတင်ရှာဖွေ တွေ့ရှိခြင်းဖြစ်ပြီး တွေ့ရှိထားသော ခေါင်း လောင်းများသည် ဓမ္မစေတီခေါင်းလောင်း ဟုတ်၊ မဟုတ် ဆယ်ယူလေ့လာရန် အချိန် နှစ်ပတ်၊ သုံးပတ်ခန့်လိုကြောင်း ဆယ်ယူရေး အထောက်အကူပြု ဆပ်ကော်မတီထံမှ သိရသည်။


Source : Yangon Time's

Wednesday, August 20, 2014

ဓမ္မစေတီခေါင်းလောင်းဟု ယူဆရသောအရာကိုတွေ့ရှိသဖြင့် တူးဖော်မှုများစတင်သော်လည်း ယနေ့လုပ်ငန်းစတင်နိုင်ခြင်းမရှိ

ဓမ္မစေတီ ခေါင်းလောင်းဟုယူဆ ရသော အရာကို ရေအောက်၌တွေ့ သည်ဟု ရေငုပ်သမားများ၏ပြော ပြချက်အရ လက်ရှိတွင်တွေ့ရှိထား သောနေရာမှ သဲ၊ နုန်းများ စုပ် ထုတ်နေပြီ ဖြစ်သော်လည်း ယနေ့ နံနက် ၉ နာရီတွင် ခေါင်းလောင်း ရှာဖွေတူးဖော်နေသော သောင်တူး စက်များ စက်ချွတ်ယွင်းသွားသော ကြောင့် ဆက်လက်လုပ်ကိုင် နိုင်ခြင်း မရှိကြောင်း သမ္ဗန်သမားများထံမှ စုံစမ်းသိရှိရသည်။

ခေါင်းလောင်းဟုယူဆရသော အရာကို ယခုလ ၁၅ရက် နံနက် ပိုင်းတွင် စတင်စမ်းမိခဲ့ခြင်းဖြစ်ပြီး ယခင်ခေါင်းလောင်း ရှိသည်ဟု ယူဆထားသည့် သင်္ဘောပျက်နှင့် ပေ ၂ဝ ခန့်ဝေးသည့်နေရာဖြစ် ကြောင်း ရေငုပ်သမားများ၏ ပြော ကြားချက်ကို ကိုးကား၍ ၄င်းက ပြောသည်။

''အရင်ကသင်္ဘောအောက်မှာ ရှိတယ်လို့ တွက်ထားပေမယ့် ဒီလ ၁၄ ရက်မှာ နတ်စင်တစ်ရာဆရာ တော်ကြီးက သင်္ဘောပျက်အောက် မှာမဟုတ်ဘူး။ အပြင်ဘက်မှာရှိ တယ်လို့ မိန့်ကြားတော့နေရာ ပြောင်းပြီးရှာတာ။ နောက်နေ့မှ ခေါင်းလောင်းနဲ့ တူတဲ့အရာကို စမ်းမိတာပါ''ဟု ခေါင်းလောင်း ဆယ်ယူရေးအထောက်အကူပြု ဆပ်ကော်မတီမှ ဥက္ကဋ္ဌ (၁) ဦးနိုင် မင်းအောင်က ပြောသည်။

ခေါင်းလောင်းရှိသည်ဟုယူဆ ရသောနေရာကို သောင်တူး သင်္ဘောဖြင့် သဲနုန်းများစုပ်ထုတ်မှု ကို ယမန်နေ့မှစတင် ပြုလုပ်လျက် ရှိပြီး လက်ရှိတွင် ထူးခြားမှုအခြေ အနေမရှိသေးကြောင်း၊ ဓမ္မစေတီ ခေါင်းလောင်းကြီး ဖြစ်သည်ဟု အတည်မပြုနိုင်သေးကြောင်း ၄င်း ကပြောသည်။

