ကမ္ဘာလှည့်ခရီးသွားလှေ တိမ်းမှောက်မှု လူ၂၁ယောက်သေဆုံး

အိန္ဒိယ နိုင်ငံရဲ့ ကပ္ပလီ ကျွန်းစုနဲ့ နီကိုဘာ ကျွန်းတွေနားမှာ Aqua Marine ဆိုတဲ့ ကမ္ဘာလှည့် ခရီးသွားတွေ လိုက်ပါလာတဲ့ လှေတစင်း တိမ်းမှောက်သွားတာကြောင့် အနည်းဆုံး လူနှစ်ဆယ့် တစ်ယောက် သေဆုံးသွားပါတယ်။

ကျွန်းတွေရဲ့ မြို့တော်ဖြစ်တဲ့ Port Blair မြို့ ကမ်းရိုးတမ်း အလွန်မှာ လူ၄၅ယောက် တင်ဆောင်လာတဲ့ အဲဒီလှေ နစ်မြုပ်သွားခဲ့တာ ဖြစ်ပြီး လတ်တလော ၁၃ယောက်ကို ကယ်တင်နိုင်ခဲ့ပေမယ့် တချို့တော့ ပျောက်ဆုံး နေစဲဘဲလို့ အရာရှိတွေက ပြောပါတယ်။

လှေပေါ်ပါ ကမ္ဘာလှည့် ခရီးသွား အများစုဟာ အိန္ဒိယ နိုင်ငံ မွန်ဘိုင်းမြို့နဲ့ နိုင်ငံတောင်ပိုင်း တမီးလ် နာဒူ က လာကြတာလို့ ယူဆရပါတယ်။

Aqua Marine လှေဟာ တိမ်းမှောက်သွားချိန်မှာ သတ်မှတ်ချက်ထက် လူအများအပြား တင်ဆောင်ထားတယ်လို့ သတင်းရရှိပါတယ်။

Source : BBC Burmese

မော်လမြိုင်လေဆိပ်အား ပြည်တွင်းပုဂ္ဂလိကလုပ်ငန်းရှင်များ ငှားရမ်းလုပ်ကိုင်ခွင့်ပြုတော့မည်

မွန်ပြည်နယ်ရှိ မော်လမြိုင်လေဆိပ်ကို အဆင့်မြှင့်တင်ရန်အတွက် ပြည်တွင်းပုဂ္ဂလိကလုပ်ငန်းရှင်များအား ငှားရမ်းအသုံးပြုခွင့် တင်ဒါပေးရေးလုပ်ငန်း ညှိနှိုင်းဆောင်ရွက်ရန် ပို့ဆောင်ရေးဝန်ကြီးဌာန ဒုဝန်ကြီး ဦးဇင်ယော်သည် ဇန်န၀ါရီ ၁၆ရက်က မွန်ပြည်နယ်အစိုးရအဖွဲ့ရုံးတွင် မွန်ပြည်နယ်ဝန်ကြီးချုပ် ဦးအုန်းမြင့်၊ ဗမာတိုင်းရင်းသားရေးရာ ၀န်ကြီး ဦးသက်ဝင်း၊ အစိုးရအဖွဲ့ရုံးအတွင်းရေးမှူး ဦးဇော်လင်းထွန်းတို့နှင့် တွေ့ဆုံခဲ့သည်။ တွေ့ဆုံပွဲတွင် ဒုတိယ၀န်ကြီး ဦးဇင်ယော်က မော်လမြိုင် လေဆိပ်ကို ပြည်တွင်းလုပ်ငန်းရှင်များအား ငှားရမ်းလုပ်ကိုင်ရန် တင်ဒါခေါ်ယူပြီး ပြည်တွင်းပုဂ္ဂလိက ကုမ္ပဏီ များအား လုပ်ကိုင်ခွင့်ပြုတော့မည်ဖြစ်ကြောင်း၊ လေဆိပ်အဆင့်မြှင့်တင်ရန်အတွက် အပန်းဖြေအနားယူ စခန်း၊ စားသောက်ဆိုင်၊ စတိုးဆိုင်များနှင့် နိုင်ငံခြားငွေလွှဲကောင်တာများ ထားရှိသွားမည် ဖြစ်ကြောင်း၊ မွန်ပြည်နယ်အစိုးရအဖွဲ့နှင့် ညှိနှိုင်းဆောင်ရွက်လုပ်ကိုင်ပြီး တင်ဒါပိတ်ရက်ကို ဇန်န၀ါရီ ၃၁ရက် သတ်မှတ်ထားကြောင်း ပြောကြားသည်။ ထို့ပြင် ဒုဝန်ကြီးက ပြည်တွင်း ရေကြောင်းပို့ဆောင်ရေးနှင့် ပတ်သက်၍ မော်လမြိုင်ရှိ ဆိပ်ကမ်းများသည် ယခင်က နိုင်ငံခြားသင်္ဘောကြီးများ အချိန်မရွေး ဆိုက်ကပ် နိုင်သော်လည်း ယခုအခါ ဆိုက်ကပ်၍ မရတော့ကြောင်း၊ နိုင်ငံခြားသင်္ဘောကြီးများ ပြန်လည် ဆိုက်ကပ်နိုင်ရန် အတွက် ဆိပ်ကမ်းများကို ပြည်နယ်အစိုးရအဖွဲ့သို့ လွဲပြောင်း ဆောင်ရွက်သွားမည်ဖြစ်ကြောင်း ယနေ့ထုတ် ကြေးမှုံသတင်းစာတွင် ဖော်ပြ ပါရှိပါသည်။

