ပျူကျောက်စာလေ့လာရေးခရီး

လွန်ခဲ့သော ၁ နှစ်ခန့်က ဂွမြို့နယ်မှာ စက်ဘီးစီးလမ်းကြောင်းတွေကို စီးဖော်စီးဖက် ဝါသနာတူတချို့နှင့် စကားစပ်မိရင်း လင်းစတား ဆိုင်ကယ်ပြင်ဆိုင်မှ လွှမ်းမိုးနိုင်က ပန်းတော၊ တုံးတောရွာအနီးတွင် ပျူကျောက်စာရှိကြောင်း ထိုနေရာသို့ စက်ဘီးစီးခရီးဖြင့် သွားလို့ရကြောင်း ပြောပြရာ သွားရောက်ချင်စိတ်ဖြစ်ပေါ်လာလို့ အားလပ်ရက်တစ်ချို့မှာ သွားရောက် လေ့လာကြဖို့အတွက် စီစဉ်ခဲ့ကြသည်။ သို့သော်လည်း အကြောင်းကြောင်းကြောင့် ခရီးသွားဖို့အစီအစဉ်မှာ အကောင်အထည်မပေါ်လာပဲ သွားမည့်နေ့ကို အားလုံးအဆင်ပြေနိုင်မည့် ရက်ကို နောက်ဆုတ်ထားရင်း ၂၀၂၁ ခုနှစ် ဇန်နဝါရီလ ရောက်မှသာ ခရီးသွားဖို့အစီအစဉ်ကို တကျော့ပြန်စီစဉ်ဖြစ်ခဲ့ပါတယ်။

ယခုတဖန် ခရီးစဉ်တွင်လည်း ယခင်စက်ဘီးစီးဖော်များမှာ အလုပ်မအားလပ်သူနှင့် Home Stay ဝင်နေရသူနှင့် ခရီးသွားလာဖို့လွဲချော်ခဲ့ကြပါတယ်။ သို့သော် ကျွန်တော်နှင့်အတူ နောက်ထပ်စက်ဘီးစီး ဝါသနာတူအသစ် ၂ယောက် ယခုခရီးစဉ်မှာ ပါဝင်ခဲ့ကြပါတယ်။ ဇန်နဝါရီလသည် စက်ဘီးနှင့် ခရီးသွားရန်အတွက် အကောင်းဆုံးကာလ ဖြစ်သောကြောင့် ယခုလတွင် ခရီးစဉ်ကို မလွဲချော်လိုသဖြင့် ၂၀.၁.၂၀၂၁ ဗုဒ္ဓဟူးနေ့တွင် ပျူကျောက်စာလေ့လာရေး စက်ဘီးခရီးကို စတင်ခဲ့ကြပါတယ်။

ရှေးဟောင်းသဘာဝငွေတောင်လှိုဏ်ဂူဘုရား

 

Beach View

ယနေ့ နံနက်ခင်းမှာ စက်ဘီးစီးရင်းရောက်ဖြစ်ခဲ့တာကတော့ ဝေးဝေးလံလံမဟုတ်တဲ့ ရှေးဟောင်းဆံတော်ရှင်ရွှေဘုံသာ စေတီတည်ထားရာငွေတောင်ကိုပါ။ ဂွ- သဲတွဲ ကားလမ်းနံဘေးမှာရှိပြီး ယခင်က အမြဲဖြတ်သွားဖြတ်လာရှိနေပေမယ့် ယခုတစ်ခေါက်တော့ ဂွမြို့နယ်မှာစက်ဘီးစီးရင်း လည်ပါတ်စရာ အထင်ကရ နေရာတစ်အခုအဖြစ် မှတ်တမ်းတင်လိုတာကြောင့် ယခုလိုရေးသားဖေါ်ပြလိုက်ပါတယ်။

သဘာဝနှင့်လှနေသောကမ်းခြေ(သို့)ဇီးခုံ

ဇီးခုံကမ်းခြေနံနက်ခင်းအလှ

ယခုတစ်ပါတ် Sunday မှာ သဘာဝကမ်းခြေတစ်ခုဖြစ်တဲ့ ဇီးခုံကမ်းခြေကို မနက်စောစော စက်ဘီးစီးထွက်ဖြစ်ခဲ့ပါတယ်။ ဇီးခုံကမ်းခြေဟာ သဘာဝအတိုင်းလှပနေဆဲဖြစ်သလို တချို့နိုင်ငံခြားသားတွေ ငပလီကနေတကူးတက လာရောက်လည်ပတ်လေ့ရှိတဲ့ ကမ်းခြေတစ်ခုအဖြစ် နာမည်ကျော်ပါတယ်။ မနက်ပိုင်းစောစော စီးရတာဖြစ်လို့ ဆောင်းတွင်းရဲ့ အေးမြတဲ့ရာသီဥတုကိုခံစားရပေမယ့် စက်ဘီးစီးနေရတာကြောင့် အအေးဒဏ်ကိုသိပ်မခံစားရပါဘူး။

တောတောင်အလှနှင့်ဆင်ကူးရွာစက်ဘီးခရီး

ကိုဗစ်ကာလမှာ စက်ဘီးမစီးဘဲလည်း မနေနိုင် လမ်းပေါ်လဲသိပ်မသွားချင် Off-road မစီးရတာလဲကြာပြီဆိုတော့ ယခုတခေါက်မှာ MTB လေးနဲ့ ရိုးမအနီးကနေသွားရတဲ့ ဆားချက် - ဆင်ကူး လမ်းကို Solo စီးဖြစ်သွားတယ်။ ဒီလမ်းကြောင်းကို ယခုမှစစီးတာဆိုတော့ Google Map ကြည့်တော့ လမ်းကြောင်းလည်းမထင်ရှား၊ မြေပြင်အနေအထားလည်းမသိပဲသွားရတာမို့ ကိုယ့်အတွက်တော့ အသစ်အဆန်းဖြစ်ပါတယ်။

သိုင်းကျွန်းသို့စက်ဘီးခရီးတစ်ခါက်

သိုင်းကျွန်းရွာအဝင်နားစေတီတော်ရှိရာလမ်း

ဒီတစ်ပါတ် Sunday မနက်မှာ အလုပ်ကိစ္စတစ်ခုနဲ့ စက်ဘီးစီးထွက်ခဲ့ပါတယ်။ ယခင်စီးနေကျလမ်းကြောင်းအတိုင်းပဲစီးဖြစ်တာပါ။ အလုပ်ကိစ္စပြီးလို့ ရတနာမြိုင်က Teashop လဖ္ဘည့်ရည်ကျစိမ့်လေးသောက်ပြီး အပြန်မှာ သိုင်းကျွန်းရွာကို အသစ်ဖောက်ထားတဲ့လမ်းကြောင်းတစ်ခုကို စီးကြည့်ဖို့ဆုံးဖြတ်လိုက်ပါတယ်။ ရာသီဥတုက‌လည်း အုံ့မှိုင်းမှိုင်းလေးနဲ့ ကိုယ့်ဘက်မှာရှိနေတာကိုး။ ယခင်ကဖြတ်သွားတိုင်း ဒီလမ်းကိုတစ်ခေါက်လောက်သွားစီးဖို့စိတ်ကူးဖြစ်ပေမယ့် မဝင်ဖြစ်ပါဘူး။ ယခုအကြိမ်မှသာ တကယ်‌ရောက်ဖြစ်ပါတော့တယ်။