ဓမ္မစေတီခေါင်းလောင်းကြီးကို ဦးစံလင်းနှင့်ဦးဝင်းမြင့်တို့ဦးဆောင် ၍ ယခုလ ၉ရက်မှစတင်ရှာဖွေ တူးဖော် နေခြင်းဖြစ်ပြီး တူးဖော် ကာလ ရက်သတ္တနှစ်ပတ် သတ် မှတ်ထားကြောင်း၊ တူးဖော်ရေးတွင် သောင်တူး သင်္ဘောတစ်စင်း၊ ဗညားလတ်အမည်ရှိ သုံးထပ် သင်္ဘောတစ်စင်းတို့ဖြင့် ဆောင် ရွက်လျက်ရှိသည်။

အဆိုပါ ခေါင်းလောင်းမှာ လွန်ခဲ့သောနှစ်ပေါင်း ၄ဝဝခန့်က ရန်ကုန်မြစ်၊ ပဲခူးမြစ်နှင့်ပုဇွန်တောင် ချောင်းတို့ဆုံသည့် နေရာတွင် နစ် မြုပ်ခဲ့ခြင်းဖြစ်ကာ ကြေးပိဿာချိန် ၁၈ဝဝဝဝ အလေးချိန်ရှိကြောင်း သမိုင်းအထောက်အထားများအရ သိရသည်။

ညွန့်ဝင်း
The Union Daily

Saturday, August 16, 2014

e-Visa စနစ် စတင်ကျင့်သုံး

  မြန်မာနိုင်ငံကို အလည်အပတ်လာရောက်မယ့် ကမ္ဘာလှည့်ခရီးသည်တွေအတွက် အွန်လိုင်းကနေ လျှောက်ထားနိုင်တဲ့ အီလက်ထရွန်းနစ်ဗီဇာ (အီးဗီဇာ) စနစ် စတင် ကျင့်သုံးနေပြီလို့ လူဝင်မှုကြီးကြပ်ရေးနဲ့ ပြည်သူ့အင်အား ဦးစီးဌာန တာဝန်ရှိသူတဦးက ဒီဗွီဘီကို ပြောပါတယ်။

စက်တင်ဘာ ၁ ရက်နေ့ တရားဝင်စတင်မှာ ဖြစ်ပေမယ့် သြဂုတ် ၁၀ ရက်နေ့ကတည်းက စမ်းသပ်နေပြီလို့ ပြောပါတယ်။

ဗီဇာလျှောက်ထားလိုသူ နိုင်ငံခြားသားတွေအနေနဲ့ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနက ဖွင့်လှစ်ထားတဲ့ http://www.myanmarevisa.gov.mm ၀က်ဆိုက်ကနေ ဗီဇာလျှောက်ထားနိုင်မှာ ဖြစ်ပါတယ်။

လတ်တလောမှာ ၂၈ ရက် တိုးရစ်ဗီဇာအတွက်ပဲ လျှောက်ထားနိုင်ပြီး တခြားဗီဇာအမျိုးအစားတွေကတော့ လက်မခံသေးပါဘူး။

ဗီဇာလျှောက်လွှာကို အွန်လိုင်းကနေ ဖြည့်စွက်ရမှာ ဖြစ်သလို ဗီဇာကြေး အမေရိကန် ဒေါ်လာ ၅၀ ကိုလည်း နိုင်ငံတကာအသိအမှတ်ပြု ဘဏ်ကတ်တွေ ဖြစ်တဲ့ ဗီဇာနဲ့ မာစတာ ကတ်တွေကိုအသုံးပြုပြီး အွန်လိုင်းစနစ်နဲ့ ပေးသွင်းရမှာ ဖြစ်ပါတယ်။

ခုလို အွန်လိုင်းဗီဇာစနစ် အသုံးပြုတာကြောင့် နိုင်ငံခြားသား ခရီးသွားတွေအနေနဲ့ သက်ဆိုင်ရာနိုင်ငံတွေမှာ ဖွင့်လှစ်ထားတဲ့ မြန်မာသံရုံးတွေကို သွားပြီး ဗီဇာ လျှောက်စရာ မလိုတော့ဘဲ အင်တာနက်ရှိတဲ့ ဘယ်နေရာကမဆို ဗီဇာ လျှောက်ထားနိုင်တော့မှာ ဖြစ်ပါတယ်။

