ကမ္ဘာလှည့်ခရီးသွား စီမံကိန်းသစ် မြန်မာအစိုးရကြေညာ

ဒီအရေးကြီးတဲ့ ကမ္ဘာ့စီးပွားရေး ညီလာခံကြီးမှာ မြန်မာနိုင်ငံရဲ့ ခရီးသွားလုပ်ငန်း ဖွံ့ဖြိုးတိုးတက်ရေးအတွက်နဲ့ အာဆီယံနိုင်ငံတွေကြားမှာ လွတ်လွတ်လပ်လပ် ခရီးသွားလာနိုင်တဲ့ ပြည်ဝင်ခွင့်ဗီဇာဆိုင်ရာ သဘောတူညီချက်တွေကို ချမှတ်နိုင်လိုက်ပါတယ်။ နေပြည်တော်မှာ ကိုယ်တိုင်သတင်းယူနေတဲ့ ကိုကျော်ကျော်သိန်းက ဒီအကြောင်းကို အခုလို တင်ပြပါတယ်။

မေး။                    ။ မြန်မာနိုင်ငံရဲ့ ခရီးသွားလုပ်ငန်း ဖွံ့ဖြိုးတိုးတက်ဖို့အတွက် အာရှဖွံ့ဖြိုးတိုးတက်ရေးဘဏ်၊ နောက် နော်ဝေနဲ့မြန်မာအစိုးရကြားမှာ သဘောတူညီချက် ရတယ်လို့သိရပါတယ်။ အဲ့ဒီသဘောတူညီချက်က ဘာများပါလိမ့် ကိုကျော်ကျော်သိန်း။

ဖြေ။                     ။ ဖြေ - အခုဒီမှာ ထွက်လာတဲ့ သတင်းတွေ အရကတော့ မြန်မာအစိုးရရယ်၊ အာရှဖွံ့ဖြိုးရေးဘဏ် (ADB) ရယ်၊ နော်ဝေအစိုးရရယ် ပူးပေါင်းပြီးတော့ မြန်မာနိုင်ငံအတွက် Tourism Master Plan ပေါ့လေ၊ ခရီးသွားလုပ်ငန်း ဖွံ့ဖြိုးတိုးတက်ရေးဆိုင်ရာ စီမံကိန်းကြီးပေါ့လေ။ အဲဒီစီမံကိန်းကြီးကနေပြီး ဖွံ့ဖြိုးတိုးတက်ရေး စီမံကိန်းပေါင်း ၃၈ ခုအတွက် တန်ဘိုးငွေအားဖြင့်ဆိုရင် အမေရိကန်ဒေါ်လာ သန်းပေါင်း ၅၀၀ နီးပါး ပါဝင်တဲ့ စီမံကိန်းတခုကို သူတို့ သဘောတူလိုက်ကြတယ်ဆိုပြီး သတင်းထွက်ပါတယ်။ မြန်မာနိုင်ငံရဲ့ ဟော်တယ်နဲ့ ခရီးသွားလုပ်ငန်း ၀န်ကြီးဌာန ဒုတိယ၀န်ကြီး ဦးဋ္ဌေးအောင် ကိုကိုးကားပြီး သတင်းမှာ ရေးသားထားတာကတော့ ဒီစီမံကိန်းဟာ မြန်မာနိုင်ငံကို ကမ္ဘာလှည့်ခရီးသည်တွေ ပိုပြီးတော့ ၀င်ရောက်လာဖို့အတွက် လမ်းဖွင့်ပေးလိမ့်မယ်၊ မြန်မာနိုင်ငံရဲ့ အနှိုင်းမဲ့တဲ့ သူမတူတဲ့ ယဉ်ကျေးမှုအမွေအနှစ်ကိုလည်း ထိန်းသိမ်းမယ်၊ တခါ ပတ်ဝန်းကျင်ကိုလည်း မထိခိုက်စေပဲနဲ့ ခရီးသွားလုပ်ငန်း ဖွံ့ဖြိုးတိုးတက်လာအောင် အထောက်အကူ ဖြစ်စေလိမ့်မယ် ဆိုပြီးတော့ ဟော်တယ်နဲ့ ခရီးသွားလုပ်ငန်း ၀န်ကြီးဌာန ဒုတိယ၀န်ကြီး ဦးဋ္ဌေးအောင် ကိုကိုးကားပြီးတော့ သတင်းတွေမှာ ရေးကြပါတယ်။