အောင်နေမင်း

ထိုင်း-မြန်မာ ဗီဇာကင်းလွတ်ခွင့်ရရန် တချက်တည်း ကွဲလွဲ

သာမန် မြန်မာနိုင်ငံကူး လက်မှတ်ကိုင်ဆောင်ထားသူတွေ ဗီဇာလျှောက်ထား စရာမလိုဘဲ ထိုင်းနိုင်ငံကို သွားရောက်နိုင်ဖို့ နှစ်နိုင်ငံ သဘောကွဲလွဲမှု တချက်ပဲ ရှိနေတယ်လို့ မြန်မာ နိုင်ငံခြားရေးဌာန အဆင့်မြင့်အရာရှိကြီးတဦးက ပြောပါတယ်။

ထိုင်းနိုင်ငံဘက်က ထိုင်းနိုင်ငံဘက်ရှိ အပြည်ပြည်ဆိုင်ရာ လေဆိပ်တွေကတဆင့် လာရောက် လည်ပတ်မယ့် မြန်မာနိုင်ငံသားတွေကို ဗီဇာလျှောက်ထားစရာမလိုဘဲ ခွင့်ပြုမယ်လို့ သဘောတူညီထားပြီးပေမယ့် မြန်မာဘက်ကတော့ အဲဒီလေဆိပ်တွေအပြင် နယ်စပ် ၀င်ပေါက်တွေကနေပါ ဗီဇာမလိုဘဲ ခွင့်ပြုဖို့ တောင်းဆိုထားတာ ဖြစ်ပါတယ်။

အခု ၂၀၁၄ ခုနှစ်ထဲ ထိုင်းနဲ့ မြန်မာ ဗီဇာ မလိုဘဲ သွားရောက်လည်ပတ်နိုင်ဖို့ နှစ်နိုင်ငံသဘောတူ လက်မှတ်ရေးထိုးနိုင်မလားလို့ မေးကြည့်တော့ မြန်မာနိုင်ငံခြားရေးဝန်ကြီးဌာန၊ ကောင်စစ်ရေးရာ ဌာန ဒုတိယညွှန်ကြားရေးမှူးချုပ် ဦးစိန်ဦးက အခုလိုပြောပါတယ်။

“တခုတော့ ရှိတယ်။ ကျနော်တို့က လိုက်လျောဖို့ လိုတာပေါ့။ အဲဒီကနေသွားတဲ့ တရားဝင်ပတ်စ်ပို့တွေကို နယ်စပ်ပေါက်တွေကနေ ဗီဇာ တိုးဖို့မလိုဘဲနဲ့ သူတို့အဆိုပြုချက်အတိုင်း လေယာဉ်နဲ့ သွားမယ်ဆိုတာကို ကျနော်တို့က သဘောတူလိုက်ရင် လက်မှတ်ထိုးဖြစ်မှာပါခင်ဗျ။ ကုန်းလမ်းက ၀င်တာကိုပါ ကျနော်တို့က တောင်းဆိုထားတယ်။ သူတို့ ကုန်းလမ်းကိုတော့ ခွင့်မပြုဘူး။ အဲဒီဟာလေး အဆင်ပြေရင် ထိုးဖြစ်မှာပါခင်ဗျ။”