ကြာမြင့်ချိန်ကတော့ ဗီဇာလျှောက်လွှာ စတင်လက်ခံရတဲ့အချိန်ကနေ ၅ ရက် လောက် ကြာမယ်လို့ ၀က်ဘ်ဆိုက်မှာ ဖော်ပြထားပါတယ်။

Source : DVB

Tuesday, August 12, 2014

ဓမ္မစေတီခေါင်းလောင်းကြီး ဆယ်ယူမှုစတင်နေ

ကောဇာသက္ကရာဇ် ၉၇၄ ခုတွင် ပေါ်တူဂီလူမျိုး ဒီဗရစ်တိုငဇင်ကာသည် ဒဂုံမြို့ကိုကျူးကျော်စဉ် ဆံတော်ရှင် ရွှေတိဂုံစေတီတော်ရင်ပြင်မှ ပိဿာချိန် ၁၈ဝဝဝဝ ရှိသော ဓမ္မစေတီခေါင်းလောင်းကို အမြောက်သွန်းလုပ်ရန် သယ်ယူစဉ် ရန်ကုန်မြစ်၊ ပဲခူးမြစ်၊ ပုဇွန်တောင်ချောင်း ဆုံရာ မြစ်ဆုံတွင် ရေသို့ကျ၍ နစ်မြုပ် ပျောက်ဆုံးခဲ့သည်မှာ နှစ်ပေါင်း ၄ဝဝ ကျော်ပြီဖြစ်ပြီး စတင်သွန်း လုပ်ချိန် ကောဇာသက္ကရာဇ် ၈၃၈ ခုနှစ်ကဆိုလျှင် နှစ်ပေါင်း ၅ဝဝ ကျော်ပြီဖြစ်သည်။

ယခုအခါ ဆယ်ယူရေးအဖွဲ့က သြဂုတ် ၁၁ ရက်တွင် ဓမ္မစေတီခေါင်းလောင်းကြီးကို ရေပြည့်ချိန်တွင် ဆယ်ယူနေကြပြီး သုံးထပ်သင်္ဘော ဗညားဒလသုံးထပ်သင်္ဘောပေါ်မှ ဆရာတော်များက ပရိတ်တရားတို့ကို ရွတ်ဖတ်ပူဇော်လျက်ရှိသည်။ လပြည့်ကျော် ၃ ရက်အထိ မြစ်ရေတက်မှုသည် ရေငုပ်သမားတို့အတွက် လုပ်ငန်းအဆင်ပြေလျက်ရှိနေသည်။ ခေါင်းလောင်းကြီး ဆယ်ယူမှုကို ပရိသတ်များကလည်း နေ့စဉ်လာရောက်ကြည့်ရှုလေ့လာလျက်ရှိသည်။ တူးဖော်ဆယ်ယူသော နုန်းတူးစက်၊ အထူးယာဉ်နှင့်ဆရာတော်များပရိတ်ရွတ်ဖတ်သော ရေယာဉ်များသို့ ကပ်ခွင့်၊ တက်ခွင့်မပြုချေ။မြန်မာ့ယဉ်ကျေးမှု၏ အမွေအနှစ်ဖြစ်သော သမိုင်းမှတ်တိုင်တစ်ခုဖြစ်သော ဓမ္မစေတီခေါင်းလောင်းကြီးကို ပြည်သူအပေါင်းက မြင်တွေ့ချင်သော ဆန္ဒပြင်းပြလျက်ရှိကြောင်း သိရသည်။

