ဒီတစ်ပါတ် Sunday မှာ ရန်ကုန် ကနေ သန်လျင် - ကျောက်တန်းဘက်ကို စက်ဘီးစီးဖြစ်ခဲ့ပါတယ်။ မနက်စောစော အိမ်ကထွက်လာတုန်းကတော့ Solo ပဲစီးဖြစ်တာပါ။ ဟိုးအရင်တစ်ခေါက်တုန်းကတော့ သန်လျင်ကို အမှတ်(၂)တံတားဘက်ကစီးခဲ့ဖူးတော့ ဒီတစ်ခေါက်မှာ တခြားလမ်းကနေစီးမယ်ဆိုပြီး ပန်းဆိုးတန်းဆိပ်ကမ်းကို စက်ဘီးစီးသွားကာ Yangon Innovation Center မှာ သန်လျင်တဘက်ကမ်းက Star City ကိုသွားတဲ့ Star Ferry လက်မှတ် ဖြတ်လိုက်ပါတယ်။ လက်မှတ်ခကတော့ 3000 ကျပ်ပါ။ အချိန်စောနေသေးလို့ Breakfast ထွက်စားပြီး Yangon Innovation Center ကိုပြန်ရောက်တဲ့အခါမှာ ကိုယ့်လိုပဲ စက်ဘီးစီးအဖွဲ့တချို့လည်း ဘုတ်စီးဖို့စောင့်နေကြပါပြီ။
Ferry ဘုတ်ပေါ် မှာ စက်ဘီးတွေတင်ပြီးတာနဲ့ နံနက် ၇ နာရီမှာ ပန်းဆိုးတန်းဆိပ်ကမ်းက စထွက်ပါတယ်။ Star Ferry တစ်စီးလုံးမှာလည်း စက်ဘီးသမားတွေချည်းပဲ လိုက်ပါလာပါတယ်။ ရေတက်ရေကျအချိန်ပေါ်မူတည်ပြီး ဆိပ်ကမ်းကထွက်ချိန် တစ်ရက်နှင့်တစ်ရက်သတ်ပြောင်းလဲ သတ်မှတ်ထားပါတယ်။ ဒီလိုနဲ့ ရန်ကုန်မြစ်လယ်ကို ရောက်လာတဲ့အခါ မြစ်ပြင်ကျယ်ကြီးပေါ်က ဖြတ်တိုက်လာတဲ့ လတ်ဆတ်တဲ့လေကိုခံစားရင်း ဘုတ်စီးရတာ တကယ့်ကိုပဲ လန်းဆန်းသွားစေပါတယ်။
သူတို့နဲ့အတူ ဆက်လိုက်ချင်ပေမယ့် သန်လျင်မှာ အစ်ကိုဝမ်းကွဲတွေ မိတ်ဆွေတွေဆီ ဝင်တွေ့ချင်သေးလို့ သူတို့နဲ့လမ်းခွဲပြီး သန်လျင်ကို တစ်ယောက်တည်းပဲ ပြန်စီးဖြစ်ခဲ့ပါတယ်။ နောက်တသ်ခေါက် အခွင့်ကြုံရင် ပီလခတ်ကို သီးသန့်သွားလေ့လာပါဦးမယ်။ နေ့လည်စာကိုတော့ သန်လျင်ပြန်ရောက်မှ မြို့မဈေးနားက ဆိုင်တစ်ဆိုင်မှာ စားလိုက်ပါတယ်။ ပြီးနောက်အစ်ကိုဝမ်းကွဲအိမ်မှာ ခဏအနားယူပြီး ကျောက်တန်းက ပြန်လာတဲ့ စက်ဘီးအဖွဲ့နဲ့ ပြန် Join ပြီး ညနေ 5:00 ထွက်တဲ့ Star Ferry နဲ့ပန်းဆိုးတန်းဆိပ်ကမ်းကို ပြန်လာခဲ့ကြပါတယ်။ ညနေအပြန်မှာတော့ ရန်ကုန်မြစ်ထဲမှာ မိမိတို့စီးလာတဲ့ဘုတ်နောက်ကို ဇင်ယော်ငှက်လေးတချို့ ဝဲပျံပြီးလိုက်ပါလာပါသေးတယ်။ ဇင်ယော်ငှက်တွေပျံဝဲနေတဲ့ ညနေခင်း ရန်ကုန်မြစ်ပြင်ရဲ့အလှဟာလည်း စိတ်ကြည်နူးစရာပါ။ 5:25 မိနစ်မှာ ပန်းဆိုးတန်းဆိပ်ကမ်းကို ပြန်ရောက်ပါတယ်။ အဲဒီကနေပဲ စက်ဘီးအုပ်စုကို နှုတ်ဆက်ပြီး မိမိတစ်ဦးတည်းပြန်စီးလာခဲ့ပါတယ်။
လင်းမောင်မောင်
No comments:
Post a Comment
Thank you for your comment on my blog, Anythig you can suggesting and discuss to me.