မေး။                    ။ ဟုတ်ကဲ့၊ မြန်မာအပါအ၀င် အာဆီယံ နိုင်ငံတချို့ကြားမှာ လွတ်လွတ်လပ်လပ် သွားလာနိုင်တဲ့ ပြည်ဝင်ခွင့်ဗီဇာနဲ့ ပတ်သက်ပြီးတော့လည်း သဘောတူညီချက် ရတယ်လို့ သိရပါတယ်။ အဲဒီအစီအစဉ်ကရော ဘယ်လိုရှိလဲ။

ဖြေ။                     ။ ဟုတ်ပါတယ်ခင်ဗျ၊ မြန်မာ၊ အင်ဒိုနီးရှား၊ ဖိလစ်ပိုင်နဲ့ ကမ္ဘောဒီးယား ၄ နိုင်ငံတို့ဟာ အာဆီယံဒေသတွင်းမှာ လွတ်လပ်စွာ သွားလာခွင့် ဗီဇာအတွက် ဒီကနေ့မှာပဲ ၂၀၁၃ ခုနှစ် အရှေ့အာရှ ကမ္ဘာ့စီးပွားရေးဖိုရမ်မှာ သဘောတူညီမှုရခဲ့တယ် ဆိုပြီးတော့ သတင်းထုတ်ပြန်ပါတယ်။ ဒီ ၄ နိုင်ငံပေါ့လေ မြန်မာ၊ အင်ဒိုနီးရှား၊ ဖိလစ်ပိုင်နဲ့ ကမ္ဘောဒီးယားနိုင်ငံတွေက ကမ္ဘာလှည့် ခရီးသွားလာရေးဆိုင်ရာ ၀န်ကြီးတွေဟာ ဒေသတွင်းမှာ လွတ်လပ်စွာသွားလာခွင့်၊ ဒီမှာရေးထားတာကတော့ Smart Visa စနစ်အတွက် ပူးပေါင်းဆောင်ရွက်ဖို့ သဘောတူညီမှုရခဲ့ပါတယ်။ မြန်မာနိုင်ငံ နေပြည်တော်မှာ ကျင်းပနေတဲ့ အရှေ့အာရှ ကမ္ဘာ့စီးပွားရေးဖိုရမ် ကျင်းပချိန်မှာ သဘောတူညီမှု စာချွန်လွှာကို လက်မှတ်ရေးထိုးတယ် ဆိုပြီးတော့ ၄ နိုင်ငံ ပူးပေါင်းပြီး ကြေညာချက် ထုတ်ပြန်ပါတယ်။ ဒီသတင်းထုတ်ပြန်ချက်ထဲမှာပဲ ခုနက ကျနော်ပြောခဲ့တဲ့ ဟော်တယ်နဲ့ ခရီးသွားလာရေး ၀န်ကြီးဌာန ပြည်ထောင်စုဝန်ကြီး ဦးဋ္ဌေးအောင် ကိုကိုးကားပြီး ရေးထားတာမှာ သဘောတူညီမှု စာချွန်လွှာကို လက်မှတ်ရေးထိုးခြင်းအားဖြင့် ခရီးသွားလာမှုဆိုင်ရာ ၀န်ကြီးတွေ၊ တာဝန်ရှိသူတွေဟာ ဒီစနစ် အကောင်အထည် ဖော်နိုင်ဖို့အတွက် အခက်အခဲတွေကို ဖြေရှင်းဖို့ အတူတူလက်တွဲ ကြိုးစားသွားကြမယ်လို့ သဘောတူခဲ့ကြတာ ဖြစ်ပါတယ်တဲ့။ သက်ဆိုင်ရာ နိုင်ငံတွေရဲ့ အစိုးရတာဝန်ရှိသူတွေ အနေနဲ့ အချင်းချင်းလက်တွဲပူးပေါင်း ဆောင်ရွက်ကြရင် ကျနော်တို့ရဲ့ ရည်ရွယ်ချက်က အောင်မြင်မှာပါ ဆိုပြီးတော့ ဟော်တယ်နဲ့ ခရီးသွားလာရေး ၀န်ကြီးဌာန ပြည်ထောင်စုဝန်ကြီး ဦးဋ္ဌေးအောင် ကိုကိုးကားပြီးတော့ ထုတ်ပြန်ချက်ထဲမှာ ဖော်ပြထားပါတယ်ခင်ဗျ။