ရေအောက်ရှိ ဓမ္မစေတီခေါင်းလောင်းကြီးကို ၁၉၈၈ ခုနှစ်မတိုင်မီ ပထမဆုံး ရေငုပ်ဆယ်ယူခဲ့သောအဖွဲ့မှ ထိုအချိန်က ရန်ကုန်တက္ကသိုလ်သမိုင်း ဌာန လက်ထောက်ကထိက ဦးကျော် က ''ဓမ္မစေတီခေါင်းလောင်းကြီးကို မြန်မာ့ဆိုရှယ်လစ်လမ်းစဉ်ပါတီ စီးပွားရေးဌာန သုတေသနမှူးကြီး ဒေါက်တာမျိုးမြင့်နဲ့ အဖွဲ့ဝင် ၁၂ ဦးမှ ကိုယ်ပိုင်ငွေနဲ့ ရေငုပ်အဖွဲ့ခေါင်း ဆောင်ဦးတင်ရွှေ၊ ဦးကြိုင်တို့ဖြင့် သီတင်းသုံးပတ်ဆယ်ယူရှာဖွေခဲ့ခြင်း ဖြစ်ပါတယ်။ ဆယ်ယူရာတွင် ရေတပ်က နံနက် ၆ နာရီမှ ညနေ ၆ နာရီအထိ လှည့်ကင်းဆောင်ရွက်ခဲ့ပြီး လုပ်ငန်းစတင်ချိန်၊ ပြီးဆုံးချိန်ကို သတင်းပို့ရကာ ဆယ်ယူသောနေရာကို အမှတ်အသား မထားရှိခဲ့ရဘူး။ ရေတက်ပြီး ရေငြိမ်သောအချိန်တွင် မျောက်ခေါင်းဟုခေါ်သော မျက်နှာတစ်ခွင်၊ နှာခေါင်းအုပ်သော ပစ္စည်းဖြင့် ရေပေါ်မှ အောက်ဆီဂျင်ပေးကာ ပစ္စည်းစုံလင်မှုမရှိဘဲ ငုပ်ခဲ့ရပြီး ရေအောက်တွင် နေနိုင်ရန်သံတုံး၊ ကြိုးကို လည်တွင်ဆွဲ၍ အန္တရာယ်ကြုံပါက ရေပေါ်ကို အသိပေးနိုင်၍ အသက်ကယ်ကြိုး တစ်ချောင်းသာ ပါရှိပြီး တစ်ဦးဆင်းပြီး တက်လာမှသာ တစ်ဦးဆင်းခဲ့ရကြောင်း၊ ရေအတက်တွင် ရေစီးကြောင်း၊ ပြင်းထန်ပြီးနွံတို့ကြောင့် အရာဝတ္ထုကို သဲကွဲစွာမမြင်နိုင်ဘဲ ခြေလက်ဖြင့် စမ်းကာလေ့လာရှာ ဖွေခဲ့ရကြောင်း တစ်ကြိမ်တွင် ရေငုပ်သမားတစ်ဦးက စီဘီသင်္ဘောပျက်နှင့် သင်္ဘောပျက်ပုံဘေးတွင် မြေဝါကျောက် စရစ်များအုပ်ကာ လုံနေသောအရာ တစ်ခုကိုစမ်းမိခဲ့ပြီး ကျန်ရေငုပ်သမားများလည်း စမ်းမိကာကိုင်တွယ်စရာမရှိ၍ စီဘီသင်္ဘောပျက် အတွင်းကျသွားပါက ပြန်ထွက်ရန် မလွယ်ကူသည့်အတွက် အောက်ခြေ ထိစူးစမ်းရန် အခွင့်အရေး မရခဲ့ကြောင်း၊ ထိုဂျင်းပုံသဏ္ဌာန် အစိုင်အခဲသည် အတွင်းတွင် အမာခဲတစ်ခုရှိနေနိုင်ပြီး ရေငုပ်ပစ္စည်းအခက်အခဲ၊ ရေအောက်တွင် ကြုံတွေ့ရသော အခက်အခဲတို့အပြင် ငွေကြေးအခက်အခဲတို့ကြောင့် သုံးပတ်ဖြင့် ရပ်နားခဲ့ရခြင်းဖြစ်ကြောင်း ပြောကြားသည်။

