Oita မြို့က Yokozuka Tenmangu ဘုရားကျောင်း ကိုသွားရောက်ဖြစ်ခဲ့ပါတယ်။ ဘုရားကျောင်းတည်နေရာက အေးချမ်းငြိမ်သက်သည့် ပတ်ဝန်းကျင်မှာ တည်ရှိပြီး၊ အနီးအနားမှာ တောတောင်နှင့် သစ်ပင်များဖြင့် တိတ်ဆိတ်အေးချမ်းလှပါတယ်။ ဒီဘုရားကျောင်းမှာကိုးကွယ်သည့် နတ်ဘုရားက Sugawara no Michizane ဖြစ်ပြီး ပညာရေး၊ စာပေ၊ အနုပညာနှင့် ရိုးဖြောင့်ခြင်းတို့၏ နတ်ဘုရား ဖြစ်ပါတယ်။
ဒီဘုရားကျောင်းက Oita ဒေသတွင်း သက်တမ်းရင့် Tenmangu ရှေးဘုရားကျောင်းတစ်ခုဖြစ်ပါတယ်။ တိကျသော တည်ထောင်သည့်ခုနှစ်ကို မှတ်တမ်းမရှိပေမယ့် ဒေသအစဉ်အလာအရ Heian ခေတ် (794 - 1185) ကတည်းက တည်ရှိခဲ့တယ်လို့ယူဆကြပြီး ၁၈၇၃ ခုနှစ်တွင် ရွာဘုရားကျောင်း ဖြစ်လာခဲ့တယ်လို့ ဆိုပါတယ်။
