ဂျပန်နိုင်ငံ၊ အိုအီတာစီရင်စု (Oita Prefecture) ကိုဒုတိယအကြိမ် ရောက်ခဲ့ရာမှာ စိတ်ဝင်စားဖွယ် ရှေးဟောင်းအမွေအနှစ် သမိုင်းဝင်နေရာတစ်ခု ဖြစ်သည့် Kamezuka Kofun (亀塚古墳) ဂူသင်္ချိုင်းနှင့် ပြတိုက်ရှိရာကို သွားရောက် လေ့ဖြစ်ခဲ့ပါတယ်။ တောင်ကုန်းပေါ်ရှိ တိတ်ဆိပ်ငြိမ်သက်နေသည့် တောအုပ်လေးအတွင်းမှာ တည်ရှိနေပြီး ပထမဆုံးဝင်ပေါက်မှာ ပြတိုက်တခုကိုတည်ဆောက်ထားပါတယ်။ ပြတိုက်ဘေးလမ်းလေးအတိုင်းလျှောက်လာရင်း မြင်လိုက်ရသည့်အခါ သာမန်မြက်ခင်းကုန်းတစ်ခုလို ထင်ရသော်လည်း၊ ထိုမြေကုန်းအောက်တွင် နှစ်ပေါင်း ၁,၆၀၀ ကျော် သက်တမ်းရှိ ရှေးခေတ်ဂျပန်၏ အင်အားကြီးခေါင်းဆောင်တစ်ဦး၏ သမိုင်းဝင် ဂူသင်္ချိုင်းတစ်ခု တည်ရှိနေပါတယ်။