''ခေါင်းလောင်းကြီးကျသွားတာက နှစ်ပေါင်း ၄ဝဝ ကျော်လာတာရယ်၊ သံပါဝင်တဲ့အတွက် ဓာတ်ပြုသွားနိုင်တာရယ်၊ မြစ်ကြောင်းပြောင်းလဲမှု တွေကြောင့် ဘယ်နေရာမှာရှိနိုင်မလဲ ဆိုတာ ခန့်မှန်းရခက်ပါတယ်။ ကျွန်တော်တို့ပထမဆုံး ဆယ်ပြီးတဲ့နောက်မှာ ဒီနှစ်ဆန်းပိုင်းကျိုက်ထီးဆောင်းဆရာတော်ကြီးအပါအဝင် ၁၂ ဖွဲ့ ရှိသွားပြီ။ ဘယ်သူမှ ဆယ်ယူနိုင်ခဲ့တယ်လို့ မကြားမိခဲ့ဘူး၊ ကျွန်တော်တို့ ဆယ်စဉ်က ငွေကြေးမတတ်နိုင်လို့ ရပ်သွားခဲ့တာ ဆယ်ပြီးတဲ့အဖွဲ့တွေက ဘာကြောင့်ရပ်သွားတယ်ဆိုတာ မပြောခဲ့ဘူး၊ မရှင်းပြခဲ့ဘူး။ ငွေကြေး တောင့်တင်းတဲ့ ပုဂ္ဂိုလ်တွေလည်း ဆယ်ခဲ့တာပါပဲ။ အခု သြဂုတ် ၁ဝ ရက်က စဆယ်တဲ့ ဦးစံလင်းတို့ကို ကြိုဆိုဝမ်းသာပါတယ်။ ဆယ်ယူရရှိခဲ့ရင် နိုင်ငံတော်အတွက် ဂုဏ်ယူစရာ ဖြစ်သလို သမိုင်းအထောက်အထား အတွက် ကမ္ဘာမှာ ဝင့်ကြွားစရာဖြစ် လာမှာပါ။ ခေါင်းလောင်းကြီး ကို ဆယ်ယူပြီးရင် ရွှေတိဂုံစေတီတော်မှာပဲ လှူဒါန်းမယ်ဆိုတဲ့ ရည်ရွယ်ချက်ကြောင့် ကျွန်တော်တို့ဆယ်ယူစဉ်ကလို နိုင်ငံတော်ကို လှူမယ်ဆိုတဲ့ ရည်ရွယ် ချက်ထားရှိချက်တူတဲ့အတွက် အောင်မြင်စေချင်ပါတယ်'' ဟုဆက်လက် ပြောကြားသည်။

၁၉၈၇ မှ ၁၉၉၇ ခုနှစ်အထိ အမေရိကန်နုိုင်ငံသား ဂျင်ဘလန်က (၄)ကြိမ်တိုင် ဓမ္မစေတီခေါင်းလောင်းကြီးကို ရှာဖွေခဲ့ပြီး ဒေါပုံမြစ်နှင့် ရန်ကုန်မြစ်ဝဆုံရာ မြောက်လတ္တီတွဒ် ၁၆ ဒီဂရီ ၄၆ မိနစ်နှင့် အရှေ့လောင် ဂျီတွဒ် ၉၆ ဒီဂရီ ၁၃ မိနစ်တွင် ရှိနိုင် သည်ဟုယူဆခဲ့ကြောင်း၊ ကမ္ဘာပေါ်တွင် အကြီးဆုံးခေါင်းလောင်းကြီးမှာ ရုရှားနိုင်ငံမော်စကိုမြို့ရှိ ဇာကိုလိုကော ခေါင်းလောင်းကြီးဖြစ်ပြီး တန်ချိန် ၂ဝဝ ကျော်ရှိ၍ အေဒီ-၁၈၅၃ တွင်သွန်း လုပ်ခဲ့ကြောင်း၊ ဒုတိယအကြီးဆုံး ခေါင်းလောင်းကြီးမှာ မော်စကိုမြို့တွင်ရှိ၍တန်ချိန် ၁၂၈ တန်ရှိပြီး တတိယခေါင်းလောင်းကြီးမှာ မင်းကွန်းရှိ ၈၉ တန်ရှိသော အေဒီ-၁၈ဝ၈ တွင် ဘိုးတော်ဘုရားသွန်း လုပ်ပူဇော်ခဲ့သော မင်းကွန်းခေါင်းလောင်းကြီးဖြစ်ကြောင်း သိရသည်။