မေး။                    ။ ကိုကျော်ကျော်သိန်းရေ၊ အပြည်ပြည်ဆိုင်ရာ လွတ်ငြိမ်းချမ်းသာခွင့် (Amnesty International) အဖွဲ့က တာဝန်ရှိသူတွေလည်း Economic Forum အစည်းအဝေးကို တက်တယ်လို့ သတင်းရထားပါတယ်။ ဆိုတော့ Amnesty International လို လူ့အခွင့်အရေး ဆောင်ရွက်တဲ့ အဖွဲ့က မြန်မာနိုင်ငံမှာ ရင်းနှီးမြုပ်နှံကြမယ့် စီးပွားရေး လုပ်ငန်းရှင်တွေကို ဘယ်လိုသတင်းစကားမျိုး ပါးပါလဲ။
ဖြေ။                     ။ AI အဖွဲ့ရဲ့ အတွင်းရေးမှူးချုပ် တဦးဖြစ်တဲ့ Mr Salil Shetty ကို သီးခြားတွေ့ဆုံမေးမြန်းခွင့် ရခဲ့ပါတယ်။ အဲဒီနေရာမှာ သူကနိုင်ငံတကာ စီးပွားရေး အသိုင်းအ၀ိုင်းပေါ့လေ။ မြန်မာနိုင်ငံမှာ ရင်းနှီးမြုပ်နှံဖို့ စိတ်ဝင်စားတဲ့ လုပ်ငန်းရှင်တွေကို AI ကပြောချင်တဲ့ သတင်းစကားကို သူကပြောခဲ့ပါတယ်။

“မြန်မာနိုင်ငံနဲ့ မြန်မာလူထုကို ပံ့ပိုးကူညီဖို့ စိတ်ဝင်စားကြတယ်ဆိုတာက သိပ်ကောင်းတယ်လို့ ကျနော်ထင်ပါတယ်။ ဒါပေမဲ့ တည်ငြိမ်တဲ့ လူ့အဖွဲ့အစည်း၊ ကြွယ်ဝချမ်းသာတဲ့ လူ့အဖွဲ့အစည်း ဖြစ်ချင်တယ်ဆိုရင် တခုတည်းသောနည်းလမ်းက မြန်မာနိုင်ငံက လူတိုင်းကို တန်းတူအခွင့်အရေးပေးတဲ့ လူ့အခွင့်အရေးမူဘောင်တွေကို အသုံးပြုတာပါပဲ။ စီးပွားရေးလုပ်ငန်းတွေကို ကျနော်တို့ပေးတဲ့အကြံကတော့ သူတို့ရဲ့ ရင်းနှီးမြှုပ်နှံမှုကြောင့် လူ့အခွင့်အရေးအပေါ် ဘယ်လိုသက်ရောက်တယ်ဆိုတာကို နားလည်ရမယ်ဆိုတာပါ။ အဲဒါကို သူတို့ စိတ်ထဲထည့်ထားသရွေ့ ဒီနိုင်ငံက လူတိုင်းရဲ့ အခွင့်အရေးတွေကို လေးစားသရွေ့ အဲဒါဟာ နှစ်ဘက်လုံး အနိုင်ရတဲ့အခြေအနေ ဖြစ်နုိုင်တယ်လို့ ကျနော်ထင်ပါတယ်။”