မြန်မာနိုင်ငံခရီးသွား လုပ်ငန်းရှင်များအသင်းက အတွင်းရေးမှူး ဦးနောင်နောင်းဟန်ကတော့ ထိုင်းခရီးသွားတွေ မြန်မာပြည် လာလည်ကြတာများနေတဲ့ အချိန်ဖြစ်လို့ လေဆိပ်က ဗီဇာမလိုဘဲ လာရောက်လည်ပတ်ခွင့်ပြုဖို့ ကောင်းပြီလို့ ပြောပါတယ်။

“ဘယ်လို အတားအဆီးတွေ ရှိသေးလို့ ခွင့်မပြုသလဲဆိုတာ ကျနော်နားမလည်ဘူး။ ဒီလိုမျိုး လေဆိပ်ကနေ ၀င်လာတာကို သူတို့ နိုင်ငံကလည်း ခွင့်ပြုမယ်လို့ ပြောတဲ့အတွက် အမြန်ဆုံး ခွင့်ပြုသင့်နေပြီလို့ ကျနော်ထင်တယ်။ အခြားက နယ်စပ်ကနေ၀င်ရင် ဗီဇာကြေးတွေ ကောက်ခံဖို့ အခက်အခဲ ရှိနေတယ်လို့ ကျနော်တို့ သိထားတယ်။ ဒါပေမယ့် အခုဟာက ဗီဇာမလိုပဲနဲ့ ၀င်လို့ရမယ်ဆိုတော့ အဲဒီကိစ္စတွေလည်း မရှိတော့ဘူး။ အတားအဆီးကတော့ ရှိပါဘူး။ ခွင့်ပြုပေးမယ်ဆိုရင် မူဝါဒပိုင်းအရပဲ နည်းနည်းပြုပြင်ဖို့လိုမယ် ထင်ပါတယ်။”

လောလောဆယ် သာမန်နိုင်ငံကူးလက်မှတ် ကိုင်ဆောင်ထားတဲ့ မြန်မာနိုင်ငံသားတွေ ဗီဇာမလိုဘဲ ၁၄ ရက်တိုင် သွားရောက်လည်ပတ်နိုင်တဲ့ နိုင်ငံတွေကတော့ ဒေသတွင်း နိုင်ငံတွေဖြစ်တဲ့ ကမ္ဘောဒီးယား၊ လာအို၊ ဖိလစ်ပိုင်နဲ့ ဗီယက်နမ်နိုင်ငံတို့ ဖြစ်ပါတယ်။ ဒီ လေးနိုင်ငံကိုလည်း လေဆိပ်တွေကတဆင့် သွားရောက်လည်ပတ်မှ ဗီဇာ မလိုတာ ဖြစ်ပါတယ်။

မြန်မာနိုင်ငံအနေနဲ့ ဒေသတွင်းနိုင်ငံတွေ အားလုံးကို ဗီဇာ မလိုဘဲ သွားရောက်လည်ပတ်နိုင်ဖို့ ကမ်းလှမ်းထားပြီး တချို့နိုင်ငံတွေကတော့ အခုထိ အကြောင်းမပြန်ကြသေးဘူးလို့ သိရပါတယ်။

မြန်မာအစိုးရအနေနဲ့တော့ ဆက်လက် ကမ်းလှမ်းပြီး ညှိနှိုင်း ဆောင်ရွက်သွားမှာ ဖြစ်ပါတယ်။

သံတမန်နိုင်ငံကူးလက်မှတ် ကိုင်ဆောင်ထားသူတွေနဲ့ ၀န်ထမ်းနိုင်ငံကူးလက်မှတ် ကိုင်ဆောင်ထားသူတွေကတော့ ဒေသတွင်းနိုင်ငံအားလုံးကို ဗီဇာလျှောက်စရာမလိုဘဲ သွားလာနိုင်နေကြပြီဖြစ်ပြီး သာမန်နိုင်ငံကူးလက်မှတ် ကိုင်ဆောင်သူတွေပဲ ဗီဇာကင်းလွတ်ခွင့် မရကြသေးတာ ဖြစ်ပါတယ်။