ရေအောက်မှဆယ်ယူနေသော ဓမ္မစေတီခေါင်းလောင်းကြီးသည် တန်ချိန် ၃ဝဝ ဟုဆိုထားသောကြောင့် ရထားခေါင်းတွဲတစ်ခုလျှင်တန် ၃ဝ ဆိုပါက ခေါင်းတွဲ ၁ဝ တွဲနှင့် ညီမျှ သော အလေးချိန်ရှိ၍ ကမ္ဘာတွင်အကြီးဆုံး ခေါင်းလောင်းကြီးအဖြစ် မှတ်တမ်းဝင်သွားမည် ဖြစ်သည်။

Wednesday, August 06, 2014

တူးဖော်ဆဲ တမုတ်မြို့ဟောင်းမှ ယဉ်ကျေးမှုအမွေအနှစ်များ ယူနက်စကို စာရင်းဝင်နိုင်မည့် အချက်နှင့်ပြည့်စုံနေ

ပန်းလောင်မြစ် ၏ အရှေ့ဘက် ကြောင်ပန်းကုန်း ကျေးရွာအနီး တွင် တည်ရှိခဲ့သော တမုတ်မြို့ဟောင်း ကို ကျေးရွာ ဂေါပက များနှင့် သမိုင်း ပညာရှင်များ တူးဖော်လျက် ရှိရာ အဆိုပါ မြို့ဟောင်းရှိ ယဉ်ကျေးမှု အမွေအနှစ် တို့သည် ယူနက်စကို ၏ စာရင်းဝင် နိုင်သည့် အချက်များ နှင့် ပြည့်စုံလျက် ရှိသည်ဟု သမိုင်း ပညာရှင် ဦးဝင်းမောင် ( တမ္ပ၀တီ ) က ပြောကြား ခဲ့သည်။

မြင်းခွာ ပုံသဏ္ဍာန် ရှိသော အုတ်မြို့ရိုး များပါဝင်သည့် တမုတ်မြို့ ရှိ တမုတ်ရှင်ပင် ရွှေဂူကြီး စေတီတော် သည် ပုဂံ ခေတ်ဦးပိုင်းက တည်ထား ပူဇော်ခဲ့ပြီး နှစ် ပရိစ္ဆေဒ ကြာပြီဖြစ်၍ ပျက်စီးယိုယွင်း မှုကို ထိန်းသိမ်း ပူဇော်သည့် အနေဖြင့် မြစ်တော် နရပတိ စည်သူမင်းကြီး က မူလ စေတီတော်ပုံ အထွတ်တင် တစ်ထပ်ဂူ ဘုရားငယ်ကို ကွန်းတောင်ပေါက် နှစ်ထပ်ဂူ ဘုရားအဖြစ် ပြောင်းလဲ ပြုပြင် လိုက်သည့် အတွက် ရှေးဟောင်း လက်ရာများမှာ ပုံစံမပျက် တွေ့မြင် နိုင်ကြောင်း သိရသည်။

တမုတ်မြို့ဟောင်း သည် ပုဂံခေတ် အေဒီ (၁၁) ရာစုမှ ပင်းယခေတ် အေဒီ(၁၄) ရာစုအတွင်း ရှေးမင်းများ အဆင့်ဆင့် ပြုပြင် ထိန်းသိမ်း ခဲ့သဖြင့် ရှေးမူလ လက်ရာများ အတိုင်း တစ်နေရာ တည်းတွင် တွေ့မြင် နိုင်ကြောင်း သိရသည်။ ကမ္ဘာ့ ယဉ်ကျေးမှု အမွေအနှစ် ယူနက်စကို စာရင်း ဝင်နိုင် ရန်လည်း အထောက်အထား များ ကောင်းမွန်စွာ ရှိနေ သေးကြောင်း သိရသည်။