အပြည်ပြည်ဆိုင်ရာ လွတ်ငြိမ်းချမ်းသာခွင့် (AI) အဖွဲ့ရဲ့ အတွင်းရေးမှူးချုပ်တစ်ဦးဖြစ်သူ Salil Shetty က ဗွီအိုအေကိုပြောခဲ့တာ ဖြစ်ပါတယ်။

ဦးကျော်ကျော်သိန်း,  မမိုးဖြူ (ဗွီအိုအေ)

ဒေါ်လာအစား ကျပ်ငွေဖြင့်သာ အခွန်ဆောင်ရတော့မည်

အစိုးရ ၀န်ကြီးဌာန/ အဖွဲ့အစည်းများသို့ အခွန်အခများအား နိုင်ငံခြားငွေဖြင့် ပေးချေရန် မလိုတော့ဘဲ မြန်မာကျပ်ငွေဖြင့်သာ ပေးဆောင်ရတော့မည်ဖြစ်ကြောင်း သိရသည်။ နိုင်ငံတော်အတွင်း နိုင်ငံခြားငွေ သို့မဟုတ် အမေရိကန်ဒေါ်လာဖြင့် အခွန်အခများ ကောက်ခံခြင်း၊ ပေးချေခြင်း၊ လက်ခံခြင်း၊ လွှဲပြောင်းခြင်းများသည် ပြည်တွင်းဈေးကွက်တွင် ဒေါ်လာလိုအပ်ချက် ပမာဏ မြင့်မားစေသည့်အပြင် ပြည်တွင်းသုံး ကျပ်ငွေ၏ အသုံးဝင်မှု အခန်းကဏ္ဍကိုလည်း လျော့ကျစေကြောင်း နိုင်ငံတော် သမ္မတရုံး ၀က်ဘ်ဆိုက်၏ မေ ၃၁ ရက် ထုတ်ပြန်ချက်အရ သိရသည်။ 
 “အခုလို မြန်မာကျပ်ငွေနဲ့ ပေးရတော့မယ်ဆိုရင် အရမ်းကောင်းတာပေါ့။ လုပ်ရကိုင်ရတာ တော်တော် အဆင်ပြေသွားမယ်” ဟု ဆိုသည်။ ယင်းသို့ အခွန်ပေးဆောင်ခြင်းဆိုင်ရာ စနစ်တစ်ခု ပြောင်းလဲလိုက်ခြင်းက ပြည်တွင်းလုပ်ငန်းရှင်များ နိုင်ငံခြားငွေကို တစ်ဆင့်ပြန်ဝယ်ပြီး အခွန်ဆောင်းခြင်း အခက်အခဲတစ်ခုကို ပြေလည်စေသည့်အပြင် အခွန်ဆောင်ရန်အတွက် နိုင်ငံခြားငွေကို တရားဝင် ငွေလဲကောင်တာများအပြင် ပြင်ပဈေးကွက်မှ လုပ်ငန်းရှင်များက ၀ယ်ယူနေရသဖြင့် နိုင်ငံခြားငွေ ၀ယ်လိုအား မြင့်လာသဖြင့် နိုင်ငံခြားငွေ တန်ဖိုး တက်လာပြီး ပြည်တွင်းငွေတန်ဖိုး ကျဆင်းသွားခြင်း ပြဿနာကို ဖြေရှင်းရာ ရောက်သည်။ နိုင်ငံခြားငွေ ကိုင်ဆောင်ထားသော လုပ်ငန်းရှင်များအနေဖြင့် မြန်မာငွေနှင့် ပြည်လဲရသည့်အတွက် အခက်အခဲများရှိနိုင်ကြောင်း စီးပွားရေး လေ့လာသူတချို့က သုံးသပ်သည်။ 
ယင်းသို့ ပြည်သူ့ရေးရာ ၀န်ဆောင်မှု လုပ်ငန်းများ ဆောင်ရွက်ရာတွင် မြန်မာငွေဖြင့်သာ ကောက်ခံရန် နိုင်ငံတော် သမ္မတက ပြည်ထောင်စု ၀န်ကြီးဌာနများ အားလုံးနှင့် တိုင်းဒေသကြီး၊ ပြည်နယ်အစိုးရ အဖွဲ့အားလုံးသို့ ညွှန်ကြားချက် ထုတ်ပြန်ထားသော်လည်း သာသာနရေး ၀န်ကြီးဌာန မပါဝင်ကြောင်း ၂၀၁၃ ခုနှစ် ဇွန်လ ၄ ရက်နေ့ထုတ် Flower News ဂျာနယ်တွင် ဖော်ပြထားပါသည်။

