 |
| သိုင်းကျွန်းရွာအဝင်နားစေတီတော်ရှိရာလမ်း |
ဒီတစ်ပါတ် Sunday မနက်မှာ အလုပ်ကိစ္စတစ်ခုနဲ့ စက်ဘီးစီးထွက်ခဲ့ပါတယ်။ ယခင်စီးနေကျလမ်းကြောင်းအတိုင်းပဲစီးဖြစ်တာပါ။ အလုပ်ကိစ္စပြီးလို့ ရတနာမြိုင်က Teashop လဖ္ဘည့်ရည်ကျစိမ့်လေးသောက်ပြီး အပြန်မှာ သိုင်းကျွန်းရွာကို အသစ်ဖောက်ထားတဲ့လမ်းကြောင်းတစ်ခုကို စီးကြည့်ဖို့ဆုံးဖြတ်လိုက်ပါတယ်။ ရာသီဥတုကလည်း အုံ့မှိုင်းမှိုင်းလေးနဲ့ ကိုယ့်ဘက်မှာရှိနေတာကိုး။ ယခင်ကဖြတ်သွားတိုင်း ဒီလမ်းကိုတစ်ခေါက်လောက်သွားစီးဖို့စိတ်ကူးဖြစ်ပေမယ့် မဝင်ဖြစ်ပါဘူး။ ယခုအကြိမ်မှသာ တကယ်ရောက်ဖြစ်ပါတော့တယ်။
 |
| တောင်ပေါ်ရှုခင်းလေးနှင့် |
 |
| ရိုးမနောက်ခံလမ်းအလှ |
 |
| စေတီတော်တည်ထားရာကျောက်တောင်ပေါ်မှရှုမျော်ခင်း |
ဟိုင်းဝေးလမ်းကနေ ချိုးဝင်လိုက်တာနဲ့ ကုန်းတက်နဲ့စတိုးတာပါပဲ။ လမ်းကကျောက်ခင်းလမ်းဆိုပေမယ့် 93 ထုတ် Vintage ဘီးလေးနဲ့အတော်လေးတော့ရုန်းလိုက်ရပါတယ်။ ကုန်းအဆင်းမှာလည်း ရှည်လျှားပြီး အရှိန်များတာကြောင့် လမ်းကွေ့မှာ စလစ်ဖြစ်မှာစိုးလို့ အတော်လေး သတိထားရပါသေးတယ်။ တောင်ကုန်း၂ ကုန်းလောက်အတက်အဆင်းပြီးတော့ ရွာကိုလှမ်းမြင်နေရပါပြီ။ဒီရွာကို တစ်ခါမှမရောက်ဖူးပေမယ့် လာကြည့်လိုက်တာမမှားပါဘူး သဘာဝရှုခင်းတွေ၊ တောတောင်နောက်ခံလယ်ကွင်းတွေနဲ့ တကယ့်ကိုသာယာလှပါတယ်။ ရွာအဝင်လမ်းမရောက်ခင် ကျောက်တောင်ပေါ်မှာတည်ထားတဲ့ စေတီတစ်ဆူကိုလည်း သပ္ပါယ်စွာဖူးတွေ့ရပါတယ်။
 |
| ကျောက်ကလပ်စေတီတော် |
 |
| ကျောက်ကလပ်စေတီတော် |
 |
| ကျောက်တောင်ကုန်းပေါ်မှရှုခင်းအချို့ |
ရွာထဲခဏဝင်ပြီးအပြန်မှာ မိုးပေါက်အနည်းငယ် ကျလာလို့ စေတီနားက ဆောက်လက်စ ဇရပ်တစ်ခုမှာမိုးဝင်ခိုရင်း ကျောက်တောင်ပါ်ကစေတီကို တက်ဖူးဖြစ်ပါတယ်။ ကျောက်တောင်ပေါ်မှာတည်ထားတာဖြစ်လို့ စေတီတာ်ထားရာကျောက်တောင်ပေါ်ကနေမြင်ရတဲ့ရှုခင်းတွေကလည်းလှပါတယ် ရွာဝင်လမ်းမကြီးနှင့်အတူ လမ်းဘေးဝဲယာလယ်ကွင်းတွေကို စိမ်းစိုလှပစွာ အပေါ်စီးကတွေ့မြင်ရပါတယ်။ တခြားတစ်ဖက်မှာတော့ ရိုးမတောင်တန်းကြီးအလှကို တောင်ခိုးတွေ ဝေဝါးစွာနဲ့လှမ်းမြင်ရပါတယ်။ မှတ်မှတ်ရရဖြစ်သွားတာကတော့ ပုံကောင်းလေးတွေရဖို့ Nokia ဖုန်းကမရာလေးနဲ့ ကြိုးစားရင်း အတော်တဆလွတ်ကျလို့ ဖုန်းမှန်ကွဲသွားတာပါပဲ။
 |
| ရွာအဝင်လမ်း |
 |
| ရွာအဝင်လမ်းမှကြိုဆိုနေသူ |
 |
| အချစ်တော် ဘီးလေးနှင့် ရွာအဝင်ရှုခင်း |
 |
| ရိုက်ဖြစ်ခဲ့တဲ့မိမိရဲ့အမှတ်တရပုံ |
လင်းမောင်မောင်
No comments:
Post a Comment
Thank you for your comment on my blog, Anythig you can suggesting and discuss to me.