ပုဂံနှင့် အလွန် ဝေးကွာသော အရပ်တွင် ရှိသော်လည်း ပုဂံလက်ရာ စစ်စစ်များ ဖြစ်သည်ဟု မှတ်တမ်းတင် နိုင်ခြင်း၊ ပုဂံမှာရှိသည့် လက်ရာများတွင် အင်္ဂတေ ပန်းလက်ရာများ ၄ဝ ရာခိုင်နှုန်းခန့် ရှိသော်လည်း တမုတ်ဂူ ဘုရားမှာ အင်္ဂတေပန်း လက်ရာ ၇ဝ ရာခိုင်နှုန်း ခန့် ကျန်ရှိသည့် အတွက် နှစ်ပေါင်း ၈ဝဝ ခန့်က လက်ရာများကို တွေ့မြင် နိုင်ခြင်း၊ ပြုပြင် ထိန်းသိမ်းမှု မှာလည်း ဘာသာရေး ရှုတောင့်တွင် ယဉ်ကျေးမှု အမြင်ဖြင့် ပြုပြင်ထားခြင်း၊ ၅၅ဝ ဇာတ်တော် များကို ပုဂံတွင် စဥ့်ကွင်းဖြင့် ပြုလုပ် ခဲ့သော်လည်း တမုတ်ဂူ ဘုရားမှာ အင်္ဂတေ ပန်းတော့ လက်ရာ ဖြစ်ကာ ဇာတ် သရုပ်ဖော်သည့် ပုဂံခေတ် အင်္ဂတေ လက်ရာများ ဖြစ်နေခြင်း တို့သည် ယူနက်စကို စာရင်း ဝင်နိုင်သည့် အထောက် အထားများ ဖြစ်ကြောင်း သမိုင်းပညာရှင် တစ်ဦးက ပြောပြသည်။

''ထိုင်းနိုင်ငံမှာ ယူနက်စကို ဝင်သွားတဲ့ ယဉ်ကျေးမှု အမွေအနှစ် တချို့ ဒီမှာရှိတဲ့ အနေအထား တောင် မရှိဘူး။ သက်တမ်း ကတော့ မတိမ်းမယိမ်း လောက်ရှိတယ်။ ဒါကြောင့် မျှော်လင့်မယ် ဆိုရင်တော့ မျှော်လင့် နိုင်တယ် .. '' ဟု ၄င်းက ဆက်လက် ပြောပြသည်။

တမုတ်မြို့ဟောင်း တွင် တမုတ်ဂူ ဘုရားကြီး၊ ပျူခေတ်သုံး ရေတွင်း၊ ပျူအရိုးအိုးများ၊ အရိုးအိုး မြှုပ်နှံရာ နေရာများ၊ အသုံးအဆောင် ပစ္စည်းများနှင့် မြို့၏ ပုံသဏ္ဌာန်ကို ထင်ရှားစွာ တွေ့မြင် လာရပြီ ဖြစ်ကာ မြို့ဧရိယာ အတိုင်း ဆက်လက် တူးဖော် သွားမည် ဖြစ်ကြောင်း သိရသည်။

တမုတ်မြို့ဟောင်း သည် လွန်ခဲ့သော နှစ်ပေါင်း ၈ဝဝ ခန့်မှ အဆောက်အအုံ များကို မြေအောက် ငါးပေခွဲခန့်တွင် မြင်ရပြီး မြေအနက် ခြောက်ပေခန့်တွင် လွန်ခဲ့သော နှစ်ပေါင်း ၁ဝဝဝ ခန့် ပျူလူမျိုး များ၏ အသုံးအဆောင် များ၊ အဆောက်အအုံ လက်ရာများကို တွေ့မြင်ရ ကြောင်း သိရသည်။

ရှေးလက်ရာများ အပျက်အစီး နည်းပါးစွာဖြင့် ဧရိယာ ကျယ်ပြန့်စွာ ထင်ထင်ရှားရှား တွေ့မြင် ရသဖြင့် နိုင်ငံတကာ ခရီးသည်များ အထူး စိတ်ဝင်စားသော နေရာတစ်ခု ဖြစ်လာကြောင်း သိရသည်။ တူးဖော်ရေး လုပ်ငန်းကို ဂေါပကအဖွဲ့ နှင့် သမိုင်း ပညာရှင်များ ဦးဆောင်၍ ဆောင်ရွက်လျက် ရှိပြီး လာရောက် လေ့လာသူများ အဆင်ပြေရေး အတွက် အကန့်များ ခွဲ၍ တူးဖော်လျက် ရှိကြောင်း သိရသည်။(၃၃၁)

Source : Yadanarpondaily