Source : Khit Lu Nge

မြစ်ဝကျွန်းပေါ်သွားသင်္ဘောခရီးစဉ်ဈေးတက်မည်

ပို့ဆောင်ရေးဝန်ကြီးဌာန၊ ပြည်တွင်းရေကြောင်းပို့ဆောင်ရေးက မြစ်ဝကျွန်းပေါ်မှာ ပြေးဆွဲ နေတဲ့ ခရီးစဉ်လိုင်း (၁၈) လိုင်းထဲက (၆) လိုင်းရဲ့လက်မှတ်ဈေးနှုန်းတွေကို တိုးမြှင့်ကောက်ခံတော့မယ်လို့ သိရပါသည်။
ပို့ဆောင်ရေးဝန်ကြီးဌာန အောက်မှာရှိတဲ့ ပြည်တွင်းရေ ကြောင်းပို့ဆောင်ရေး၊ မြန်မာ့လေ ကြောင်း၊ မြန်မာ့ဆိပ်ကမ်း အာဏာ ပိုင်နဲ့ မြန်မာ့သင်္ဘောကျင်း လုပ်ငန်းတို့ဟာ နိုင်ငံတော်ရဲ့ ပံ့ပိုးမှုနဲ့ ဘတ်ဂျက်ကိုမယူတော့ဘဲ ကိုယ် ပိုင်ငွေနဲ့အသုံးစရိတ်ကို ညှိနေတာဖြစ်တဲ့အတွက်ကြောင့် ပြည်တွင်းရေကြောင်းပို့ဆောင်ရေး လုပ်ငန်းဟာ မြစ်ဝကျွန်းပေါ်မှာ ပြေးဆွဲနေတဲ့ခရီးစဉ်လှိုင်း အရှုံးပေါ်ပြေးဆွဲနေရတဲ့အတွက် ဈေးနှုန်း အနည်းငယ် မြှင့်တင်ရမှာ ဖြစ်ကြောင်းလည်း သိရပါသည်။ 
တိုးမြှင့်ကောက်ခံပြေးဆွဲမည့် ခရီးစဉ်လိုင်းများမှာ ရန်ကုန်-မော် ကျွန်း ၂၀၀၀ ကျပ်၊ ရန်ကုန်-ဘို ကလေး ၁၇၅၀ ကျပ်၊ ရန်ကုန်- လပွတ္တာ ၃၅၀၀ ကျပ်၊ ရန်ကုန်- ဖျာပုံ ၁၅၀၀ ကျပ်နဲ့ ရန်ကုန်-ကျုံ မငေး ၂၀၀၀ ကျပ်တို့ဖြစ်ကြောင်း သိရပါသည်။