By ရွှေအောင် (ဒီဗွီဘီ)

မြန်မာနိုင်ငံသားတွေအတွက် ဂျပန်နိုင်ငံကို အကြိမ်ကြိမ်ဝင်ထွက်ခွင့်ဗီဇာ စတင်ထုတ်ပေး

မြန်မာနိုင်ငံသားတွေ ဂျပန်နိုင်ငံကို အကြိမ်ကြိမ် ၀င်ထွက်သွားလာနိုင်တဲ့ multiple-entry ဗီဇာကို ဒီကနေ့ စတင် ထုတ်ပေးနေပြီဖြစ်ကြောင်း ဂျပန်နိုင်ငံခြားရေးဝန်ကြီးဌာနက ကြေညာပါတယ်။

မြန်မာနိုင်ငံသားတွေ ဂျပန်နိုင်ငံကို ပိုမိုလာရောက်နိုင်အောင်နဲ့ ဂျပန်-မြန်မာ သံတမန်ဆက်ဆံရေး နှစ် ၆၀ ပြည့်မြောက်မှု အထိမ်းအမှတ်အဖြစ် နှစ်နိုင်ငံဆက်ဆံရေး ချဲ့ထွင်နိုင်အောင် ဒီအစီအစဉ်ကို အကောင်အထည် ဖော်တာလို့ ဂျပန်နိုင်ငံခြားရေးဝန်ကြီးဌာနက ပြောပါတယ်။

အခုထုတ်ပေးတဲ့ အကြိမ်ကြိမ်ဝင်ထွက်နိုင်တဲ့ ဗီဇာဟာ ၃ နှစ်သက်တမ်းရှိမှာဖြစ်ပြီး မြန်မာနိုင်ငံသားတွေ အနေနဲ့ ခရီးတစ်ကြိမ်အတွင်း ဂျပန်နိုင်ငံမှာ ၁၅ ရက် နေထိုင်နိုင်မှာ ဖြစ်ပါတယ်။

မြန်မာနိုင်ငံမှာ အထူးစီးပွားရေးဇုန်တစ်ခု တည်ဆောက်ရေး၊ မီးရထားလမ်းတွေ အဆင့်မြှင့်တင်ရေးနဲ့ တခြားအခြေခံအဆောက်အဦး ဖွံ့ဖြိုးရေးစီမံကိန်းတွေအတွက် ဂျပန်အစိုးရက ယန်းငွေ ၆၃ ဘီလျံ ထုတ်ချေးမယ်လို့ ၀န်ကြီးချုပ် ရှင်ဇိုအာဘေးက သမ္မတဦးသိန်းစိန်နဲ့ ပြီးခဲ့တဲ့ ဒီဇင်ဘာလအတွင်း တိုကျိုမြို့မှာ တွေ့ဆုံစဉ် ကတိပြုပြောကြားထားပါတယ်။

ဒါ့ပြင် မြန်မာနိုင်ငံမှာ ဂျပန်နိုင်ငံရဲ့ စီးပွားရေးရင်းနှီးမြှုပ်နှံမှု တိုးမြှင့်ရေးအတွက်လည်း နှစ်နိုင်ငံအစိုးရတွေ အကြား သဘောတူစာချုပ်တစ်ခု လက်မှတ်ရေးထိုးထားပါတယ်။

Source : RFA Burmese

ဂျပန်နိုင်ငံအပါအဝင် အာဆီယံနိုင်ငံများကို ဗီဇာ ကင်းလွတ်ခွင့်ဖြင့် သွားလာနိုင်တော့မည်