Source : The Hot News

အမြန်လမ်းမကြီးပေါ်မှ ယာဉ်အန္တရာယ်များ ကာကွယ်နိုင်တော့မည်

မြန်မာနိုင်ငံအတွင်း ယာဉ်အသုံးပြုမှု များပြားသည့် မြို့ကြီးများနှင့် အဆင့်မြင့် အမြန်လမ်းမကြီးများပေါ်တွင် အရှိန်မြှင့် မောင်းနှင်သော မော်တော်ယာဉ်များကို အတိကျဆုံးတိုင်းတာ၍ မှတ်တမ်းတင် ဖမ်းဆီး အရေးယူနိုင်တော့မည် ဖြစ်သည်။ အမေရိကန်နိုင်ငံ၏ ထိပ်တန်းနည်းပညာ ကုမ္ပဏီတစ်ခုဖြစ်သည့် Laser Technology Inc. မှ ထုတ်လုပ်သည့် Traffic Over Speed Enforcement Laser ပစ္စည်းများကို Handheld Photo/Video Enforcement Laser ကိရိယာကို အသုံးပြု၍ ယာဉ်မတော်တဆဖြစ်မှုကို ကာကွယ်တားဆီး ပေးနိုင်မည် ဖြစ်သည်။ အဆိုပါ ကိရိယာသည် သတ်မှတ်မိုင်နှုန်းထက် ပိုမိုမောင်းနှင်သော မော်တော်ယာဉ်များ၏ Photo သာမက ဖြစ်စဉ်၏ Video အထောက်အထားတို့ကိုပါ မှတ်တမ်းတင်နိုင်မည် ဖြစ်သည်။ High-Resolution image Camera ဖြစ်သည့်အတွက် မော်တော်ယာဉ်အမျိုးအစား၊ အမည်နှင့် ယာဉ်နံပါတ်ပြားကို ထင်ရှားစွာမြင်တွေ့ သက်သေခံနိုင်မည် ဖြစ်သည်။ ကင်မရာအတွင်း မှတ်တမ်းတင်ထား သော အချက်အလက်များကို ပြုပြင်ဖျက်ဆီး၍ မရအောင် ကာကွယ်ထားသည်။ ထိုကိရိယာ၏ အလေးချိန်သည် 1.5 Kgm ရှိသည်။ 12V ဘက်ထရီဖြင့် အသုံးပြုနိုင်သည်။ မော်တော်ယာဉ်၏ သတ်မှတ်မိုင်နှုန်းကို လိုအပ်သလို တိုင်းတာသည့် ကိရိယာတွင် သတ်မှတ်ပေးနိုင်သည်။ ယာဉ်တစ်စီးအား တိုင်းတာမှုကြာချိန် ဝ ဒသမ ၃၃ စက္ကန့် ဖြစ်ပြီး တိုင်းတာမှုကို ၉၉ ရာခိုင်နှုန်း တိကျစွာ တိုင်းတာပေးနိုင်သည်။ ညဘက် အသုံးပြုပါကလည်း Tru Flash နှင့် တွဲဖက်အသုံးပြုနိုင်ပြီး ဖမ်းယူသည့် မော်တော်ယာဉ်၏ ပုံရိပ်ကို ထင်ရှားစွာ မှတ်တမ်းတင်နိုင်သည်။ GPS စနစ် အသုံးပြုထားခြင်းကြောင့် တည်နေရာနှင့် အချိန်ကိုပါ သိရှိနိုင်မည်ဖြစ်သည်။ အဆိုပါ ကင်မရာကို မြန်မာနိုင်ငံ အတွင်းရှိ ယာဉ်အသုံးပြုမှု များပြားသည့် မြို့ကြီးများနှင့် အဆင့်မြင့် အမြန်လမ်းမကြီးပေါ်တွင် အသုံးပြုပြီး မော်တော်ယာဉ်များ အမြန်နှုန်းဖြင့် မောင်းနှင်ခြင်းကြောင့် မလိုလားအပ်သော ယာဉ်အန္တရာယ် ကြုံတွေ့ရမှုနှင့် အသက်အိုးအိမ်စည်းစိမ် ဆုံးရှုံးမှုကို ထိန်းချုပ်ကာကွယ်နိုင်မည် ဖြစ်သည်။ အဆိုပါကင်မရာကို ကမ္ဘာ့နိုင်ငံအသီးသီးတွင် ၈ဝ ရာခိုင်နှုန်းခန့် အသုံးပြုလျက်ရှိသည်။ Traffic Over Speed Enforcement Laser ၏ စွမ်းဆောင်ရည်ကို မေ ၃ဝ ရက်က ရန်ကုန်မြို့ ဆီဒိုးနားဟိုတယ်၌ ရှင်းလင်းပြသခဲ့သည်ဟု ၂၀၁၃ ခုနှစ် ဇွန်လ ၁ ရက်နေ့ထုတ် မြန်မာ့အလင်း သတင်းစာတွင် ဖော်ပြထားပါသည်။