ရန်ကုန် ၊ ဇန်နဝါရီ ၁၃ ။ ။ သာမန် နိုင်ငံကူးလက်မှတ်ကိုင်ဆောင် ထားသည့် မြန်မာနိုင်ငံသားများ အနေဖြင့် ဂျပန်နိုင်ငံအပါအဝင် အာဆီယံဒေသတွင်းနိုင်ငံများ ကို ဗီဇာကင်းလွတ်ခွင့်ဖြင့် သွား လာနိုင်တော့မည်ဖြစ်ကြောင်း သိရသည်။ လက်ရှိ တွင် မြန်မာနိုင်ငံအနေဖြင့် ဒေသတွင်းနိုင်ငံများဖြစ် သည့် ကမ္ဘောဒီးယား၊ လာအို၊ ဖိ လစ်ပိုင်၊ ဗီယက်နမ်နိုင်ငံတို့နှင့် သာမန်နိုင်ငံကူးလက်မှတ်(အနီ) ကိုင်ဆောင်သူတိုင်း ဗီဇာလျှောက် ထားရန်မလိုအပ်ဘဲ သွားလာနိုင် ပြီဖြစ်သော်လည်း ကျန်ရှိ သည့် နိုင်ငံများကိုပါ ယင်းကဲ့သို့သွား လာနိုင်ရန် နိုင်ငံခြားရေးဝန်ကြီး ဌာနကစီစဉ်နေပြီဖြစ်ကြောင်း သိရသည်။

နိုင်ငံခြားရေးဝန်ကြီးဌာန ကောင်စစ်ရေးရာနှင့် အပြည် ပြည်ဆိုင်ရာဥပဒေစာချုပ်များ ဦးစီးဌာနမှ တာဝန်ရှိသူတစ်ဦးက “အာဆီယံနိုင်ငံတွေနဲ့ကတော့ နှစ်နိုင်ငံဗီဇာမလိုဘဲသွားနိုင် အောင် စီစဉ်ဆောင်ရွက် နေပါ တယ်။ တချို့နိုင်ငံတွေနဲ့ဆိုရင် လက်မှတ်ထိုးဖို့ အဆင့်ပဲလိုတော့တယ်။ ဒီနှစ်အတွင်းမှာတော့ ဒေသတွင်းနိုင်ငံတွေအားလုံးကို ဗီဇာမလိုဘဲ သွားနိုင်အောင်စီ စဉ်ဆောင်ရွက်နေပါတယ်””ဟု ရန်ကုန်တိုင်းမ် နေ့စဉ်သတင်းစာသို့ ပြောသည်။

လက်ရှိတွင် မြန်မာနိုင်ငံ အနေဖြင့် ထိုင်း၊ အင်ဒိုနီးရှားနိုင်ငံတို့နှင့် နှစ်နိုင်ငံဗီဇာကင်းလွတ်ခွင့် ရှိနိုင်ရန် အတွက် လက်မှတ် ရေးထိုးရန် စီစဉ်ဆောင်ရွက် လျက်ရှိကြောင်း သိရသည်။ ယင်းကဲ့သို့အာဆီယံဒေ သတွင်းနိုင်ငံများနှင့် ဗီဇာကင်း လွတ်ခွင့် များရရှိပါက ပြည်တွင်း ခရီးသွားလုပ်ငန်းများ ပိုမိုကောင်း မွန်လာနိုင်ကြောင်း ခရီးသွားလုပ် ငန်းရှင် အသိုင်းအဝိုင်းက သုံးသပ် ပြောသည်။

မြန်မာနိုင်ငံခရီးသွားလုပ် ငန်းရှင်များအသင်း အတွင်းရေး မှူး ဦးနောင်းနောင်းဟန်က “မဖြစ်မနေ လုပ်ရမယ့်ကိစ္စပဲ။ အဲဒါ တွေလုပ်ပြီးသွားရင်တော့ ခရီးသွားလုပ်ငန်းက တိုးလာမယ်။ အရေးကြီးတာကတော့ ထိုင်းနိုင်ငံနဲ့ ဗီဇာကင်း လွတ်ခွင့်လုပ်ဖို့ပဲ။ ထိုင်းက မြန်မာကိုတအား စိတ်ဝင်စားတယ်။ ထိုင်းနဲ့နှစ်နိုင်ငံ သဘောတူညီမှုရရင်တော့ ခရီးသွားလုပ်ငန်းက အခုထက်ပိုပြီး တိုးတက်လာမယ်” ဟု ပြောသည်။

လက်ရှိ တွင် မြန်မာနိုင်ငံ ၌ ဗီဇာအမျိုးအစားလေးမျိုး ရှိပြီး နိုင်ငံပေါင်း ၅၁နိုင်ငံကို သတ်မှတ် စည်းကမ်းချက်များနှင့် ကိုက်ညီပါက ဆိုက်ရောက်ဗီဇာ ထုတ်ပေးလျက်ရှိသည်။

သန်းနိုင်ဦး
Source : Yangon Media Group