Source : Khit Lu Nge 

အာဆီယံ၏ ဟိုတယ်ရင်းနှီးမြှုပ်နှံမှု ဒုတိယ အကြိုက်ဆုံးအဖြစ် မြန်မာရွေးချယ်ခံရ

အာရှပစိဖိတ်ဒေသ ဟိုတယ်ရင်းနှီးမြှုပ်နှံမှုဆိုင်ရာ ညီလာခံတွင် နိုင်ငံတကာ စီးပွားရေး လုပ်ငန်းရှင်များ၏ အာဆီယံ ဒေသတွင်း ဟိုတယ်ရင်းနှီးမြှုပ်နှံရန် အကြိုက်ဆုံးနိုင်ငံ ရွေးချယ်မှု၌ မြန်မာနိုင်ငံက ဒုတိယရရှိခဲ့ပြီး နိုင်ငံသစ်တွင် မြန်မာကို အကြိုက်ဆုံးဖြစ်ကြောင်း သတ်မှတ်ခဲ့ကြသည်ဟု ၂၃-၅-၂၀၁၃ ရက်က သတင်းရရှိသည်။ မေလ ဒုတိယပတ်က ကျင်းပသော အဆိုပါညီလာခံကို အာရှပစိဖိတ်ဒေသတွင်းမှ စီးပွားရေး လုပ်ငန်းရှင် ၂၀၀ ကျော် တက်ရောက်ခဲ့ကြပြီ ဖုန်းဖြင့် SMS ပေးပို့ကာ မဲ(Voting) ပေးရွေးချယ်ခဲ့ကြခြင်းဖြစ်ကာ အဆိုပါ ညီလာခံကို ဘန်ကောက်မြို့တွင် နှစ်ရက်ကြာ ကျင်းပခဲ့သည်ဟု သိရသည်။ “မြန်မာနိုင်ငံကို နိုင်ငံတကာက စိတ်ဝင်စားနေတာ။ ဟိုတယ်ရင်းနှီးမြှုပ်နှံဖို့ စုံစမ်းသူတွေလည်း မနည်းပါဘူး။ လောလောဆယ် ပြင်သစ်က Croisi Europe ကုမ္ပဏီက မြန်မာမှာ ခရီးသွားလုပ်ငန်းဆိုင်ရာ ရင်းနှီးမြှုပ်နှံမှုမှုတွေ လုပ်ခွင့်ပေးဖို့ ကုမ္ပဏီဥက္ကဋ္ဌ မစ္စတာ Patrick Schmitter ကိုယ်တိုင်လာပြီး ခွင့်ပြုချက် တင်ထားတယ်” ဟု မြန်မာနိုင်ငံ ရင်းနှီးမြှုပ်နှံမှုနှင့် ကုမ္ပဏီများ မှတ်ပုံတင်ဌာနမှ တာဝန်ရှိသူတစ်ဦးက ပြောကြားသည်။ အဆိုပါ ကုမ္ပဏီများ အနေဖြင့် မြန်မာနိုင်ငံတွင် ကြုံတွေ့ရနိုင်သော အခြေအနေများကို လေ့လာစုံစမ်းသွားပြီး ရင်းနှီးမြှုပ်နှံမှုတွင် ဆောင်ရန်နှင့် ရှောင်ရန်များကိုပါ လေ့လာမေးမြန်းသွားသည်ဟု သိရသည်။ ထိုင်းနိုင်ငံသည် ပထမဆုရရှိခဲ့ပြီး မြန်မာက ဒုတိယနှင့် အင်ဒိုနီးရှား၊ ဗီယက်နမ်၊ မလေးရှား၊ ကမ္ဘောဒီးယား စသည်တို့က အစဉ်လိုက် ရပ်တည်နေသည်ဟုလည်း သိရကြောင်း ၂၀၁၃ ခုနှစ် မေလ ၃၀ ရက်နေ့ထုတ် ပြည်မြန်မာ ဂျာနယ်တွင် ဖော်ပြထားပါသည်။

Source : Khit Lu Nge